عاجل .. ازاي اروح لمستشفي وادي النيل من الهرم !!

**Nile_Storm** · 21-08-2010 11:31 PM

ان كل الي اعرفه عنها انها عند قصر القبه
معلش ارجو الافاده بسرعه ياجماعه
محتاج دعواتكو ياجماعه لان امي هتعمل هناك عمليه بكره
و ده كان السبب اني سبتكو و مشيت بدري امبارح علشان التجهيزات و كده
بانتظار ردودكم و سوري علي الازعاج

**medo_2060** · 21-08-2010 11:38 PM

الف سلامه على والدتك وان شاء الله خير.... اعذرنى لانى معرفش العنوان بس اكيد اى حد قريب من العنوان هيعرفك حالا .

**mahgary** · 21-08-2010 11:45 PM

ربنا يشفيه ويعفيه فى هذا الشهر المبارك

**hesham_tawfiq** · 21-08-2010 11:51 PM

الف سلامه على الوالده وربنايعافيهاويشفيها باذن الله
انا الطريق اللى اعرفه انك تطلع صلاح سالم وقبل الاستاد تدخل يمين وتعمل يوترن فى شارع الفنجرى وتطلع كبرى الفنجرى هينزلك على طول اودام قصرالقبه ومن عندقصرالقبه المستشفى هتبئى من ناحية السور اللى مبيطلش على محطة المترو
هحاول كمان شويه اعملكوصفعلى جوجل ايرث عشان تتخيل الطريق

**mohamed_selim** · 21-08-2010 11:52 PM

من الهرم اوصل ميدان الجيزه و كول طوالى المنيل و نفق الملك الصالح و خد صلاح سالم و تمشى فيه طوالى ... يلف بيك خليك معاه ... هتاخد اول كوبرى (الفردوس) و تانى كوبرى فوق امتداد رمسيس و عند ارض المعارض فى شغل مترو الانفاق هتلاقى كوبرى الفنجرى فوقك بالعرض ... خش يمين و لف و ارجع خد الكوبرى (ممكن اللفه تكون بعيده شويه بس ميهمكش) هتاخد كوبرى الفنجرى و بعديه كوبرى القبه و انزل يمين عند القصر .. خلى سور القصر على يمينك و امشى شويه ... المستشفى على ما اتذكر تالت شارع شمال بس الافضل لو محدش من الزملا اداك وصفه تانيه يبقى اول ما تخلى سور القصر على اليمين اسأل على المستشفى اضمن ...
الف سلامه للوالده