لانسر 2010

**M.Akef** · 16-04-2010 09:11 PM

اخباركم يا جماعه عملين ايه؟
انا معايا لانسر 2009 1.3 اوتو
و كنت بفكر ابعها و اجيب لانسر 2010 1.6 اوتو او منيول لسه مقررتش
انا اتفرجت علي العربيه مفيش اختلافات غير الفتيس و الابانوس الخشب
بس بسمع ان ال2010 تجميعها في الهند و كلام غريب كتير طلع عنها و كمان قلقني بردو حوار ان مفيش نور في الفتيس ولا الولاعه مش عارف ليه محطوش!!!!!!!

**dr.amr** · 17-04-2010 12:00 AM

يعني ايه تجميعها في الهند

**M.Akef** · 17-04-2010 12:04 AM

المشاركة الأصلية كتبت بواسطة dr.amr

يعني ايه تجميعها في الهند

مش عارف ولله يا مان كلام غريب سمعته!!!
يعني هي العربيه زيها زي 2009 و 2007 مفيش اي اختلاف في مكان التقفيل يعني لو جبت خليجي منه يعني تقفيل في اليابان؟

**dr.amr** · 17-04-2010 12:35 AM

لا تقفيل ياباني

العربيه كان ملزوق عليها made in japan

**el931** · 17-04-2010 06:59 AM

لانسر 2010 حدود معلوماتى انها يابانى ويتم استيرادها من اليابان وان كنت سمعت هنا فالمنتدى ان الجنوط صناعة صينى ودة معناة ان اليابان بيستورد الجنوط من الصين ويجمع العربية فاليابان وانا شايف ان دى حاجة غريبة ؟!!
وعموما ً دى صورة الافراج الجمركى بتاع عربيتى ومكتوب فى بلد المنشأ اليابان
وكنت قريت رد لمهندس طارق فالمنتدى يؤكد ان العربية فعلا ً يابانى ولكنة لم ينفى ان تكون بعض مكوناتها ( كان السؤال عن الجنط تحديدا ً ) ليست يابانية

**DrMax** · 17-04-2010 05:42 PM

يابانى طبعا
بس ايه سبب التغيير ومعاك بومه 2009 يعنى لسه بشوكها
انا رايى تستنى لان العربية ان شاء الله هتبقى كويسة معاك كام سنة قدام وتبقى تجيب شارك او ما بعد الشارك...لكن كده انت هبتقى غيرت موتور بس وخسرت فلوس عالفاضى وهتبقى راكب نفس العربيه!!

**د.محمود صلاح** · 17-04-2010 06:11 PM

شكراً للتوضيح el931 المصور

**مصراوي جدا** · 18-04-2010 02:04 PM

دايما بأكد ان تقفيل اللانسر بيتم في اليابان واللانسر طول عمرها بموديلاتها المختلفة 100% ياباني ومش بتتجمع في اي بلد وده سواء للمصري (استيراد الوكيل المصري من اليابان) او الخليجي او الأردني (استيراد الوكلاء في الخليج والأردن من اليابان)

انما ده لا يمنع ان فيها قطع غيار مصنعة خارج اليابان زي اي ماركة عربيات اخرى

والبلاد اللي بتجمع اللانسر عندها بيكون لخطوط انتاج قديمة (زي الهند) بتجمع لانسر موديلات قديمة وغير مسموح لها بالتصدير باسم ميتسوبيشي وده ممكن معرفته من خلال مواقع وكلاء ميتسوبيشي في كل دول العالم من خلال موقع ميتسوبيشي
www.mitsubishi-motors.com