موضوع خنقني اوي

**mahmoud_anwar** · 14-04-2010 05:30 PM

انا في موضوع بجد قرب يزهقني من العربيه وشكلي هولع فيها

المهم الموضوع أن العربيه الي معايه بي ام دبليو 316 موديل 82 الشرق
المهم العربيه اول ما جبتها غيرتلها بوجيهات حطيط بوجيهات3 شمعه
المهم كان صوت المتور العربيه عاليه والمهم الميكنيكي حب يبتكر المهم قالي هظبطلك
الكربرتير المهم عمل كده فعلآ وقالي انا ثبت ليك في العربيه ثنه كهربا علشان العربيه تسحب جامد
المهم روحت البيت وبليل جت اخرج بيها لحظت ان العربيه بتغيب في الدوار ولزم تشعر ليها بنزين
قولت يمكن الكربرتير عايز ظبط خفيف وحصل رحت لو احد غيره ظبطهولي لقيت العربيه سحبها بقا حلو جدآآآآ بس كان فيه مشكله ان الشكمان كان عامل هبابه قالي لا هتفق مع مشوار حلو كده
صدقت المهم تاني يوم القي العربيه سحبها برضة مش حلو وبحس وانا بشيل قدمي من علي الدبرياج انها هتبطل وكمان العربيه لما بدورها وهيا برده بترزع جامد ولزم احط قدمي علي البنزين وانا بسخن والمشكله الاكبر دلوقتي الي اكتشفتها ان العربيه ما بتجبش غير 120

ولو قرصت اشم ريحه معفنه مش ريحه شياط ريحه معفنه
افيدوني ايه المشكله

**romeo_6887** · 14-04-2010 06:06 PM

نضف الكاربيراتير تاني و غير فلتر الهوا و البنزين
و شوف النتيجه

**mahmoud_anwar** · 14-04-2010 06:24 PM

المشاركة الأصلية كتبت بواسطة romeo_6887

نضف الكاربيراتير تاني و غير فلتر الهوا و البنزين
و شوف النتيجه

يعني تعتقد ان المشكله فيهم مش في الاستوانه وديسك

**kasten** · 14-04-2010 08:12 PM

المشاركة الأصلية كتبت بواسطة wassof

يعني تعتقد ان المشكله فيهم مش في الاستوانه وديسك

الريحه دى مؤشر سئ انا عانيت منه
والاسطوانه والديسك ليهم ريحه مميزه ومش ريحه بس
كتير بتدوس بنزين وتلاقى صوت بيعلى والعربيه مبتجريش

**romeo_6887** · 14-04-2010 08:26 PM

المشاركة الأصلية كتبت بواسطة wassof

يعني تعتقد ان المشكله فيهم مش في الاستوانه وديسك

لا معتقدتش ان المشكله منهم و بعدين غير الفلاتر من باب الصيانه الدوريه

**mahmoud_anwar** · 14-04-2010 09:46 PM

المشاركة الأصلية كتبت بواسطة kasten

الريحه دى مؤشر سئ انا عانيت منه
والاسطوانه والديسك ليهم ريحه مميزه ومش ريحه بس
كتير بتدوس بنزين وتلاقى صوت بيعلى والعربيه مبتجريش[/center]

ايوه صح ودي ايه حالها علشان هيا دي تعتبر مشكلتي
هل لقيت ليها حل ولا ايه

**mahmoud_anwar** · 14-04-2010 09:49 PM

المشاركة الأصلية كتبت بواسطة romeo_6887

لا معتقدتش ان المشكله منهم و بعدين غير الفلاتر من باب الصيانه الدوريه

طيب هل تعتقد برضه ان مشكله العربيه وهيا برده في التدوير بترزع جامد ولزم اشعر بنزين
ولو سبت قدمي من علي البنزين العربيه تبرجل وتبطل تعتقد انها من الفلاتر ولا دي عايزة ظب تيكهات وكربرتير

