الموضوع: الحر وافرامل وتسارع العربية

المشاركة الأصلية كتبت بواسطة ashrafakl

السلام عليكم ورحمة الله وبركاته
جزاكم الله حيرا جميعا انا لسه جديد فى السواقة ففي مصطلحات ممكن مفهماش قوي عامة هو صوت زي صوت تزيق لما ادوس فرامل وومكن شوبة توضيح اكثر عن فلتر الهواء و سينسور الهوا و الثروتل

أهلاً أستاذي

بص ،، كده بالنسبة للفرامل ،، العيب ده يعب طنبور فرامل ،، هو كان عندي الصوت بتاع الفرامل ده ،، و راح لوحده

أولاً أفهمك هو من ايه ،، بيكون نتيجة أن طنبور الفرامل مش سوى واحد ، أرجو انكك تكون متخيله كده ، و هو مش سوى واحد و أثتاء دوسك للفرامل التيل بيقفل عليه ،، بالتالي الأحتكاك بيكون وحش شوية و ينتج عنه صوت الصفير ده ، او التزيق ،، انا مع الوقت راح معايا ،، غالباً الطنبور اتساوى لوحده ،، لكن مرجحش ليك أنك تسيبه كده لحد ميروح لةحده ،، عشان ميأثرش على تيل الفرامل

أما حكاية السنسور ده ،،

بص يا أخي في الله ، عربيتك لو أنجيكشان يبقى فيها حساس هوا ،،
طيب و ده معناه ايه ؟!!

ده أصلاً سنسور أسمه (MAF)
mass air flow sensor

وظيفة حساس تدفق الهواء MAF (Mass Air Flow) sensor هو قياس كمية الهواء المتدفقه الى الماكينه ومن ثم ارسالها الى الكمبيوتر PCM (Powertrain Control Module) . ييقوم الكمبيوتر بناء على المعلومات من حساس الهواء MAF وحساسات اخرى بحساب كمية الوقود والاشتعال داخل الماكينه للاداء سلس مع العمل بفعاليه عاليه واستهلاك وقود بشكل طبيعي .


أما الثروتل ،، هو يعتبر أنف المحرك ،، اللي بيدخل الهواء منه للمحرك ،، عشان كده حسب فهمي للقريته قبل كده عن الثروتل ده ،، هو أنف الرشاشات بتاعتك ،، اللي بتاخد منها الهوا

و هية مش احياناً بيكون فيها أتربة ،، لكن بنسبة كبيرة ،، بتكون متسخة ب عوادم كربونية و هكذا
و تنضيفها بيكون مفيد و مش متعبة خالص

و الــــــــلــــــــــــه أعــــــــــــلــــــــــ ــــــم

أرجو اني أكون عرفت أفيدك على قد معرفتي ،، و لو فيه حد شايف أني كاتب حاجة غلط يعدل عليا بعد أذنكم ،، و شكراً لسعة صدرك و قرايتك لشرحي ..