احسن مكان لتنظيف وتلميع السيارة بالكامل ؟؟

**fiatmomo** · 08-04-2008 03:30 PM

السلام عليكم ورحمه الله وبركاته

كنت سألت قبل كدة عن موضوع تنظيف فرش السيارة .

المره دية انا بستفسر عن تنظيف السيارة بالكامل من الداخل( الفرش والموكت والسقف ) والخارج والموتور و....... .

وعمل بولش كامل للسيارة .

احسن مكان ممكن اعمل فية القصة دية كلها فين ويتكلف كام تقريبا ؟

وبالنسبة للبولش احسن نوع بولش أجيبة ايه وسعرة كام .. لانى انا عاوز اشترى البولش بنفسى ويكون نوع ممتاز علاشان الصنايعى مالجبليش سمنه نباتى ويقولى عليها بولش:D .

وشكرا لأرائكم مقدما :)

**mrekaby** · 08-04-2008 03:46 PM

محطة مصباح
ش السودان قبل ميدان الكيت الكات رائعين بيعملوا شغل جامد اسال على عم جمال اظن التكلفة 120 جم بس من غير موضوع البولش

**kemoelord** · 08-04-2008 04:10 PM

السلام عليكم :_ طبعا في محطات كتيرة اوي وكويسه واكثر من رائعه لكن الكلام ده يتوقف على محل سكنك بمعنى ان الواحد بيبحث عن اقرب محطه او الى حد ما تكون قريبه وتكون ممتازة لتنظيف العربيه عموما انا ساكن في مدينة نصر بس بروح لمحطه اسمها " الوطنيه " الي جنب مسجد السلام الي في شارع " ســــــوق السيارات " ودي محطه كبيره جدا وممتازة جدا والخدمه فيها الي حد ما سريعه لان اماكن التنظيف كتيره وفيها كل انواع التنظيف وشكرااااا

**r0xer** · 08-04-2008 04:50 PM

هتنضفها و الجو لسة فيه عفرة و تراب كدا :d ? أستنى شوية و بعدين ممكن كلنا نعمل حملة غسيل و تنضيف للسيارات بمجرد حلول أكل الفسيخ"وفي قول أخر شم النسيم"

**fiatmomo** · 09-04-2008 12:30 AM

المشاركة الأصلية كتبت بواسطة r0xer

هتنضفها و الجو لسة فيه عفرة و تراب كدا :d ? أستنى شوية و بعدين ممكن كلنا نعمل حملة غسيل و تنضيف للسيارات بمجرد حلول أكل الفسيخ"وفي قول أخر شم النسيم"

اولا شكرا لكل الاخوه على التفاعل

بالنسبة لموضوع التراب والعفره ... انا فعلا كنت اعمل موضوع التنظيف دة كمان اسبوعين او 10 ايام . بس قولت اعرف احسن مكان فين ..

مرة تانية شكراً لكل الاخوة الاعزاء على ردودكم

**hamode89** · 13-04-2008 04:17 PM

بنزينة الوطنية اللي عند مسجد السلام (وانتا طالع الدائيري من حسن المأمون(شارع النادي الأهلي))

**hamode89** · 13-04-2008 04:18 PM

يغسلها من بره وجوه ب 10جنيه بس

**fiatmomo** · 14-04-2008 02:37 PM

المشاركة الأصلية كتبت بواسطة hamode89

يغسلها من بره وجوه ب 10جنيه بس

شكرا يا باشا على ردك .. بس متهيألى دة غسيل عادى ... لكن انا عندى فرش الابواب متوسخ .. وعاوز اعملها كلها بالفرش والسقف

**fiatmomo** · 14-04-2008 02:39 PM

المشاركة الأصلية كتبت بواسطة mrekaby

محطة مصباح
ش السودان قبل ميدان الكيت الكات رائعين بيعملوا شغل جامد اسال على عم جمال اظن التكلفة 120 جم بس من غير موضوع البولش

معلش ممكن حضرتك توضحلى .. محطة مصباح دية .. شل ولا موبل .. ولا تعاون ............

**Karim_Monir** · 14-04-2008 03:52 PM

محطة كالتكس اللي قدام عمارات الفاروقية اخر جسر السويس
جواها مركز كار كير
الولد اسمه صبحي او مصيلحي حاجة كدة
فنان بجد ومعاه 2 بيعر يعني ايه فعلا كار كير
وبتتكلف حوالي 100 جنية
وممكن الموتور كمان يغسلهولك كيماوي مش مية ولا فوم
جرب وادعيلي