الموضوع: ركبت كباس لانسر بوما في الكريستالة

السلام عليكم
امبارح الحمد للة كباس تكييف كريستالتي باظ وكان لازم اغيره قبل السفر في العيد (كل عام و انتم بخير)
دورت علي كباس كريستالة لقيت سعرة 850 -800 جنية غير التركيب والشحن و كمان مش متوفر بحالة جيدة
بتاع الاستيراد اقنعني اركب كباس لانسر بوما لانة

1. اعلي كفائة
2. متوفر
3. ارخص (اخدتة ب 700 مع قاعدتة)

بتاع التكييف فك الكباس القديم بقاعدتة و ركب الجديد بقاعدتة (القواعد شكلها مختلف لكن اماكن تثبيتهم متطابقة)
التعديل الوحيد اللي احتجناه كان نتيجة ان وصلتين خرطومي الداخل و الخارج من الكباس لبقية دورة التكييف مختلفة شوية و كان اسهل حل هو لحام الوصلتين الجداد في القدام لحام الومنيوم (اتكلف 35 جنية) بعد كدة شحنا دورة التكييف هواء لاختبار التسريب و بعد ما اطمنا شحنا فريون والنتيجة الحمد لله ممتازة ولاحظت التالي

1. صوت المتور اهدي كتير
2. سحب السيارة احسن كتير مع التكييف
3. تبريد ممتاز
4. استهلاك البنزين اتحسن من 170 كيلو في الصفيحة ل 300

طبعا الفرق الكبير راجع ل سوء حالة الكباس القديم مؤخرا بس حتي لما كان سليم عمر الصوت والسحب والبنزين ما كانو كده
حبيت اشارك التجربة معاكم ولو حد محتاج يغير كباس كريستالة و مش لاقيه انصحة يفكر يركب كباس بوما
وكل سنة وانتم طيبين