الفيرنا اوتوماتيك ستار ولا الساجا اوتوماتيك

**kae** · 10-06-2010 07:57 AM

سلام يا أعضاء المنتدي

يا ريت تفيدوني مين أحسن ال فرنا ستار اوتوماتيك ولا الساجا اوتوماتيك

أنا جمعت الخلاصة على قد ماقرييت بس يا ريت لو حد عنده معلومة زيادة يحطها

المقارنة -------------------------------------فرنا -------------------------------------ساجا
موتور -------------------------------------1.6------------------------------------- 1.3
قطع غيار------------------------------------- رخيصة عند أي حد ------------------------------------- غالية في التوكيل بس
تكييف-------------------------------------هايل لا يؤثر علي السحب ------------------------------------- يؤثر على السحب
تقفييل -------------------------------------مصري تعبان -------------------------------------ماليزيا برضك مش ممتاز
بنزين-------------------------------------220 في في الصفيحة ------------------------------------- في شكاوي إنها بتاكل بنزين
العفشة -------------------------------------واطية حتى الستار بردك واطية------------------------------------- علية شوية
الثبات -------------------------------------يعني نقول لغيت 120 كم شغال ------------------------------------- يعني اتقل شوية لغيت 140
التوكيل-------------------------------------ضعيف جدا - مقبول ------------------------------------- جيد
الميكانيكا -------------------------------------نقدر نقول زي 128 -------------------------------------لسة مش كل الناس فاهملها
الكماليات -------------------------------------جيد - جيد جدا في الستار ------------------------------------- جيد
الصاج والأمان------------------------------------- ضعيف ------------------------------------- جيد في دععامة
الفرامل -------------------------------------ضعيف - جيد ------------------------------------- جيد
الحجم -------------------------------------ضيق للكرسي الخلفية ------------------------------------- متوازنة لكن شكلها اصغر من الفرنا
السعر ------------------------------------- 76000 جنيه ------------------------------------- 69000 جنيه

ده اللي أنا وصلتله بس لسة مش مستقر أنهي أحسن , لو في حد مجرب العربيتين يا ريت مشكور يوضحلي الدنيا

**amrseba** · 10-06-2010 01:06 PM

بص انا مش هقول حاجه بس متشتريش هيونداى او كورى اوتوماتيك وخصوصا الفيرنا وكمان البروتون الفتيس بتاعها ميتسوبيشى ياعنى ضمان وهتنسى بس لو الفيرنا هتغير الفتيس كل فترات قريبه انا كان معايا سيفيا غيرت ليها فتيس 3 مرات فى سنتين

**kae** · 14-06-2010 07:20 AM

<table>
<tr>
<td>
يا جماعة رده من فضلكم

</td>
</tr>
</table>

**mido_soliman** · 14-06-2010 08:19 AM

الساجا افضل من الفيرنا باستثناء حاجة واحدة قطع الغيار غير كدة
الفيرنا موتور اقوى بس حعمل بية اية ومفيش ثبات (106 حصان للفرنا و 94 للساجا )يعنى الفرق مش كبير اوى على الرغم ان موتور الساجا 1300 ودة بيدل انة موتور قوى جدا فى فئتة وطبعا الساجا ثباتها اعلى كتير
الشكل اعتقد ان شكل الساجا احلى كتيــــــــــــــــــــــ ـــــــر من الفرنا ولو ان دى بردة مسالة ازواق
التوكيل هيونداى حدث ولا حرج زى مانت عايز قول من اول البارومة اللى فى الشاسية لحد مهندسين التوكيل ما حيقنعوك انك مجنون وبيتهيالك اصوات فى العربية
السعر فرق كبيـــــــــــــــــــــر بردة لصالح الساجا
التقفيل اكيد تقفيل الساجا احسن من تقفيل الفرنا اكيد حتى لو تقفيل هندى مش ماليزى
استهلاك البنزين فى الساجا مش منطقى ومش صحيح لان تضاربت الاقوال فية ومحدش يقدر يقول انها بتاكل بنزين لان كل اللى معاهم العربية لحد دلوقتى مكملوش 5000 كيلو ومعروف ان الاستهلاك بيتظبط بعد 5000
الحاجة الوحيدة اللى تتفوق فيها الفرنا قطع الغيار ودة نتيجة الانتشار الرهيب ولكن مع الوقت وانتشار الساجا قطع الغيار حتتوفر حالها حال اى عربية وكدة كدة انت حتكون فى فترة ضمان لمدة 100000 كيلو يعنى على الاقل اولا 3 سنين انت مع الوكيل فى اى قطع غيار مش محتاج تروح برة ولما تخلص ال 3 سنين اكيد حتلاقى قطع الغيار برة
الساجا افضل من الفيرنا كقيمة مقابل سعر خصوصـــــــــــــــا فى الفتيس الاوتو اوعى تجيب فرنا اوتو
تحياتى

**M.ABDEEN** · 14-06-2010 09:55 AM

عن نفسي الساجا افضل بعيدا عن السحب وقوة الموتور

**Mustafa_Farouk** · 14-06-2010 12:28 PM

i prefer Proton SAGA

**etsh1413202** · 14-06-2010 12:33 PM

والله انا افضل الفيرنا رغم انى مش بحبها بس هى عمليه جدا جدا عن تجارب كتييييييييييييييير..... موتور متخلف فى قوته ولو عايز ثبات جنتها هتاخد منها ثبات لغاية 160 او 170 كمان

وعشان الامانة برده انا مجربتش الساجا ولا اعرف حد جربها بس هى عموما شكلها الخارجي صغييير اوى بس مغرفش من جوه اخبار الوسع بتاعها ايه

**mohamedkandel** · 14-06-2010 09:39 PM

الفيرنا فضل

**SAMEH_FOUAD** · 14-06-2010 10:04 PM

طالما هتجيب اتوماتيك يبقى ممكن تجيب حاجة كسر زيرو عاملة 2000 كيلو مثلا هتجيب حاجة احسن من الاتنين زى مثلا نيسان صنى او تويوتا يارس ,او شيفرولية اوبترا مانيوال
عموما لو بتفكر فيهم يبقى هات الساجا

الساجا فيها ايرباج واحدة وكمبيوتر معلومات وسيارة شكلها حلو وتقفيل هندى بس انت لو غاوى شد يبقى الفيرنا بس على 120 كيلو وبعد كدة خلى بالك