الموضوع: الكاريــــــــنز - حد فكر يعمل اكصدامات حديد امامية وخلفية للكارنيز

السلام عليكم ورحمة الله وبركاته
من مواضيع الكارينز الموجودة فى مجموعة Carens Owners

المشاركة الأصلية كتبت بواسطة ehab_osman

الاخوة الاحباب لا اخفي عليكم مدى الرعب ال بشعر بيه من العربيات النصف نقل والميكروباسات والتوكتوك والتاكسيات القديمة والجديدة ......... وذلك في اثناء السير في القاهرة المحروسة . فكرت اعمل في العربية بتاعتي زى ال معمول فى الماتركس .... لغاية لما لقيت عربية كارنيز مصفحة مشاية في شارع النصر .... متجه الى السيدة عائشة ... الاكصدام الامامي متفصل علي قد الكارنيز ... والخلقي عرفت اصوره ............ ايه رأيكم يا جماعة

---

#0000ff

المشاركة الأصلية كتبت بواسطة Khaled_Nowaihy

أنا فكرت فى الموضوع ده برضه يا أستاذ ايهاب بس صرفت النظر عنه لأنه بيقولوا مخالف قانوناً، وتانى حاجة ودى الأهم أكثر من سمكرى قالوا لى ان الدروع دى ضررها أكبر من نفعها عشان هى يتم تثبيتها فى شاسيه العربية من تحت وعند حدوث صدمة ينتقل اثر الصدمة من هذه الدروع الى الشاسيه مباشرة- بعكس الاكصدامات فهى على درجة من المرونة بحيث تمتص الصدمة الى حد معقول دون التأثير على الشاسيه
ما رأيكم يا جماعة فى فتوى السمكرى ؟ أنا شايف انها منطقية

---

#0000ff

المشاركة الأصلية كتبت بواسطة ehab_osman

اولا ان شايف ان اغلب عربيات الماتركس شالت هذه الاكصدامات وذلك لانها مخالفة لقانون المرور ...... ونصيحة السمكري معقولة ....... بس اهم حاجة احنا عايزنها ان نقوي بها صدر السيارة وخلفية السيارة ........ مش معقولي اى عربية تريح علينا العربية يحصلها ............ مش عارف ايه ..... عايزين نفكر ممكن يتعمل ايه .. بدون مخالفة المرور وبدون من نأثر علي الشاسية .....

---

#0000ff

المشاركة الأصلية كتبت بواسطة solly76

المشكله فى كده ان الديزاين بتاع العربيه و شكل و خامة الاكصدام معمول لامتصاص الصدمه ف لو قويناه هينقل الخبطه للعضم و الموتور مثلا و ده احتمال يكونله تأثير سيئ على المدى الطويل

---

#0000ff

المشاركة الأصلية كتبت بواسطة Khaled_Nowaihy

تعرفوا يا جماعة انى متخوف من ان يكون نقطة الضعف فى الكارينز هى بوزها ؟
احنا شفنا حادثين للكارينز فى المجموعة، والاثنين تصادموا من الأمام
والاثنين حصل لهم تلفيات تتركز فى الصدر وسربنتينة التكييف
وده اللى مخوفنى منها الصراحة
عشان كده قلت فكرة الفورد سكورت الاكصدام مبطن اسفنج
يعنى لو اتخبطت من الأمام لاقدر الله يبقى فيه خطين دفاع قبل الصدمة ما توصل للصدر والسربنتينة
1- الاكصدام 2-طبقة الاسفنج
وربنا هو الستار ويكفينا شر الطريق ..... آمين

---

#0000ff

المشاركة الأصلية كتبت بواسطة IsmailIbrahim

انا معا راي الاستاذ خالد :) بس فين نعمل البطانة الي تحت الاكصدام دية وبكام ؟؟؟

---

#0000ff

المشاركة الأصلية كتبت بواسطة Ahmad Mahfouz

ياجماعة بما إني فكيت الأكصدام أحب أطمنكم بأنة يوجد هذا الفوم في الكارينز بالأضافة إلي شاسية حديد ثقيل.

---

#0000ff

المشاركة الأصلية كتبت بواسطة ssaleh

السلام عليكم ان اول مره ادخل على الجروب وانا معايا كارينز وكنت عملت حادثه بعد ماستلمت العربيه بيومين وكانت الخبطه جامده من قدام ولكن ربنا ستر االاكصدام الفبر تقريبا محصلوش حاجه لكن الكبوت تلوح شويه لاكن لما رحت للسمكرى وفك الاكصدام لاقيت السفنج موجود وعلى فكره ده موجود فى معظم العربيات والاغرب لاقيت الاكصدام الحديد هو الى الى باظ وغيرته ب 500 جنيه

---

#0000ff

المشاركة الأصلية كتبت بواسطة Khaled_Nowaihy

الحمد لله على سلامتك يا أستاذ صالح ... لعلك تكون بخير والعربية اتسمكرت واتصلحت كويس
نقدر نقول ان الاكصدام الفبر اخذ الصدمة ولم ينكسر بسبب مرونته العالية والصدمة انتقلت من خلاله الى الداخل لغاية ما وصلت الاكصدام الحديد الداخلى اللى أخذ الخبطة .... يعنى نقدر نقول ان الاكصدام الفيبر ده منظر على الفاضى
استرها يا رب ....