**khaled_sabry** · 15-04-2010 02:36 PM

المشاركة الأصلية كتبت بواسطة wassof

بي ام دبليو 316 موديل 82 الشرق

يعني ايه موديل ٨٢ الشرق ؟؟؟؟

المشاركة الأصلية كتبت بواسطة wassof

بس كان فيه مشكله ان الشكمان كان عامل هبابه قالي لا هتفق مع مشوار حلو كده
صدقت المهم تاني يوم القي العربيه سحبها برضة مش حلو وبحس وانا بشيل قدمي من علي الدبرياج انها هتبطل وكمان العربيه لما بدورها وهيا برده بترزع جامد ولزم احط قدمي علي البنزين وانا بسخن والمشكله الاكبر دلوقتي الي اكتشفتها ان العربيه ما بتجبش غير 120

المشاركة الأصلية كتبت بواسطة wassof

ياباشا ولو اني بحقد علي كل ملاك bmw بس ححاول اساعدك
يتهيآلي ان المشكله عندك في الهباب الاسود اللي بتقول عليه
لآن ده بيرسب طبقه كربون عازله جامد علي البوجيهات و بتقلل الشرر و بالتالي بتضعف عزم العربيه اوي و بتخليها تلخبط جامد لآن طبقه الكربون مش بتترسب بالتساوي علي البوجيهات
و بالتالي اعمل الاتي
غير البوجيهات اللي عندك ببوجيهات تانيه (يفضل ١ شمعه - و بلاش تسمع كلام الميكانيكي و تحرق اللي عندك عن تجربه ) سن طويل و حاول تجيبهم من الماركات ( بوش - دينسون - ngk ) حسب ترتيب الجوده و ظبط الكهربا عند حد بيفهم
و جرب امشي بيهم ٣ او ٤ ايام و بعد كده فك البوجيهات و شوف مترسب عليه هباب اسود و لا لاء .... لو طلعو نظاف و مافيش كربون يبقي اشطه يا معلم و خلاص انسي الموضوع

اما لو لاقيت عندك هباب اسود تاني (غالبا في فتره الاختبار دي حتلاقي العربيه بترعش و بتزيد الرعشه كل يوم عن اللي بعده و تلاقيها بتطلع دخان اسود خفييييف و انتا علي السلانسيه ) يبقي فيه مشكله من الكربراتير من مسمار الهواء ظبطه ( او فيه احتمال ان الكهربا ماظبطتش تاني ) و حاول تنظف البوجيهات ( بسنفره خشنه او بالتحريق عليهم ) و تركبهم تاني و تكرر الموضوع لغايه لما تطلع البوجيهات مارسبتشي كربون من اخر مره ركبتهم
ساعتها بقي ارمي البوجيهات اللي بهدلتها دي و هات بوجيهات تاني علشان تبقي الدنيا حلوه معاك

لو طلعت البوجيهات نظيفه و الكهرباء مظبوطه و الكربراتير مظبوط و لسه عزمها وحش ابقي ساعتها فكر في الديس و الاسطوانه

علي العموم فيه اختبار ممكن تختبر بيهم الديسك و الاسطوانه
حاول اقف علي ارض مستويه و هات الرابع من الثبات و اطلع بيها مسافه متر ... لو طلعت يبقي ماعندكشي ديسك و سطوانه
علي فكره احتمال تلفهم عندك احتمال بعيد لآنهم مش بيبوظوو مره واحده و كمان يتهيآلي الريحه دي نتيجه لآنك بتحرق اي حاجه تاني او بيبقي العادم وحش في الحاله دي لانك بتحرق الكربون المترسب علي البوجيهات ...

**windofchange** · 16-04-2010 02:49 AM

ازاي تتطلع مالرابع يعني تطلع وتبطل؟

**khaled_sabry** · 16-04-2010 03:06 AM

المشاركة الأصلية كتبت بواسطة windsofchange

ازاي تتطلع مالرابع يعني تطلع وتبطل؟

تدوس دبرياج على الاخر و تجيب الغيار الرابع و تزود بنزين و تسب رجلك من الدبرياج واحده واحده
كأنك طالع بالعربيه عادى
و يادوب بس تطلع و تحس ان العربيه خلاص ابتدت تمشى مستقره على سرعه 10 و لا 20 ابقى اطفى علشان ماتحملشى على الفتيس
الغرض من الاختبار ده نشوف العربيه حتقدر تتحرك من الثبات على اقل غيار فيه عزم و لا لاء