الموضوع: الحر وافرامل وتسارع العربية

العربيات الخليجي عامةً بتكون ليها مواصفات معينة عشان تستحمل الحر ،، بتكون سي سي أعلى ب هورس باور اعلى ،، عشان التكييف و قوته ،، ده غير نظام تبريد العربية ،، بيكون أقوى ،، لأن طبعاً درجات الحرارة هناك مينفعش نتكلم عنها ،، كلنا عارفين قد أيه حرررررررررررررر ،،و الحرارة في مصر ،، لا تذكر بالنسبة للخليج اطلاقاً مهماً كان الحر ،، و كلنا عارفين أن أي عربية بتكون فايقة و هي سخنة ،، بس مش سخنة أوي ، و في نفس الوقت مش باردة أوي ،، و ممكن ده يكون أنه في حر الظهيرة ،، الحرارة بتكون بالنسبة للمحرك و قوة نظام تبريده عادية ، و الموتور مش بيكون له سخن أوي ، و لهو بارد برده ،، عشان كده بيكون فايق ،،

و الله اعلم

و يا ريت لو حد له تفسير أخر للظاهرة دي يقول ،، و نتناقش

قصد حضرتك عشان الصيانة الدورية ؟!

بص يا فندم ،، دي بتبقى حسب حضرتك ، و بتختلف من واحد للتاني حسب ظروف كتيرة ، منها وقتك حضرتك ، و مدى انشغالك ، الميزانية المتوفرة للصيانة ، مدى أرتياحك و ثقتك في ميكانيكي معين ،، و طبعاً التوكيل غالباً أحسن حاجة و يكفيك أنك ضامن قطع الغيار انها الأصلية و تفنيش الشغل فيها بعد الصيانة مية مية ،، " و أنا قلت غالباً لأن في توكيلات زي قلّتها "...

أنا غالباً معظم الشغل اللي ممكن اعمله ،، بعمله مع نفسي ،، سواء زيت ، فلاتر "حتى فلتر البنزين" ، بوجيهات و تنظيفها "اتعلمتها من المنتدى ، و شكراً لاخواني اللي ساعدوني" ،، و أهه اليومين دول حشتغل فيها ،، أما الحاجات اللي سيور و كده في مواعيدها ، و يمكن قبل مواعيدها بشوية بتتغير "تبع التوكيـــــــــــــل" ، الحمد لله ، الحاج والدي محافظ أوي على الحكاية دي ،، ...

في حالة الاعطال اللي واجهتنا ،، كلها كانت من نظام الفرامل ،، و لما أشتغلنا فيها برة التوكيل كانت وحشة ، رجعناها التوكيل غيروه بنظافة ، بغض النظر عن آخر مرة ، مغيروش الطنابير اللي قدام بنظافة ،، حطو حاجات فيها عالي و واطي ، ودي مدايقاني أوي ،، و زعلان منها أوي للاسف كنت في الأمتحانات و مش فايق أرجع بيها تاني للتوكيل ،، عامةً التوكيل مضمون في معظن حاجاته ، و نصيحتي ليك ، عليك بالتوكيل ... هم عندهم جدول الصيانة الدورية ،، و عارفين المفروض يعملوا أيه ،، بس أوحش حاجة أنك بترودح تديهم العربية و تقلهم صيانة دورية و كشف و عمل اللازم ،، ساعتها ما بيصدقوا ، و ممكن يصلحوولك كل عييب فيها :) و أدفع انت بقى
هههه

و ربنا يعينك و معاك و أتمنى لك الخير دائماً أن شاء الله