مشكلة بالفرامل الخلفية

**uhlphp** · 16-05-2010 11:42 PM

عندى مشكلة فى فرامل العجلة الخلفية وهى ان دائماً القى العجلة محملة وبحس بيها وانا ماشى ان العربية متكتفة ولما برفع العربية بالكوريك بلقى العجلة تقيلة وبتحك وهى بتلف .

روحت للميكانيكى قال ان المجموعة الميكانيكية للفرامل بايظة لان فى جزاء مسنن ( رجلاش ) اسنانة نعمت .

روحت جبت جزاء استيراد من الوكالة واسنانة خشنة وسليمة وركبتة - ومازالت العجلة بتحك بردة مش عارف المشكلة فى المجموعة الميكانيكية ام فى بستم الفرامل .

مرفق صورة توضح مجموعة الفرامل الخلفية عندى ومشار بسهم الى جزاء الرجلاش الخاص بها .

xxxxxxxxxxxxxxxxxxxxxxxxxxxxxxxxxxxxxxxxxxxxxxxx

تم مسح الصوره لأحتواء موقع الرفع على صور غير لائقه

مشرف قسم الورشه

**uhlphp** · 18-05-2010 06:48 PM

مفيش حد لقى مشكلة ذى دية قبل كدة

**samirayad** · 18-05-2010 07:29 PM

أنت عندك التيل بتاع الفرده دى محمل على الطنبوره

ومحتاج الميكانيكى يظبط رجلاش الفرده دى

**uhlphp** · 18-05-2010 11:12 PM

يعنى اية تم مسح الصوره لأحتواء موقع الرفع على صور غير لائقه

انا حاطط صورة مجموعة الفرامل للتوضيح فى حل المشكلة وقبل ما اضع الرابط فتحتة لاتاكد من روية الصورة فارجو التوضيح لانى مش فاهم يعنى اية الموقع يحتوى على صور غير لائقة وهل ظهر شى غير الصورة المطلوب روياتها .

سوف اضيف رابط الصورة مرة اخرى وارجو عدم حذفة طلما لا يسيى لاحد .

وشكراً

xxxxxxxxxxxxxxxxxxxxxxxxxx

________________________________________

8- يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذارثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.

________________________________

لقد خالفت تلك القاعده من قواعد المنتدى وأستحققت الحصول على أنذار مع الأيقاف لمدة أسبوع

مشرف قسم الورشه

**uhlphp** · 18-05-2010 11:20 PM

المهندس سمير اشكر حضرتك على الرد

ماهو ده القى انا باشتكى منه والقى عاوز اعرفة اذى يتم تظبيط رجلاش الفرامل فى هذه المجموعة لانى حاولت عدة مرات وغيرت ماستر الفرامل الخلفى بتاع العجلة ديه ومازالت المشكلة موجودة ( الرجلاش يفتح على الاخر عند الضغط على الفرامل ولا يرد الى وضعة الاصلى مما يودى الى تحميل التيل على الطنبورة بشكل دائم ) .

**NoRmAl** · 19-05-2010 08:55 PM

أنا شفت موضوعك والصوره فى قسم الشكاوى
أرجو فعلا تعدل الصوره هناك وتمسحها
فى بوب أب بيطلع من أسفل يمين الشاشه يحتوى على مواد أباحيه
رجاء مراسله اللجنه بحذف رابط الصوره
أو أى مشرف يتدخل بحذف رابط الصوره فى قسم الشكاوى لنفس السبب

**SkyBird** · 21-05-2010 05:15 PM

الموقع اللي تم رفع الصورة عليه هو الموقع المعتمد للمنتدى عند الضغط على (اضف صورة للرد)
فالرجاء تغيير الموقع من ادارة المنتدى
والموضوع انا اقترحته في قسم الاقتراحات
http://www.nilemotors.net/Nile/151248-a.html
وكحل موقت ممكن تاخذ رابط الصورة بعد ان تضغط عليها كليك يمين ومن خصائص انسخ الرابط المباشر للصورة
هكذا وليس رابط الصفحه
وهذه هي الصورة من الموقع محل الخلاف