حاجه غريبه وعجيبه جدا حصلت معايا

**M.Mostafa80** · 11-04-2009 12:31 AM

وانا راجع من السفر النهارده لقيت العربيه حصل فيها حاجه غريبه جدا ألا وهى أن عداد الكيلومتر يصفر لوحدو والساع تعمل ريست على الساعه 12 ولمبه البطريه ترعش طبعا كل دا حصل فى أقل من الثانيه وحصلت معايا مرتين تعتقدو دا ممكن يكون أيه لحسن أنا الموضوع دا جنينى هل ممكن يكون شحن زياده من الدينمو ولا نتيجه ضعف كتاوت الدينمو

**snakeson2** · 11-04-2009 01:28 AM

ممكن سلك البطارية يكون مش راكب كويس وبيتهز

**Fadi Ezzat** · 11-04-2009 12:57 PM

اولا انت هتكشف على الكتاوت عند اى كهربائى
ثانيا انت عتغير الاطاشات وثمنهم حوالى 5 جنية كدة يعنى
لو ماتعرفهمش ةدول الى هما بيبقو على البطارية الى متوصلين بالموجب والسالب بتوعها

**Eng.moh.masry** · 11-04-2009 01:50 PM

الموضوع دا خطير جدا و ميتسكتش عليه لان ممكن يكون عندك قفلة او سلك ملمس او ارضى بيهرب شوف كهربائى كويس يكشفلك على الكلام دا علشان ميحصلش لا قدر الله حاجة وحشة

**original** · 11-04-2009 09:44 PM

أكيد سلك مهرب..

**M.Mostafa80** · 11-04-2009 10:14 PM

حمد الله على السلامه ياراجل قلقتنا عليك

**ehab_mansour** · 12-04-2009 09:26 AM

السلام عليكم يا محمد باشا

ان شاء الله خير ولا تقلق ولكن يجب انك تاخد قرار سريع في الموضوع ده .
انا حصلي نفس اللي حصل معاك مرة برده الأسبوع الماضي وسببه ان فيه اي توصيلة أرضي في دفيرة كهرباء السيارة بتعلق لأن اي وصلة أرضي سواء في جسم المحرك أو في الدينامو أو في كابل الأرضي للبطارية أو حتي لو فكيت وش مفاتيح التكييف اللي في التابلوه ومش متربط عليه كويس هتلاقي المشكلة دي تظهر لأني جربتها بنفسي والعربية واقفة وسبب ذلك أن كنترول السيارة واخد اشارات مختلفة ومسيطر علي كل أجزاء ومكونات السيارة وبالتالي كل الحاجات دي الأرضي بتاعها واصل تولي ورا بعضها أو ممكن نقول معظمها وعند حدوث خلل في أي وصلة تؤدي الي وقوع أرضي كل إشارات الكنترول وكذلك سقوط الجهد علي كنترول السيارة وبالتالي ضياع كل الداتا اللي مسجلها زي الساعة وعداد الكيلومتر الصغير وكده يعني .
معلش طولت عليك في الكلام لكن اعلم ان منظومة عمل السيارات الحديثة كلها هي منظومة موحدة الكترونيا وكهربيا واي خلل في اي جزء منها كان صغير او كبير بيؤدي الي خلل وسقوط المنظومة بأكملها ويارب أكون أفدت بشيء لإخواني اللي مش عارف ارد اي حاجه ليهم

وشكرا

**ehab_mansour** · 12-04-2009 11:49 AM

الله يكرمك يا محمد ويجزيك وكل أخوانا في المنتدي كل الخير وياريت تبقي توافينا بالجديد عن اي موضوع دائما واحنا في الخدمة لو نقدر نقول اي حاجه

الموضوع: حاجه غريبه وعجيبه جدا حصلت معايا

LinkBack

أدوات الموضوع

عرض

-

-

-

-

-

-

المواضيع المتشابهه

حاجه غريبه حصلت فجأة !!!!؟؟؟؟

حاجه غريبه اوووي حصلت انهارده

حاجه غريبه حصلت في الافيو

حاجه غريبه حصلت في الالنترا انهارده

حاجه غريبه فى كهرباء العربيه حصلت

الكلمات الدلالية لهذا الموضوع

المفضلات

المفضلات

ضوابط المشاركة