عايز فتوى من حد فاهم الرينو بجد

**mrmohamedali** · 13-07-2010 07:16 PM

السلام عليكم و رحمة الله و بركاته

بصوا انا هحكي عالطول
العربية رينو كليو 2002 هاتشباك فرنساوي
المشكلة عندي لمبة الانجكشن .. بوابة كهربا .. مش عادية
لمبة الانجكشن بتنور عالطول و الاكسداتير يبقى ملهوش لازمة العربية بتزود بنزين لوحدها و كمان لو دوست دبرياج او فرامل اسمع صوت غبي جدا لان يعتبر بنزين وفرامل في نفس الوقت
المهم احتارت عند التوكيل كنت كل لما اروح اللمبة تطفي والعربية تعد يومين و في الاخر يقولوا مش عارفين السبب اية
اخر مرة قالوا المشكلة تقريبا كدة عندك في بوابة الانجشكن
بكام .. البوابة بتاعت العربية دي مش موجودة هنا تيجي من فرنسا باكتر من 7000 سبعة الاف جنية
ناس قالولي سيبك من التوكيل و روحت لواحد في صقر قريش تقريبا بيشتغل في التوكيل
المهم كشف بالجهاز اللي مش فاكر اسمة دة قالي اة المشكلة عندك بوابة الانجكشن عايزة تتغير
طيب اية الحل مفيش منها هنا ... قالي نقلبها عادية بدل كهربا الموضوع دة يتكلف 3 الاف جنية
سألت ميكانيكي كبير عندة مركز صيانة رينو في اسكندرية قالي اوعى تعمل الموضوع دة هياثر على حاجات كتير في العربية واكتر حجاة هتحس بيها الدركسيون هيبقى تقيل جدا معاك وهتأثر على abs
فأنا دلوقتي صراحة معييش حوالي 7 او 8 الاف علشان اغيرالبوابة
و كمان خايف اغيرها عادية تأثر على حاجة تانية
و طبعا لو بيعتها محدش هيشتريها بالحالة دي او لو حد اشتراها اكيد هيبقى مبلغ قليل اوووي

يا ريت اللي عندة حل كويس للمشكلة دي يشور عليا لاني بجد تعبت نفسيا و العربية بقالها 3 شهور مركونة

يعني مثلا لو في حل لتصليح البوابة
ولا اغيرها اخليها عادية
ولا ابيع وامري لله .. ولو حد يدي تمن للعربية في الحالة دي يقولي

**ramy_gamal** · 14-07-2010 10:55 PM

لو حضرتك فى اسكندريه ممكن اروح معاك ل ميكانيكى كويس بتعامل معاة يبص ويقلنا ايه الاخبار

**ramykimo** · 15-07-2010 12:24 AM

طب متغيرها بس بواحدة استيراد ... فى واحد اسمع عصام يشطر فى الحرفيين عنده كل اللى ممكن تتخيله

**albasha** · 17-07-2010 11:37 AM

لو الأرقام الخرافيه ديه غير الموتور كله وخلي اللي معاك قطع غيار
الناس ديه بتستهبل ولا ايه يعني ايه بوابه ب 7 ألاف
حاول تروح الحرفيين وتشوف كده ممكن تلاقي بوابه أو شوف لو تقدر تلاقي منظومة الإنجكشن كلها وتغيرها وحاول تسأل أكتر من ميكانيكي وهنا الناس ممكن تساعدك كتير في الموضوع ده

**ghaith_peogeut** · 17-07-2010 12:12 PM

يا اخي هذه الحالة تعتبر من الحالات الشائعه في انظمة كونترول المحرك الفرنسي ولا انصح اطلاقا برفع الكونترول وتحويله الى انجكشن ....اما بالنسبة للبوابة فان كانت المشكلة في الجزء الدوار من البوابة ممكن تجيب عضو دوار مشابه وتقوم باستبدالها في حالة لم يكن الجسم المحيط بالعضو الدوار بالبوابة متضرر ....ممكن حضرتك تفتح البوابة ككل وتحطها في ضوء الشمس وتشوف اذا كان الجسم المحيط بالعضو الدوار قد تجول شكله من دائري الى بيضوي فاذا كان بيضوي فيجب استبدال البوابة كاملة وليس فقط العضو الدوار

**ghaith_peogeut** · 17-07-2010 12:13 PM

عفوا اقصد رفع الكونترول وتحويله من انجكشن الى كاربوريتور

**mmmmgogommmm** · 17-07-2010 10:24 PM

اشترى موتور استعمال ماشى 30-40 الف كيلو كل مواتيرهم جديدة ومش ماشية كتير ولو تعرف تجيبة 1400 يبقى ممتاز وعمر السعر ما هيعدى 3000 /4000 جنية وشوف وبلغنا النتائج

**mrmohamedali** · 30-07-2010 04:33 PM

المشاركة الأصلية كتبت بواسطة r_gamal1

لو حضرتك فى اسكندريه ممكن اروح معاك ل ميكانيكى كويس بتعامل معاة يبص ويقلنا ايه الاخبار

ربنا يكرمك يا استاذ جمال مش عارف اقولك اية و الله
بس للاسف انا مش في اسكندرية

**mrmohamedali** · 30-07-2010 04:34 PM

المشاركة الأصلية كتبت بواسطة ramykimo

طب متغيرها بس بواحدة استيراد ... فى واحد اسمع عصام يشطر فى الحرفيين عنده كل اللى ممكن تتخيله

متشكر جدا يا استاذ رامي انا فعلا اتصلت بية و قالي عنده بـ 300 جنية
بس انا متأكد ان مش هي دي لان نفس الموضوع حصل من فترة و كان واحد في صقر قريش و بعد ما روحتلة طلعت مش هي

**mrmohamedali** · 30-07-2010 04:35 PM

المشاركة الأصلية كتبت بواسطة albasha

لو الأرقام الخرافيه ديه غير الموتور كله وخلي اللي معاك قطع غيار
الناس ديه بتستهبل ولا ايه يعني ايه بوابه ب 7 ألاف
حاول تروح الحرفيين وتشوف كده ممكن تلاقي بوابه أو شوف لو تقدر تلاقي منظومة الإنجكشن كلها وتغيرها وحاول تسأل أكتر من ميكانيكي وهنا الناس ممكن تساعدك كتير في الموضوع ده

متشكر جدا يا باشا كتير اوي سبعة الاف في بوابة انا اتخنقت و الله من الموضوع دة
و انش اء الله هروح الحرفيين

الموضوع: عايز فتوى من حد فاهم الرينو بجد

LinkBack

أدوات الموضوع

عرض

-

-

-

-

المواضيع المتشابهه

عايز اشترى نظارة بس مش فاهم يعنى ايه Sizing info

عايز كهربائي حافظ و فاهم الميجان ٢

عايز واحد فاهم android يفهمنى ؟؟!!!

عايز ميكانيكى sir يكون فاهم !!!

عايز اكشف علي العفشه حد يعرف مكان فاهم في السوبارو ؟

الكلمات الدلالية لهذا الموضوع

المفضلات

المفضلات

ضوابط المشاركة