الموضوع: شارك برأيك فى دعوة للمشاركة فى تكوين إطار عام لفكرة تصنيع سيارة بمصر

بالاستعانة بمصنع الحربى النصر + عمل شراكة مع شركة بروتون الماليزية وتخصيص شركة فرنسية لعمل الدعاية عنها

ده موضوع ممكن يكون مهم و مفيد لاحد الاعضاء

http://www.nilemotors.net/Nile/165679-a.html

المشاركة الأصلية كتبت بواسطة abokoko

ده موضوع ممكن يكون مهم و مفيد لاحد الاعضاء

http://www.nilemotors.net/nile/165679-a.html

أية دة مين إلى جاب موضوعى هنا هههههههههههههه :b4_033:
ألف شكر يا باشهندس و بجد عاجز عن شكر حضرتك عشان حطيت الموضوع بتاعى فى الموضوع المميزة دة و إن شاء الله نقدر كلنا مع بعض نوصل لحل كويس يمكن يبقى سبق فى نايل موتورز لأن المشروعات الكبيرة و المميزة بدأت بأحلام خياليه عشان كدة بقيت مميزة


بص يا باشا طلاب كليه فنون جميله زى ماوضحت فى موضوعى ممكن تعمل الصاج كله و الهيكل الخارجى بالكامل
ممكن نستعين بطلاب كليه هندسه لعمل جزء كبير من الميكانيكا فى السيارة
ممكن نستعين بمصانع الخراطة و الحديد فى عمل الجنوط
ممكن نستعين بالعقول المفكرة زى بتاع البوجيه إلى مش بيعطل خالص و المهندس إلى عمل محرك يعمل بالماء و هكذا و الأيد العامله و العاطلين بكميه كبيرة فى نفس الوقت العمل هيتم أنجازة بسرعة و فى نفس الوقت هيبقى فيه أتقان تحت أيد مشرفين و مهندسين يتم اختيارهم حسب خبرتهم و كفائتهم سواء مصريين أو أجانب و فى نفس الوقت المهندسين المصريين يتعلموا من العنصر الاجنبى و بعد كدة نستغنى عن العنصر الأجنبى أة هنعمل عربيه مثلا 80% منها مصرى خالص 100% وهنستخدم 20% خامات أجنبيه و عناصر أجنبيه فى الأيدى العامله لكن برضة هنستفيد كتير جدا و هنوفر كتير جدا على المستهلك + فى نفس الوقت الشركة هتكسب كتير
فى التصميم عندنا كفاءة عاليه جدا من المصممين سواء على برامج الكمبيوتر و الثرى دى ماكس أو غيرهم و فى نفس الوقت عندنا كفاءة عاليه برضة فى تصميم هيكل سيارة كامل حتى و لو بأقل الأمكانيات زى طلاب كليه فنون جميله ماعملوا و بالنسبه للميكانيكا أكيد كليه هندسه مش مفتوحه منظر فقط أكيد فيه مشاريع تخرج و أكيد ممكن يتسفيدوا كتير من الطلبه بسبب روحهم العاليه و طموحهم و أفكارهم الجديدة سواء فى الهياكل أو الميكانيكا و الأمكانيات بالنسبه لشركة بروتون لو فيه تعاون بعقد يبقى أفضل لكن تعاون بشراكه يبقى معملناش أى حاجة جديدة غير توكيل ليهم


بس حضرتك بتتكلم باللغة الفصحى و بثقة كبيرة !
هل عند حضرتك أخبار عن تصنيع سيارة فى مصر ؟

بصراحة أنا شايف أن مفيش حاجة صعبة
بس محتاجين نقسم الموضوع
اولا المحرك و صندوق التروس و جسم السيارة و الداخليات ممكن انها تصنع هنا و دة اللي انا شايفه
الناحية التانية و هي المكونات الجاهزة زي ال abs اللي بيجي جاهز و النظم التانية
الشاسيه محتاج تفكير شوية بس كل فكرته تحليل إجهادات و تصميم و إحنا عندنا عباقرة في كل حاجة
يعني بالنسبة لتحليل الإجهادات و الله عندي دكتور كان بيدرسلي في الكلية ما شاء الله عليه وصل لدرجة أنه بيعمل شغل و يبعته أمريكا
و كمان كان عندي دكتور تصميم آلات دة بقى كان شغال فين ........................... كان شغال في رولزرويس turbines
أنا شايف أن الموضوع سهل و الإمكانيات العلمية موجودة
مش محتاج غير قلوس في الأول لزوم التجارب

و بالنسبة للتصميم أنا كنت فتحت الموضوع دة بس ملقيتش أي تجاوب

http://www.nilemotors.net/Nile/142510-a.html

اول حاجه نعملها نعمل عربيات على اساسيات و ماتور و عفشه ونظام تعليق على عربيه تانيه وتكون يابانى زى ما الصين عملت كده لانسر كريستاله الصينى فى البدايه
ونحاول نعمل حاجه كده وتكون بسعر زهيد جدا و بنفس الامكانيات و تكون جيده
لازم نعمل حامله اعلانيه كبيره
وبعد 10 سنين انشاء الله لو العربيه نجحت فى مصر ويبقى ليها مركه وتكون جديره بالثقه نبتدى نصدر للدول العربيه اولا
وانا بقول عربيه مش توك توك هه ياعنى مش نانو ايجبت
الاستعان بشركه زى ميتسوبيشى او تيوتا او دايهاتسو فى عمل العربيات ومش عايزين نبدأ من الصفر زى رمسيس و اهم حاجه يكون اسمها عدل و ميكونش اسمها حنفى ولا كليوباترا مش ناقصه هيا عايزين اسم عدل و يكون من اللغه الفرعونيه القديمه بس مش كليوباترا ولا اسماى الملوك و الاسامى ديه اسم يكون ليه معنى بالقوه
ونعمل زى العربيات الماليزيه نعمل زى البروتون ويرا ديه كانت هيا هيا الانسر كريستاله
بس مثلا نعمل العربيه زى كورولا 93 او كريستاله او نيسان صنى و تكون نفس الاساسيات و كل حاجه وهيا هيا نسخه مصوره بس بشكل مختلف نمشى على الحال ده لمده بعد كده نبتدى نعمل حاجه حاجه