لمنع وجود بارومة فى الجزء الخلفى من الاعتاب

**heka_m_y** · 19-04-2010 02:47 PM

يا جماعة انا عملت حاجة جامدة جدا جدا جدا جدا كل الانسر البومة اللى بتنزل باعاب رياضية بيكون فى مكان فى الخلف أمام العجل بيحوش طينة كتير فبيعمل بارومة وصدقونى متقولش العربية جديدة مجرد ما تمشى حوالى 10000 كيلو هتلاقى بداية صدا ودى مشكلة الاعتاب الجانبية .

انا جبت أمبوبة سيليكون عظم اسمها كده وبتتباع عن أى حد بتاع بويات وثمنها 35 جنيها ونظفت المكان ده كويس وحطيت طبقة سميكة حوالى 5 سم من السليكون وعلى فكرة بتسيبه حوالى 3 ساعات علبان ما ينشف وبعد كده تمشى بالعربية هايبقى زى الاسفنج القوى لفترة حوالى مثلا 3 أو 4 أيام بعجين هتلاقية زى الجديد .

مزايا الموضوع ده انا عمر البارومة ما هاتيجى فى مكان ده خالص وهو بيعمل عازل شديد وعلى فكرة وقت ما تفكر تشيله هايتشال .

ولو سألتوا فى التوكيل هتلاقوا ان فى ناس كتير اشتكت من الموضوع ده .

وعلة فكرةو بعد ما تحط السييكون ممكن تجيب شوية بوية قريبة من لوا العربية وبفرشة ضغيرة تلون السيليكون هتقولوا ده كده تبقى رشة دواخل .. خالص لانك لما تحب تشيل السيليكون هايتشال بالبوية اللى عليه ثانيا دى حتة صيرة جدا جدا .

**zoro007** · 19-04-2010 03:47 PM

على فكره انا من اشد الناس اللىمضايق جدا بسبب غباء شركه متسوبيشى فى الموضوع دا

ومستغرب ازاى المصمم بتاع العربيه مخدش باله من حاجه زى دى وهيه واضحه زى الشمس

وفعلا بالساهل البرومه تيجى فيها وفكرتك كويسه لكن مجربتهاش لو تصورلنا شكل العربيه على وضعها بعد التعديل يكون افضل

**mada121977** · 19-04-2010 03:52 PM

انا جه فى بالى برضه موضوع البارومه ده من فتره لانى فكيت جزء من العتب الشمال للعربيه ولقيت فعلا كميه تراب وطين كبيره داخل العتب وممكن فعلا البارومه تمسك فى الحتت اللى تحت العتب دى وتبقى مشكله

**mostafa727050** · 19-04-2010 04:38 PM

فعلا الموضوع ده مهم جدا وحصل فى عربيتى و المكان ده فعلا بيملا طين وعمل عندى صدا وبقيت كل شويه اعمل التراب ده بايدى حجرب الموضوع ده.....

**heka_m_y** · 19-04-2010 05:33 PM

هو انا مش بعرف ارفع صور لانى مجربتش ده قبل كده لكن بأكد لحضرتك انى عملت الموضوع ده والله العظيم ومفيد جدا جدا جدا لكن يا ريت تخلى أى سمكرى أو بتاع بوية يعمله لك علشان يساوى السيليكون ويكون شكله ظريف ومتساوى وعلى فكرة بيكون بالظبط زى شكل عجينة الفابريكة اللى بتنزل فى العربية بس خليه يملا التجويف كله كويس بنسبة كبيرة وعالية أكنك حاطت قطعة سفنج سميكة فى هذا المكان ويحاول يليس أو يسحب شوية من السيليون على فوق شوية علشان يبقى حامى المكان كله . وانا هحاول اصور العربية وريت اعرف ارفع الصور .

**m073med** · 19-04-2010 07:51 PM

فكرة حلوة وهتفيد واحد صاحبي اتعقد من العتب بتاع العربية

**DrMax** · 19-04-2010 10:08 PM

ياريت صور عشان انا لسه شارى العربية قريب وفيها اعتاب رياضية ومش عارف ايه المكان اللى بيحوش مية وطين ده وبيعمل بارومة
فياريت صور للتوضيح وعشان نستفيد كلنا
وشكرا جزيلا

مش كانو عملو العتب فيبر احسن!!! والله كنت فاكرو فبر

**m_waheed** · 20-04-2010 11:29 AM

المشاركة الأصلية كتبت بواسطة drmax

ياريت صور عشان انا لسه شارى العربية قريب وفيها اعتاب رياضية ومش عارف ايه المكان اللى بيحوش مية وطين ده وبيعمل بارومة
فياريت صور للتوضيح وعشان نستفيد كلنا
وشكرا جزيلا

مش كانو عملو العتب فيبر احسن!!! والله كنت فاكرو فبر

+111111111

اكيد الصور هتفرق كتتير

**mada121977** · 20-04-2010 12:21 PM

المشاركة الأصلية كتبت بواسطة drmax

ياريت صور عشان انا لسه شارى العربية قريب وفيها اعتاب رياضية ومش عارف ايه المكان اللى بيحوش مية وطين ده وبيعمل بارومة
فياريت صور للتوضيح وعشان نستفيد كلنا
وشكرا جزيلا

مش كانو عملو العتب فيبر احسن!!! والله كنت فاكرو فبر

العتب فعلا فيبر بس المشكله ناه لما الطين يتجمع داخل العتب هيبقى ملامس الصاج الخاص بالعربيه من تحت .. يعنى الطين هيبقى بين الصاج والفيبر وممكن يعمل بارومه

**DrMax** · 20-04-2010 01:38 PM

المشاركة الأصلية كتبت بواسطة mada121977

العتب فعلا فيبر بس المشكله ناه لما الطين يتجمع داخل العتب هيبقى ملامس الصاج الخاص بالعربيه من تحت .. يعنى الطين هيبقى بين الصاج والفيبر وممكن يعمل بارومه

شكرا للتوضيح
ومستنين الصور برضو عشان نعرف ايه المكان ده ونستفيد كلنا
waiting