الريداتير دخلوه هوا

**mohmdomar** · 21-04-2010 11:25 AM

واحد صنايعي ربنا يسامحه فتحلي قربة المياة والعربية كانت سخنة ومبطلة فدخلها هوا وبقيت اسمع صوت دلدقة ميه جوا الصالون ودورة المياه عندي مقفولة (عربيتي بونتو) فمفيش مكان يطلع منه الهوا الزيادة ومن ساعتها والعربية بتسخن بشكل غير طبيعي ومؤشر الحرارة بيعدي النص فجأة
دلوقت انا خايف امشي بالعربية كدا احسن يحصل حاجة وخايف حتي اروح بيها لأي حد
ازاي اطلع الهوا الزيادة دا من دورة التبريد؟؟

**AHMED1718** · 21-04-2010 11:42 AM

المفروض يبقا ليها مسمار فايظ للاهو ممكن تلاقيه على الخراطيم اللى طالعة من الريداتير ورايحة طرنمبة الميا

بس انتا متأكد ان سخونتها مكنتش زايدة

لان لقد الله لو كانت زادت اوى يبقا جابت وش وهتفضل تسخن منك مهما عملت
وهتخش فى حوار ربنا يبعدك عنه

وان شاء الله تبقا بسيطة

بس حاجة تانيا اسألك عليها الميا بتنقص جامد دلوقتى ولا المستوى نقصة معدل طبيعي

**mohmdomar** · 21-04-2010 12:29 PM

منه لله الصنايعي الغبي بتاع البنزينة

**AHMED1718** · 21-04-2010 12:32 PM

المشاركة الأصلية كتبت بواسطة mohmdomar

لا المياه حاليا مش بتنقص خالص والسخونية زادت شرطتين بعد النص وبعد كدا قمت قافل العربية علي طول وركنتها علي جمب وسبتها زي ماهي

انا عندي مفتاحين للفايظ واحد فوق الريداتير وواحد في خرطوم ورا المتور وداخل جوة الصالون

انا فكيت المفتاح اللي علي الخرطوم (علي اعتبار الصوت كنت بسمعه من جوا الصالون) وقاعد يطلع مياه بقاقيع هوا قلت اسيبه لحد ما الفقاقيع دي تخلص قمت سايبه شوية لحد ما بقاش يطلع الا بخار مياه (نزل كمية مياه مش قليلة) وقفلته تاني وبعد كدا سبت العربية لحد ما برت خالص وقلت ازود وخد نص لتر مياه لحد ما وصل للماكسيمام

دخلت العربية بقا وشغلتها عشان اشوف صوت المياه لقيته راح بس بعدها بشوية حصل اللي بقلك عليه واللي كتبته في الاول

بص ان شاء الله ميبقاش الوش أفع بس حاول متمشيش بيها وتشوف ميكانيكى كويس

علشان لو حاجة بسيطة متوسعش
هوا عمتن طالما الميا منقصتش والمروحة شغالة كويس يبقا الدورة كده مفيهاش هوا بس السخونية دى بقا هيا اللى مطمنش زى مبقولك