استفسار صغير يا شباب بخصوص اللادا

**dragonmada2005** · 16-07-2010 08:45 PM

ارجوكوا يا شباب عندى مشكلة فى السيارة اللادا بسمع على طول صوت فى العفشة من طأطأة بالرغم من ان المساعدين بتوعى حلوين اوى وانا متاكد من انه البيض بس عايز حل جذرى لو عندكم حل
ويا ريت تدلونى برضه ل عايز سحب العربية يبقى اكبر من كده لو ينفع
وكما يا شباب لو ينفع اركب تكييف بالعربية ولا لا وكذلك اركب ماكينة باور وايه اسعارهم
انا من السويس والعربية موديل 2006 وبحالة ممتازة اوى
ارجو المساعدة

**khaled_sabry** · 19-07-2010 08:29 AM

المشاركة الأصلية كتبت بواسطة dragonmada2005

ارجوكوا يا شباب عندى مشكلة فى السيارة اللادا بسمع على طول صوت فى العفشة من طأطأة بالرغم من ان المساعدين بتوعى حلوين اوى وانا متاكد من انه البيض بس عايز حل جذرى لو عندكم حل
ويا ريت تدلونى برضه ل عايز سحب العربية يبقى اكبر من كده لو ينفع
وكما يا شباب لو ينفع اركب تكييف بالعربية ولا لا وكذلك اركب ماكينة باور وايه اسعارهم
انا من السويس والعربية موديل 2006 وبحالة ممتازة اوى
ارجو المساعدة

انا شفت لادا قبل كده مركبه تكييف عادى جدااا
بس حتطر تغيير الدينامو و تركب مروحه ريداتير كهرباء لو مروحه الريداتير عندك على سير

**elgentel** · 19-07-2010 09:05 AM

روح شحم البيضات و ان شاء الله الصوت هايروح
بالنسبة للباور بيتركب ب 2500 و التكييف ب 2500 على ما اتذكر

بس بالنسبة للتكيف كل اللى ركبة بيقول ضعيف و مايستاهلش
بالنسبة للباور بيفرق جدا و بيتعمل فى توكيل الامل
و ممكن حل وسط لموضوع الباور دة اسمه مناول

انا ركبتة و فرق معايا 40%

و سعرة 60 ج

لو محتاج ااى تفاصيل ابعتلى على الخاص

**maiasn2000** · 19-07-2010 09:10 AM

ياجماعه السؤال بسيط جدا واجابته ابسط من كده
في اللادا في العفشه الاماميه حاجه اسمها فبره وهي فعلا فبرتين بيركبوا شمال ويمين لو الواحد بياخد مطبات كتير ومعتمد علي ان العفشه والعربيه جديده الفبرتين دول بيحتاجوا تغيير وكلهم ب حوالي 10 جنيه وتركيبهم في 10 دقايق ولا تحتاجوا اي شيء تاني
انسي التشحيم وا ي كلام تاني
ثانيا التكييف نوعين اما تركبه بالاسلوب اليباني يعني يركب علي الهوايات اللي في التبلوه او تجيب التكييف الاصلي وده مختلف عن كل اللي في السوق والتكييف الاصلي مش هاتلاقيه ولا حتي في التوكيل لكن هاتجيبه من عند بوع الاستيراد وروح وشوف بنفسك هاتعرف الفرق

**khaled_sabry** · 19-07-2010 09:26 AM

المشاركة الأصلية كتبت بواسطة maiasn2000

ياجماعه السؤال بسيط جدا واجابته ابسط من كده
في اللادا في العفشه الاماميه حاجه اسمها فبره وهي فعلا فبرتين بيركبوا شمال ويمين لو الواحد بياخد مطبات كتير ومعتمد علي ان العفشه والعربيه جديده الفبرتين دول بيحتاجوا تغيير وكلهم ب حوالي 10 جنيه وتركيبهم في 10 دقايق ولا تحتاجوا اي شيء تاني
انسي التشحيم وا ي كلام تاني
ثانيا التكييف نوعين اما تركبه بالاسلوب اليباني يعني يركب علي الهوايات اللي في التبلوه او تجيب التكييف الاصلي وده مختلف عن كل اللي في السوق والتكييف الاصلي مش هاتلاقيه ولا حتي في التوكيل لكن هاتجيبه من عند بوع الاستيراد وروح وشوف بنفسك هاتعرف الفرق

للزياده معلوماتى بس
الفبره دى بتبقى راكبه فين بالظبط ؟؟؟؟
وهل بتبقى موجوده فى موديلات تانيه (زى الشاهين و 131 ) ولا على اللاده بس؟؟

ايه اختلاف التكييف الاصلى عن التكييف اليابانى او اى تكييف عادى؟؟

**maiasn2000** · 19-07-2010 03:00 PM

شوف يا استاذي الفبره دي بتركب عن تيش البيض السفلي من الطرف في البارات ودي بسيطه وروح لاي محل اكسسوارات وقول له عاوز الفبرتين بتوع اللادا عارفينهم
والتكيف الياباني اللي بيركب في الموتور عادي جدا لكن اللي بيركب في الصالون مختلف لانك لما بتركب التكيف الياباني مركز التركيب بيشيل لك الكويل الاصلي بتاع العهربيه وهو عباره عن اللوحه اللي بتديلك السخن والباره عارفها ؟ وبيركب لك كويل صغير يشتغل بارد بس اما التكييف الاصلي بتاع الادا بيجي له صندوق عريض عباره عن كويل بارد بيخرج منه وصلات لهوايات العربيه ووقت ماتحب تفكه مش بيأثر علي العربيه في اي حاجه