خبره اهل الدايو

**batros** · 04-05-2010 03:49 PM

ايه اخبار الجوليت يا جماعة..اخش على المرحلة ديه ولا ؟:b4_039:

**organic_magic** · 04-05-2010 04:51 PM

هاه - ممكن توضح شويه بكام سؤال علشان نعرف نرد

**batros** · 04-05-2010 08:14 PM

يعنى يا استاذ اورجانيك انا معايا عربية المانى بدون ذكر نوعها بس موديل تسعينات وعايز اجيب جوليت عشان انا من هواه الهاتشباك وموتورها اقوى من اللى معايا وعشان طبيعة شغلى انا بعمل كم عالى فقالولى ان الدايو من العربيات المحترمة اللى قطع غيارها رخيصة وبتعمل كم عالى بدون مشاكل ..فهل الكلام ده صح ..ولا مسبش عربيتى..وايه مميزات وعيوب الجوليت عشان للاسف المواضيع بتاعتها قليلة شوية فى المنتدى ده ....واسف على الاطالة ..بس شكرااااااا جزيلا لانك الوحيد اللى رديت
سوال صغير بقى ..انت بتجاوبنى من الخبرة ولا تجربة...شكرااااااااااا

**organic_magic** · 05-05-2010 08:55 AM

المشاركة الأصلية كتبت بواسطة batros

فقالولى ان الدايو من العربيات المحترمة اللى قطع غيارها رخيصة وبتعمل كم عالى بدون مشاكل ..فهل الكلام ده صح

ان شاء الله صح

ولا مسبش عربيتى..

بص اللي اعرفه ان الالمانى هتغر قطعه وتنام عليها - في الكورى رخيص اه بس ممكن تغيره اكتر من مره - يعنى عمر قطع الغيار الالمانى اطول من الكورى

وايه مميزات وعيوب الجوليت عشان للاسف المواضيع بتاعتها قليلة شوية فى المنتدى ده

مميزات وعيوب الجوليت نفس الانوس بالضبط هى اصلا اسمها لانوس هاتشباك

واسف على الاطالة ..بس شكرااااااا جزيلا لانك الوحيد اللى رديت

انت لو سريشت شويه هتلاقي اكتر من واحد سال نفس السؤال

سوال صغير بقى ..انت بتجاوبنى من الخبرة ولا تجربة...شكرااااااااااا

في نظرى كثره التجارب بتديك خبره

**MMamdouh** · 05-05-2010 11:51 AM

على فكرة... قصة قطع الغيار الغير معمرة دى بتحصل مع الناس اللى بتجيب قطع غيار اى كلام

انت راكب عربية المانى بالتالى بتشترى قطع غيار اما GM اصلى او بدائل من شركات محترمة و ليها اسم كبير فى مجال صناع السيارات... لو اتعاملت بنفس الطريقة مع الدايو حتلاقى العربية معمرة و زى الفل

MMamdouh

**MMamdouh** · 05-05-2010 11:53 AM

المشاركة الأصلية كتبت بواسطة batros

وايه مميزات وعيوب الجوليت عشان للاسف المواضيع بتاعتها قليلة شوية فى المنتدى ده

الجوليت من ناحية الشاسية و العفشة و الموتور و الفتيس هى هى اللانوس بالضبط بالتالى كل اللى ينطبق على اللانوس السيدان ينطبق على الهاتش باك (الجوليت يعنى) و دة سبب ان المواضيع بتاعت الجوليت قليلة لانها حتبقى مجرد تكرار بالنسبة لينا اذا كان الموضوع عن لموتور او العفشة و كدة

MMamdouh