كيف يتم حماية الابلاتين من التلف ؟

**Maged_Samy** · 27-04-2010 11:04 PM

لاحظت انه دائماً ما يلدع الابلاتين فى سيارتى بسرعة ويكون نقره على الرغم من ان الكوندنسر جديد ومن ماركة محترمه و مره زمان اشتريت اسبراتير استعمال و الابلاتين اللى جواه مكنش لادع ولا يمكن تقول انه اشتغل قبل كده . هل فيه حاجة ممكن تركب على البوبينه مثلاً عشان تحمى الابلاتين ولا ممكن اعمل ايه . كان فى رأى بيقول اركب 2 كوندنسر لكنه فشل .

**thedeveloper87** · 27-04-2010 11:40 PM

معلش ياباشا هو أنا باعرف منين إن الأبلاتين لدع؟
ايه علامات إن الأبلاتين لدع؟

علشان عندي مشكلة مش عارف سببها ايه. لما بكون سايق عادي واسيب دواسة البنزين فجأة ، العربية تقعد تنتش مني ، ولو مثلا هديت والعربية على سرعة 10 مثلا وجبت الأول ودست بنزين ألاقي العربية بتنتش مني.

مع العلم إن طقم الدبرياج جديد.

**Maged_Samy** · 29-04-2010 05:57 PM

المشاركة الأصلية كتبت بواسطة thedeveloper87

معلش ياباشا هو أنا باعرف منين إن الأبلاتين لدع؟
ايه علامات إن الأبلاتين لدع؟

علشان عندي مشكلة مش عارف سببها ايه. لما بكون سايق عادي واسيب دواسة البنزين فجأة ، العربية تقعد تنتش مني ، ولو مثلا هديت والعربية على سرعة 10 مثلا وجبت الأول ودست بنزين ألاقي العربية بتنتش مني.

مع العلم إن طقم الدبرياج جديد.

اللدع عبارة عن نقره فى الابلاتين .
اتنمنى بس حد يرد علينا ازاى نحمى الابلاتين .

**SAMEH_FOUAD** · 29-04-2010 09:11 PM

اولا عشان تعرفوا ان الابلاتين لو لادع العربية هتغيب جدا فى الدوارة ومرة على مرة مش هدور وممكن تتسبب فى تلف شاكوش الاسبراتير لكثرة التحميل علية اثناء الدوارة
ولحماية الابلاتين عدم ترك الكونتاكت مفتوح فترة زمنية طويلة

وبردة لو حد بيعانى من غياب فى دوارة العربية والابلاتين كويس يبقى يحاول يقرب النقطة الثابتة بالنقطة المتحركة فى الابلاتين لتقوية الشرارة