الموضوع: دليلك فى تشطيب الشقه .. خطوه بخطوه.....

كمل يا اشرف باشا لانى هابدا فى الموضوع ده بعد العيد على طول

والله يا جماعة الموضوع ممتاز جدا وانا مان ممكن اخدمكم خدمة جميلة
انا عندى معرض موبيليا وممكن اخدكوا فى الفرش والموبيليا
يالا بقى والرزق على الله

انا والله يا جماعة لسة مشترك فى المنتدى ده جديد والموضوعات بتاعتكوا عجبانى جدا مش كله عربيات وخلاص
لا ده عربيات وكماليات وتجهيزات وحاجه كده كاملة من مجميعه ههههههههههههههههه
ربنا يكرمكوا جميعا وكل عام وانتم بخير مع الف سلامة

السلام عليكم

لي سؤال عن اسلاك الكهرباء لو المبني من ثلاثة ادوار و كل دور شقتين بمساحة 200 م
و لوحه العدادات مجمعه في البدروم
ممكن الصواعد تبقي 10 مم مش 16 مم
العداد اللي هيتركب 3 فاز
و بالنسبه للتكييفات ال 3 حصان يحتاج سلك كام مم عشان البيك

و ايه رايك في الشركه المصريه للكابلات ارخص بكتير من السويدى

موضوع هايل ومفيد وجزاك الله كل خير وجعله في ميزان حسناتك ياشمهندس اشرف

بالنسبة لي اشتريت شقة 155 متر علي الطوب الاحمر(3غرف وريسبشن 3 و2 حمام ومطبخ كبير تم ضم حمام المدخل فيه) بالدور الاول امام كارفور بجوار الجامعة الحديثة بالهضبة الوسطي منطقة جديدة هي اخرعمارة امامها فضاء ومرفق الرسم الهندسي للشقة بعد تعديلات الجدران والمباني ونظرا لعدم التفرغ والخبرة اخترت النوع الثالث من التشطيبات حسب تصنيف حضرتك وهو التنفيذ والاشراف علي التنفيذ من مهندس متخصص معرفة وهذه هي المقايسة

البند
وصف الاعمال والمواصفات الفنية والخامات
التكلفة
المحارة
فرق محارة بين المحارة السوقي والمحارة تربيع الجيدة(2 طن خامات + مصنعيات 2ج للمتر ) شاملة طهارة ومصيص الأسقف .
4000
الحلوق
فرق بين الحلوق السوقي والحلوق الفنلندي الجيدة المناسبة للأبواب الخشب والألوميتال.
1000
أعمال تعديلات مباني
* هدم وتدخيل حمام المدخل الصغير في المطبخ وفتحه كمطبخ امريكاني وفتح باب جديد للمطبخ من جهة الغرف الداخلية
* فتحات للشفاطات حمامين + شفاط تهوية مطبخ
* هدم 3 متر من حائط طرقة التوزيع الفاصل بين الريسبشن والغرف للتوسيع .وترحيل ابواب الغرفتين الداخليتين والحمام الرئيسي.شامله التخلص من الردم والمخلفات خارج الشقة.
1000
أعمال النجارة
أبواب الغرف خشب سويد فنلندي 2بوصة وتجليد أرو 4 أبواب +2 باب للحمامين + (فرق) باب شقة زان كامل متميز عن الباب العادي+ شيش وشباك لغرفة النوم خشب سويد فنلندي سلسلة. شامل الاكسسوارات والمفصلات والدهانات والاستر .
12900
أعمال الالوميتال والحدايد
*قواطيع الوميتال بي أس p s دبل(مزدوج)2 تراس واجهة + 1شباك + 2 حمام + المطبخ بالسلك والزجاج والاكسسوارات+حوامل التكييفات بجميع الغرف والريسبشن +جنش النجف + منشر غسيل خلفي +حديد حماية علي شبابيك الحمامات والمطبخ .
12500
اعمال الكهرباء
*أعمال شبكة كهرباء و إنارة كاملة للشقة ونقط محملة طبقا للمخطط وذلك بأستخدام مواسير + أسلاك كهربائيةماركة السويدي الأصلي والعلب والشاسيهات واللقم والبرايز والمفاتيح ماركة بتشينوالايطالية.
* عمل خطوط تكيف +خطوط سخانات وشفاطات ومفاتيح ولوحة توزيع 24 خط وعداد كهرباء 3 فاز+ مفاتيح التكييفات 32 أمبير خطوط واي فاي+ dsl الانتركوم + الدش+التليفون +التلفزيون الأرضي .
8000
أعمال السباكة
* أعمال تغذية ومواسير مياه بولي بروبولين درجة اولي خطين ساخن وبارد+مصدر لحنفية فلتر مياه بالمطبخ+ مواسير صرف درجة اولي وعمل نظام صرف وعزل جيد بالضمان للحمامين والمطبخ .
*عمل صرف غسالات الملابس والاطباق ومصدر لحنفيات مياه لها بالمطبخ .
* مصنعية تركيب جميع الأجهزة الصحية شامل اطقم التواليت +الأحواض + حوض المطبخ + الخلاطات.

