الموضوع: عاوز اروح فاقوس من الهرم

بص حضرتك هتروح للعبور من الدائؤي او صلا ح سالم وتخش مدينة العبور وتكمل علي طول بلبيس الصحراوي هتخش بلبيس كأنك رايح الزقازيق بس علي الكوبري هتنزل يمين في منتصف الكوبري وتكمل لغلية العباسة عند المرور خد يمين كمل لغاية المزلقان تلاقي فاقوس
الطريق ده أقصر 30 كيلو وممهد تماما

http://www.nilemotors.net/Nile/127126-a.html

طريق العباسه
من الهرم هتاخد الدايرى الى مصر الاسماعيليه الصحراوى وبعد قياده الطريق ب 2كم
هتدخل يمين من النفق الى مدينه العبور و هتكمل على طول حتى الكارته فى
نهايه مدينه العبور و هتدخل يمين ( بلبيس الصحراوى ) هتمشى على طول
و بعد البوابات ب 500 متر هتدخل شمال ( صينيه فى وسطها طياره )
وهتمشى لمسافه 1كم و هتدخل يمين مع الطريق و بعدين
على طول حتى كوبرى بلبيس العلوى و من فوق الكوبرى
يمين ( الفتحه الاولى و الوحيده ) و بعد ما تنزل هتلاقى
ترعه فى و شك و موازى لها طريق هتاخد الترعه
على يمينك( يعنى هتدخل شمال )و تكمل
لمسافه 20 كم لحد ما يظهر على يمينك
كوبرى علوى فوق ترعه الاسماعيليه
( سالفه الذكر ) بعد الكوبرى بمسافه 500 متر هتدخل يمين من فوق كوبرى صغير
و هتمشى 3 كم و بعدين هتدخل شمال من فوق المزلقان قبل مدخل( التل
الكبير ) و هتمشى لمسافه 5 كم وهيكون فى ترعه على يمينك بردو
وهتدخل يمين من فوق كوبرى صغير فوق الترعه اللى على يمينك
فى مدخل القرين ( اسم بلد ) هتفضل ماشى لمسافه 15 كم
و بعدين هتدخل شمال ( ابو شلبى - اسم بلد بردو )
و لمسافه 2كم و بعدين فى اخر الطريق شمال من فوق كوبرى صغير
ثم50 متر ثم يمين لمافه 3 كم و هتلاقى مزلقان هتلف بعده يمين فى اول شمال
هتطلع كوبرى علوى و لمسافه 3 كم و تلك هي فاقوس
فى مدخل فاقوس هتلاقى على شمالك مسجد كبير
نوعا ما و بعده مباشره كوبرى صغير بعد الكوبرى هتدخل يمين فى اول شمال
وهتمشى لمسافه 2كم هتلاقى المرور قدامك

اى استفسارات
و بالسلامه ان شاء الله
و لو الطريق ده مش عاجباك
او صفلك طريق الزقازيق

و المسافات المذكوره اعلاه تقريبيه

برافو عليك والله وصف هايل

اشكر حضرتك