أحسن الطرق لتنظيف فرش السيارة

**semsem_inside** · 16-07-2010 03:06 AM

السلام عليكم
يا ريت حد يقدر يفيدنا بأفضل الطرق لتنظيف فرش السيارة (القماش) وازالة البقع منه
وشكرا

**HanyAziz** · 16-07-2010 04:22 PM

انا جربت سائل منظف المفروشات وده اسمه اللولؤه العبوه 500 ملى ب 5 جنيه تكفى 20 مرة هات قماشه مبلوله وضع بها بعض السائل وامسح بطريقه دائريه الكراسى والكنبه وسيب القزاز مفتوح عشان يجف بس العربيه تكون فى مكان بعيد عن التراب وده منظف للسجاد والفروشات المنزليه كمان

**momo44** · 17-07-2010 11:34 AM

حضرتك جبته منين

**levelpower** · 17-07-2010 12:23 PM

انا جبت منتج لشركة Sonex بس لسه مجربتوش هو كان 25 جنيه و بنفس الطريقه السابقه هات قماشه مبلوله وضع بها بعض السائل وامسح بطريقه دائريه الكراسى والكنبه وسيب القزاز مفتوح عشان يجف بس العربيه تكون فى مكان بعيد عن التراب وده منظف للسجاد والفروشات المنزليه كمان

**Daash** · 17-07-2010 09:33 PM

انا جربت كل حاجه وجربت ارمراول وكله بيجيب نتيجة واحده

اولاً هات سفنجه ودى اللى هتديلك نتيجه جامده اوى وممكن تستعمل ارمراول بتاع الجلد او ممكن تستعمل بريل الكيس بنص جنية جربتة بينضف يمكن احسن من الارمراول وفى الاخر امسح بفوطة مبلولة عشان تزيل المواد المستخدمة وهتلاقى الفرش رجع زى الفل وممكن تنضف بلاستيك العربية من الاوساخ بالبريل برضه وجاب معايا نتيجه كأنى غاسل العربية كيماوي

**venomixus** · 17-07-2010 09:39 PM

أنا عن نفسي بحط ملو غطيين ديتول والباقي ميه في بخاخة تنظيف الزجاج وبرش على الحتت القماش اللي في الفرش وده بيعقم وبينضف في نفس الوقت... أما الحتت الجلد اللي في ضهر الكراسي وفي الجناب بعملها باسبراي فالكون اللي هوا بتاع التابلوه وده ميزته انه مش بيلم تراب. برش منه على الحتت الجلد وأمسحها بفوطة ستاتيك

**hamdisafety** · 18-07-2010 10:18 PM

بص ياباشا روح كارفور في عندهم في قسم السيارات بخاخ زي بتاع تلميع الكاوتش بحوالي 20 جنيه انا جربته في عربيتي الرينو اول ماجبتها وابنيدلق عليها ايس كريم، الطريقة هاترش شوية على البقعة وتسيبه 15 دقيقة وبس خلاص مش حتلاقي اي بقع بعد كده انا مجربه والله ومن يومها مش باشيله من شنطة العربية.

**semsem_inside** · 20-07-2010 05:02 PM

أنا ملاحظ ان حضراتكم بتتكلموا على ازالة البقع فقط ..
أنا أقصد تنظيف الفرش بصفة عامة لأن زى ما انتم عارفين ان بعد فترة الفرش بيبهت ويتسخ
بالاضافة الى ازالة البقع وخاصة الحبر والبقع الزيتية