بارومة ولا ايه

**ahmadmidop** · 12-09-2009 11:33 PM

ياجماعة انا انهاردة وانا برفع العربية في المشحمة لقيت زي كام نقطة صدا اعملللل ايه وهل دي بداية بارومة ودي تتعالج ازايي منغير سمكرة او كلام من ده ما فيش اسبراي ارشه او اي حاااااجة اعمل ايييييييييييييه

لو المشكلة دي ظهرت مع حد ياريت يفدني وهل فعلا لازم العربية تترفع بعد كل شتواية ..... وشكرراا

العضو المحترم
ما تفعله بتكرار نفس الموضوع في كل الأقسام التي تخص و التي لاتخص
هو ضرر بموضوعك قبل أي شئ
نظرا لتكرار أكثر من موضوع في أكثر من قسم
تم حصولك انذار مع وقف العقوبة
أي تكررار جديد سيعرضك لوقف مدته أسبوعين

مشرف عام .4

**AHMEDCAR** · 13-09-2009 03:12 AM

نظف مكنها كويس و رشها او حط عليها شحم

**ahmadmidop** · 13-09-2009 05:37 AM

اولا الف شكر بس ارشها ايه بظبط ولو انا نضفت ماكنها مش ممكن اجرح الدهان فأزاي انضفها

**AHMEDCAR** · 13-09-2009 11:38 AM

يعنى بحته صنفره خشنه صنفر المكان ده

و بعد كده رشها بلاك اسود

**Marwanelbendary** · 13-09-2009 12:21 PM

المشاركة الأصلية كتبت بواسطة AHMEDCAR

يعنى بحته صنفره خشنه صنفر المكان ده

و بعد كده رشها بلاك اسود

كلام سليم ومتفق معاك تماما
الله ينور
وممكن برضه يجيب الاسبراي الدوكو الأسود ويرشها طبقات كتير فوق بعض
أو الأحسن يجيب اسبراي انتركوت اللي هو اسمه الحقيقي Under Coat

**ahmadmidop** · 13-09-2009 02:19 PM

اولا شكرا على الاهتمام بس ياجماعة الموضوع ده مش ممكن يقلل من تمن العربية زي الرش والكلام ده واسف على الازعاج

**ahmadmidop** · 13-09-2009 02:19 PM

الموضوع الي عندي طبيعي ولا في حاجة غلط العربية موديل 2006

**Marwanelbendary** · 13-09-2009 02:31 PM

المشاركة الأصلية كتبت بواسطة ahmadmidop

الموضوع الي عندي طبيعي ولا في حاجة غلط العربية موديل 2006

وعموما الرش ده ماينزلش من تمن العربية نهائي وبعدين انت هاترشها على أدها.

لو انت لسه في الضمان روح خد حقك بس ده في حالة انك تضمن ومتأكد ان العربية مالمسيتش أي طوبة أوبلاعة أو.... من ساعة ما اشتريتها لغاية النهارده
ولازم مايكونش عند الحتت دي اثار خبطة أي حاجة وتكون مواظب في التوكيل على مواعيد الصيانة.

**ahmadmidop** · 13-09-2009 02:39 PM

بجد الف شكر على سرعة الرد الفظيعة دي والاهتمام وللاسف انا خلصت الضمان كان في خبطة بس الخبطة دي مفيش مكانها اي حاجة يعني الحمد لله اطبقت حاجة بسيطة لكن مافيش حاجة اتجرحت او حاجة فنقط الصدا دي في حتة والخبطة بعيد عهنا خالص ... يعني افهم من كلامك ان التوكيل مسؤل عن حاجة زي كده وهل فعلا العربية للازم تتغسل فيالشتاء بعد كل شتواية في ناس قلتلي كده بس نا كنت بعد فترة لحد مغسلها بصراحة .... وبجد الف شكر على الاهتمام وفرصة سعيدة

**Marwanelbendary** · 13-09-2009 02:53 PM

المشاركة الأصلية كتبت بواسطة ahmadmidop

بجد الف شكر على سرعة الرد الفظيعة دي والاهتمام وللاسف انا خلصت الضمان كان في خبطة بس الخبطة دي مفيش مكانها اي حاجة يعني الحمد لله اطبقت حاجة بسيطة لكن مافيش حاجة اتجرحت او حاجة فنقط الصدا دي في حتة والخبطة بعيد عهنا خالص ... يعني افهم من كلامك ان التوكيل مسؤل عن حاجة زي كده وهل فعلا العربية للازم تتغسل فيالشتاء بعد كل شتواية في ناس قلتلي كده بس نا كنت بعد فترة لحد مغسلها بصراحة .... وبجد الف شكر على الاهتمام وفرصة سعيدة

والله أنا أسعد

بالنسبة للغسيل غلط جدا انك تستنى الشتواية كلها وهي دي الكارثة

اللي بيحصل ان مياه الأمطار عندنا مطينة بطين
فالطين ده بعد ما عربياتنا المسكينة علشان تروح تنام بعبلها
الطين ده بينشف ويمسك في العربية من تحت
ونيجي احنا تاني يوم ويحصل نفس الموضوع مرارا و تكرارا

المشكلة في تراكم الطين ان الطين بيشرب المياه....!!!!!!!!!
فتفضل المياه على اتصال بصاج السيارة أطول فترة ممكنة
وده طبعا والهواء بيضرب في العربية من تحت وانت ماشي

يعني عندك:
مياه + هواء + خبطة من بلاعة لعينة أزالت طبقة الحماية من أسفل السيارة = بارومة

علشان كده حاول تكتر التشحيم في الشتاء...هايقولوا عيك مجنون.

..ماهو حايطلع يوسخها تاني دلوقتي حالا....
مش مهم المهم مايبقاش في تراكمات للطين على قد ما تقدر

ما هو مصطلح التشحيم في البنزينة؟

اللي هو غسيل السيارة من الأسفل و رش شوية زيت علشان الميه والطينة ماتمسكش ولو في تراب جاف مسك على الزيت اللي انت راشه يبقى عمل طبقة عازلة عن الميه لغاية أما تغسلها تاني قريب.

وكان أصلا يقصد بيه تشحيم أجزاء العفشة في العربيات اللي ليها مشاغل تشحيم زي الشيروكي مثلا.

وشكرا

الموضوع: بارومة ولا ايه

LinkBack

أدوات الموضوع

عرض

-

-

-

-

-

المواضيع المتشابهه

بارومة تحت العتب

بارومة في سقف الاوبترا

بارومة فى العربية

بارومة تحت الابواب

الكلمات الدلالية لهذا الموضوع

المفضلات

المفضلات

ضوابط المشاركة