جلد صباب و لا رشاشات

**khaledserag** · 28-08-2010 11:32 PM

عايز اعرف ايه اعراض جلد الصبابات و اعراض الرشاشات
لان انا عربيتى بتجيب دخنة عند الدوارة صباحا فقط و لكن باقى اليوم لا
و كمان فيه اعراض رشاشات زى ضعف السحب بشدة و تاخير الدوارة خلال اليوم و ريحة بنزين و استهلاك بنزين عالى جدا
قلت اروح اجيب طقم رشاشات بى ام زى ما الاخوة نصحونى
الميكانيكى قاللى لا اعمل جلد الصباب الاول و بعدين ممكن باقى العيوب تتحل
انا عايز اعرف انا لو عملت جلد صباب ايه اللى هيتحسن لان لو على الدخنة بس مش مضايقانى دلوقتى لكن اللى مضايقنى اكتر باقى الاعراض
فايه رايكوا اعمل جلد الصبابات الاول و اسمع كلام الميكانيكى و لا اغير رشاشات
و يا ترى لو عملت جلد صباب هيتكلف اد ايه
thanx

**MMamdouh** · 28-08-2010 11:49 PM

المنطقى انك تغير الرشاشات الاول... حل المشاكمل دايما بيبقى الحل الاسهل و الاقل تكلفة الاول فا الاصعب و الغلى و هكذا

MMamdouh

**SBkr** · 29-08-2010 12:27 AM

الأرجح و الأكثر قبولا هو الرشاشات لأن لو كاوتش الصببات هوة التالف الدخنة هتستمر معاك حتي بعد تسخين المحرك و السير وليس فقط عند بدأ التشغيل لأن بتكون الرشاشات مسيلة بنزين علي البساتم بكثرة فتسبب هذة الدخنة الشديدة وارتفاع الإستهلاك للوقود برضة دليل آخر وهل المنطقي ان تبداء من قلب المحرك تفك وش السلندر أم يبدأ من الخارج حيث الرششات يمكن تغييرها في نصف ساعة وشكرا دة انا نفسي حد يجبلي رششات بي أم تكون كويسة للنوبيرا علشان عندي برضة استهلاك عالي خاصة جوة البلد وريحة بنزين واضحة في العادم.

**khaledserag** · 29-08-2010 03:23 AM

يعنى افهم من كدة ان جلد الصباب مشكلته بس الدخنة بتاعة الصبح و لكن باقى الاعراض رشاشات؟

**bakkarahmed** · 29-08-2010 04:01 AM

لو عايز تتاكد اكشف علي الرشاشات باسكانر .. علشان تبقس مطمن والاوقع ان الرشاشات تكون هي السبب

**mohfud** · 29-08-2010 02:23 PM

لو عايز تتاكد اكشف علي الرشاشات باسكانر .. علشان تبقس مطمن والاوقع ان الرشاشات تكون هي السبب ++++111
ط§ظ„ط¯ظˆط± ط§ظ„ط·ط§ط¦ظپظٹ ظ„طµط.ظٹظپط© ط§ظ„ظٹظˆظ… ط§ظ„ط³ط§ط¨ط¹

**memoo305** · 29-08-2010 05:56 PM

على حسب لون الدخنة لو كانت سوده يبقى رشاشات ولو كانت بيضا ذات رائحة زيت محروق أو مائلة للأزرق يبقى كاوتش الصباب . هذا والله أعلم.

**alexcdx** · 29-08-2010 09:42 PM

المشاركة الأصلية كتبت بواسطة memoo305

على حسب لون الدخنة لو كانت سوده يبقى رشاشات ولو كانت بيضا ذات رائحة زيت محروق أو مائلة للأزرق يبقى كاوتش الصباب . هذا والله أعلم.

+1

فى حاجه عايز نفكر فيها سوا
أنا كنت بنضف البوابه و المانافولد كل شهر بالكاربو كلين سبراى و الماده دى حاميه جدا على الجلد أو الكوتش
لحد لما العربيه أبتدت تدخن أبيض .
و كان الحل أنى أفك وش السلندر و أغير طقم جلد الصباب ودى كانت تانى مره فى سنه واحده
و على فكره جلد صباب الأوبترا من التوكيل محكم أكتر من اللى فى السوق (و هو هو نفس رقم العينه) وكان عامل 110 جنيه تقريبا
و الحمد لله العربيه دلوقتى باقلها سنه مفيش دخنه و البوبه بنضفها بمنديل وسبرتو أبيض.

**محمد الشامي** · 29-08-2010 10:21 PM

المشاركة الأصلية كتبت بواسطة alexcdx

+1

فى حاجه عايز نفكر فيها سوا
أنا كنت بنضف البوابه و المانافولد كل شهر بالكاربو كلين سبراى و الماده دى حاميه جدا على الجلد أو الكوتش
لحد لما العربيه أبتدت تدخن أبيض .
و كان الحل أنى أفك وش السلندر و أغير طقم جلد الصباب ودى كانت تانى مره فى سنه واحده
و على فكره جلد صباب الأوبترا من التوكيل محكم أكتر من اللى فى السوق (و هو هو نفس رقم العينه) وكان عامل 110 جنيه تقريبا
و الحمد لله العربيه دلوقتى باقلها سنه مفيش دخنه و البوبه بنضفها بمنديل وسبرتو أبيض.

المفروض تنضيف البوابه بيكون بالـ wd40 , اعتقد عشان النقطه دي

بس حضرتك بتنضف المنافولد نفسه ازاي ؟ ده لازم يتفك من مكانه

الموضوع: جلد صباب و لا رشاشات

LinkBack

أدوات الموضوع

عرض

-

-

-

-

-

-

المواضيع المتشابهه

توضيح للفرق بين ال8 صباب وال 16 صباب في أستهلاك البنزين

هى السانديرو 16 صباب ولا 8 ؟

اويل سيل صباب

افيدونى ارجوكم الفيرنا بالموتور الجديد 16 صباب 2 كامة ولا اللانوس 8 صباب واحد كامة بس

الكلمات الدلالية لهذا الموضوع

المفضلات

المفضلات

ضوابط المشاركة