سؤال فى التمبرا مع تركيب الفلتر ال simota

**heshamzaky** · 28-04-2010 07:30 PM

الاساتذة الاعزاء الس شاركو فى التميرامعى وردوا عليا وعدم كتابة اسمائهم للخوف من نسيان اسم اى فرد منهم بس كل واحد عارف ان الرسالة موجهه الية بصورة خاصة السؤال يا سيادة الخبراء لو التمبرا الانجيكشن تم تركيب فلتر هواء simota بها مع العلم ان السيارة عندى العمة بها مستطيلة ويوجد بها خرطوم كاوتش طويل طولة حوالى 40 سنتيميتر ودة الاصلى بتاع العربية اعتقد ان الموتور اقرب الى موتور الانشيا لان حتى الابجيكشن واحد المهم لو ركبت الفلتر دة هل هيفرق فى اى حاجة ولا مجرد صوت واشتغالة والمحل الى فى شارع دمشق قال لى انة يركب والعمة بها حساس هواء والسؤال موجه الى كل الزملاء فى المنتدى اصحاب الخبرات

**yoko** · 28-04-2010 08:06 PM

السوموتي مش هيعمل فرق كبير ولا حتى محسوس الn&k هتحس بفرق لكن بما إن عندك حساس في العمة فالدنيا ممكن متتظبطش أو هتركب الفلتر بدون مسورة وبكدى مش هتحس بالأداء

**heshamzaky** · 28-04-2010 08:19 PM

المشاركة الأصلية كتبت بواسطة yoko

السوموتي مش هيعمل فرق كبير ولا حتى محسوس الn&k هتحس بفرق لكن بما إن عندك حساس في العمة فالدنيا ممكن متتظبطش أو هتركب الفلتر بدون مسورة وبكدى مش هتحس بالأداء

ألف شكر على الرد الجميل وعلى فكرة ان بقرأ مشاركاتك على المنتدى بس عندى تصحيح بص الى راكب فى العمة عبارة عن حاجة صغيرة ومتوصلة بخرطوم هواء صغير الى الانجيكشن بس مش راكب فية اى سلوك كهرباء اقصد فى العمة من الداخل

**yoko** · 28-04-2010 08:21 PM

ممكن صوره أحسن عشان أفهم قصد حضرتك إيه

**heshamzaky** · 28-04-2010 09:03 PM

المشاركة الأصلية كتبت بواسطة yoko

ممكن صوره أحسن عشان أفهم قصد حضرتك إيه

سأحاول فى الصباح افك العمة و اصورة

**heshamzaky** · 29-04-2010 11:44 AM

المشاركة الأصلية كتبت بواسطة mido_fiat_128

خضرتك متأكد ان موتورك انجكشن اصل اغلبية التمبرا فى مصر مواتير كاربراتير اللى هى 1400 و 1600 واحنا معانا واحدة 1400 وراكب فيها فعلا فلتر كده فى الجنب اليمين وسألت لو ينفع يتركبلها فلتر هواء سبور الراجل قالى مش هايعمل اى فرق لا فى الصوت ولا السحب

أيوة والله ياباشا العربية دى استيراد وهى غير التمبرا الى كلنا عارفينها يوجد بها abs and air bag وفتحة سقف كهرباء والعدادات عادية مش ديجيتال زائد بعض الكماليات الاخرى فى التابلوة يعنى حضرتك عارف فية على شمال الدريكسيون فى التابلوة مكان مفتوح جيب يعنى زى الى فى التابلوة من فوق على شمالك حضرتك دة راكب فية حافظة لشرائط الكاسيت ومعظم حاجات الموتور مكتوب عليها MADE IN GERMANY والف شكر لك على المشاركة الجميلة وبالمناسبة فلتر الهواء الاصلى بتاع العربية مستطيل ويوجد مقاسين مختلفين فى العمة وحجم الفلتر والشكمان يا باشا عبارة عن علبتين وسوستة زائد علبة الفلتر وهى مكانها بين العلبة الكبيرة ال 90 سنتيميتر و العلبة الامامية 60 سنتيميتر والرابط دة علية شكل الفلتر والفلتر الاسبور عش الغراب نتيجة بحث Google عن الصور حول http://www.extremeautoaccessories.co.uk/pics/1_1178015000.jpg

تم التعديل بواسطتي
290410
1:21pm
مشرف القسم ١٨ب

**heshamzaky** · 29-04-2010 02:34 PM

أزيك يا أستاذ جاليليو انت كنت واحد من القصودين لانتظار ردهم بص الشكل عندى مش زى الصورة ساحاول ان اصور الموتور لك بس عذرا انا مش عارف احط اى صور زى ما انت عملت كدة الجهل نور برضة يرجاء الافادة ازاى احط صور ولو ممكن اتشرف بمقابلتك

**yoko** · 29-04-2010 02:38 PM

إستخدم ImageShack® - Online Media Hosting
وإعمل كوبي للdirectlink ودوس على وإكتب جواه اللينك

-

الموضوع: سؤال فى التمبرا مع تركيب الفلتر ال simota

LinkBack

أدوات الموضوع

عرض

-

-

-

المواضيع المتشابهه

تركيب الفلتر الرياضي على بوابة المتور على طول فيه ضرر ؟؟

اقتراح لمكان تركيب الفلتر الرياضى 128 دخول الخبراء للاهميه

تركيب فلتر simota للنوبيرا (فيديو تسارع)

صوره الفلتر بعد تركيب الماسوره

مشكلة بعد تركيب الفلتر الرياضى

الكلمات الدلالية لهذا الموضوع

المفضلات

المفضلات

ضوابط المشاركة