7500
السيراميك والأرضيات
*توريد وتركيب سيراميك للأرضيات (بورسلين) وحوائط المطبخ والحمامات ماركةكليوباترا فرز أول)يختارها المالك الطرف الاولبمتوسط سعر 65 ج للمتر شاملة سيراميك الاستيلو والتابلوهات بالاضافة الي الاستيلو (الوزرة الارضية بالشقة كلها ) شاملة المونة ونقلها وتشوينها وجميع المصنعيات والمصروفات .

25000
الدهانات
*أعمال دهانات عدد 3 سكينة معجون بلاستيك ماركة سايبس + عدد 1وجة بطانة + عدد 2 وجة فنيش وذلك باستخدام بلاستيك سايبس للاسقف وبلاستيك يوتنللحوائط + أعمال ديكورات من الدهانات (سبونش) بالالوان التي يختارها المالك الطرف الاول .

8000
الكرانيش
*الكرانيش صب و تركيب أعمال كرانيش جبسية للشقة بالاضافة الي مصيص الاسقف وبيت الستارة والسرة بالشقة كلها .

5000
الاجمالي فقط اربعة وثمانون الف وتسعمائة جنيه مصري لاغير
84900

بالاضافة الي 12% نسبة التنفيذ و الاشراف علي التنفيذ
-المبالغ تسدد علي دفعات شهرية لمدة 12 شهر مع دفعة مقدمة 30%
-خارج المقايسة 2 طقم حمام وخلاطات مياه وحوض مطبخ ورخامة واوشاش الكهرباء الخارجية .(سوف اتحمل تكلفتهم علي حسابي)
-ارجو من حضرتك مشكورا تحليل هذه المقايسةو افادتي اذا كانت مناسبة لاسعار السوق ونوعية العمل تشطيب سوبرلوكس لاني اتفقت عليها وجاري بدأ العمل وما هي نصائح حضرتك لاستلام اجود عمل واحسن تكلفة مع العلم ان فرق المحارة والحلوق يعتبر استكمال علي مبلغ عند صاحب العمارة قيمة الحلوق والمحارة السوقي.
مع خالص الشكر والتقدير

المشاركة الأصلية كتبت بواسطة أبو ياسين

كتير ايه الخاضة دى دا انا لسه شارى شقة جنبك فى الحى الثانى مقطم عند مدرسه السراج المنير
على الطوب الاحمر و 150 م و معادى بكره مع مهندس هيبص عليها و يعمل مقايسه بردو ربنا يستر دا انا كنت عامل حسابى على 50 الف بالكتير عموما ممكن تبعتلى على الخاص كروكى الشقه و السعر الانتا اشتريت بيه عشان اعرف سعر المنطقة و اضحك عليا و لا ؟؟؟
و تقصد ايه بفرق المحاره السوقى و ....؟يعنى دى التكلفه كامله و لا فرق التكلفه؟؟؟و التكلفه على صاحب العماره ؟؟؟

استاذ ابو ياسين

اهلا بك
وسعيد لتعرفي علي جيران في الوسطي المقطم
عموما هي الاسعار بتختلف انا شقتي في الحي الربع ع الدائري والاوتستراد قريبة منهم جدا مقابلة تماما للمحكمة الاقتصادية فاكيد سعر الحي الرابع تختلف عن غيره انا بصراحة لا اعرف المدرسة اللي حضرتك ذكرتها تقدر تسأل في العمارات المجاورة لك او اقرب عمارة بتتشطب وتعرف المتوسط للسعر عموما في الحي الرابع متوسط السعر 2500 ج.م للمتر محارة

وبالنسبة للتشطيبات تختلف مستوي التشطيبات والجودة والخامات شوف هتتفق معا المهندس ازاي وياريت تعرفني التفاصيل ونقدر نقارن ونوصل لنتيجة
بالنسبة للرسم الهندسي للشقة ليس عندي سوفت كوبي له عندي هارد كوبي لو عندك فاكس ابقي ابعت لي رقم الفاكس يوم الاحد الصبح ابعت لك الرسم

بالنسبة للمحارة والحلوق فرق تكلفة اكيد وليست التكلفة كاملة
وبالتوفيق ان شاء الله