الى أصحاب التمبرا و محبيها

**heshamzaky** · 17-04-2010 01:18 PM

أنا من عشاق التمبرا قرأت عدة تعليقات عن مشاكلها و عدم توافر قطع الغيار هزا الكلام غير صحيح لو احتاج احد استفسار سأرد علية على قدر معرفتى و الله عربية ممتازة جدا و حمالة قسية اتزان وثبات و قوة تحمل برقبة 100 عربية من الموديلات الجديدة

**adelco** · 24-04-2010 01:58 AM

السلام عليكم
المشكله موجوده فعلا لكن بتتعرض بطريقه غلط
يعنى مثلا انا قعدت الف حوالين نفسى لمده شهر بعد ما اشتريت العربيه
ما بين الميكانيكيه والكهربائيه وبتوع الرادياتير
لانى ما كنتش فاهم ولسه برضه مش فاهم بس اصبح عندى بعض الخبرات البسيطه
لكن لو سالتنى عن رايي فى الفترة الاولى بعد ما اشتريت العربيه هقولك كلام يزعل
لكن الان انا الحمد لله سعيد بيها جدا
وبدات اعرف بعض الحلول البسيطه من خلال تواجدى معكم على النتدى
وربنا يجازيكم خير

**heshamzaky** · 25-04-2010 02:14 AM

وعليكم السلام يل اهلا وسهلا بك بص يا سيدى الفاضل لو جيت تشترى التمبرا لو حالتها اقل من 8 على 10 لا تشتريها علشان متضيقش وعلى فكرة ميكانيكة كتير لا يحبو العمل فى العربية لان الاصلاح يعنى الفك والتركيب بيأخذ وقت طويل نسبيا من الصنايعى والعائد النهائى بالنسبة لة مش الى فى دماغة والكرباء بتاعتها مش سهلة انا عربيتى انجيكشن ويوجد بها حساسات كشيرة على الفرامل والسيور والزيت والشكمان والدريكسيون حساسات لما بروح للكهربائى بيكون عندة حالة ذعر وخوف والعيب مش فى السيارة ولكن العيب فى الصنايعى لانة واخد على اسلوب العمل بالتجربة ولكن العربيات دى جميلة جدا واحب اقول لحضرتك ان التمبرا الايطالى اول لما نزات مصر سنة 94 تقريبا كان سعرها 85000 جنية بالتمام والكمال ولما شركة النصر جمعت هذة السيارة معلش كانت الخامات اقل جودة فى النهاية مبروك عليك العربية ولن تستغنى عنها الا لو ركبت عربية محترمة فى نفس جودتها وليس رفاهيتة السيارات الجيدة الورق ولكن ذات رفاهية جيدة يعنى شكل وليس موضوع اعتقد الرسالة وصلت علشان محدش يزعل علشان السيارات الحديثة

**heshamzaky** · 25-04-2010 02:06 PM

بص يا باشا بالنسبة للمروحة انا لما اشتريت العربية كان بها مروحة اوبل والمكثف بتاع المروحة كان راكب خارجى متعلق بمسمار فى الرادياتير من فوق اشتريت مكثف المروحة من شارع دمشق بحوالى 50 او 70 جنية وبرضة المشكلة لم تحل نهائيا سبت كل الكلام العك دة وذهبت الى عزبة شلبى واشتريت مروحة كاملة واشتريت تيرموستات حرارة الاصلى فكيتة من رادياتير المروحة 150 وال الترموستات 30 جنية والحمد لله نسيت هذا العك وعلى فكرة يفضل ان تذهب الى واحد كويس بناع تكيف يركبلك كتاوت خارجية مع التكيف لما تشغل التكيف والكومبريسور يلقط المروحة يشتغل على السرعة العالية وبذلك لا تقلق من الزيادة فى الحرارة حتى مع تشغيل التكيف