الموضوع: االجى ام بيفصل بعد حوالى سعتين شغل

أولاً الجي ام ضعيف على الصبين..
ثانياً على ما أفتكر انت الأخ اللي مركب أكولايزر قبل الجي إم ..
وده غلط لأنك مدخل للجي إم باور أعلى من اللي هو المفروض ياخده على الـrca

المشاركة الأصلية كتبت بواسطة aftr

ايه المشكله فى الاكوليزر طيب ماعندك الزيرو بور وبعدين الاكوليزر عشان ينقى الصوت انا مركب الاكوليزر عشان الكاسيت ضعيف الخارجى بتاعه ضعيف طيب ممكن اعرف هل هيكون فى مشكله بعد كده انا ممكن اغير الجى ام بس قبل ما اجيب الجى ام صاحب المحل قالى عادى يشغل معاك 2صب و2بيونير كمان --وشكرا على الرد

على كلامك ان الكاسيت بتاعك خرجه ضعيف يبقى انت كده حالة خاصة ينفع فيها تحط أكولايزر..
لكن خد بالك ان دي مش حاجة عامة ... يعني مش كل ما تشوف حد عايز يركب أكولايزر ترد عليه وتقول آه ينفع..

الفكرة كلها في قوة الصوت اللي داخلة للجي ام..
المفروض الجي ام بياخد RCA
الـRCA ده الاستاندارد بتاعه يكون أقصى حاجة ليه 7 فولت
ودي ثابتة مابتتغيرش..

أي كاسيت فيه خرج rca لازم مايكونش أكتر من 7 فولت

وشغلة الزيرو باور انه بينغم الصوت بدون ما يزود الباور نهائي
يعني القوة زي ما دخلت زي ما خرجت أقل من 7 فولت

انما الأكولايزر بيضخم القوة دي وبيطلع باور أكيد أعلى من كده (حسب قوة الأكولايزر)

وده اللي مخليك مش قادر تعلي زرار البيز أكتر من النص لو تاخد بالك
في حين ان في الزيرو باور بتقدر تعليه للآخر عادي جدا

المهم...
نرجع ونقول ان عملية الأكوليزر دي خطيرة جدا وممكن لا قدر الله تحرق جي إم وتخليه يجيب بروتكشن أبدي..

بس عندك اللي يشفعلك ان خرج الكاسيت ضعيف على حد قولك فده أكيد السبب اللي مخلي الأكولايزر مش مزود عن الـ7 فولت كتير..

واضح انه مزود نسبة قليلة لسببين:
1- لو كان مزود كتير كان الجي ام باظ.
2- هاتبان معاك لما تعلى والجي ام يسخن زي ما شفت.

فالنصيحة هي انك ممكن تفضل شغال عالوضع ده بس حاول ماتعليش كتير....
أو بيع الكاسيت والأكولايزر على بعض وهات بتمنهم كاسيت يكون الخرج بتاعه عالي..


أما بقى عن الجي امي السيمفوني أبو 600 واط فده آخره آخره آخره يقوم صباية 800 واط مش اكتر من كده

ومتاخدش على كلام اصحاب المحلات لأن هدفهم الوحيد هو تجميل السلعة عشان يبيعها وخلاص..
وبرضه اسأل الناس هنا وانت تعرف ان كلامي صح..

المشاركة الأصلية كتبت بواسطة sammee

شكرا على العلومات الجميله دي وياريت تضح لينا تسلسل قوة الصبات و الجي ام الي يناسبهم او بالاخص الحته بتاعت ال ار ام اس

ومثلا انا عندي صب 1200وات يناسبه جي ام كام وات؟؟؟؟؟

اسف على الاطاله

هو الصب نوعه ايه و موديله
في الغالب كينوود 600 وات 2 تشانيل