الموضوع: ارجوكم ساعدوني يا أهل خبره اعمل ايه في الفتيس ؟؟

السلام عليكم

انا هدخل في موضوع علي طول
انا عندي فتيس العربيه فبريكه يعني بقالو اكتر من 20 سنه شغال فأكيد تعب بقي
المهم كان فيه صوت ونه في بعض الغيارات و ده عيب قديم جدا يعني من اكتر من 5 سنين

من حوالي سنه باظ و أخد حاجه اسمها غيارين و صلحته و بعدها بشهر عمل تاني نفس العيب و صلحته و من حوالي4 شهور قطع الغيار التاني يعني كل الغيارات تمام و مفهاش تاني و غيرت غويشه و ترس و ظبطت بس ونه هي هي و عادي اتعودت

ظهر بقي من قبل رمضان بأسبوع صوت تكتكه كأن الصلايب مكسوره و بعد بحث طويل اكتشفنا انه عيب فتيس...الكرونه بتاعته فيها مشكله و عايز يتغيبر فيه جزء مش فاكر اسمه يمنع الخبط ده بس الوننه برضه هتفضل و الجزء ده ب 90 جنيه غير المصنعيات الفتيس و المكانيكا

وصوت الخبط بيزيد دلوقتي بقي صوت عالي اوي ويخوف و ظهر بقي حاليا عضه في الغيار التاني


طبعا العقل بيقول اني ارمي ده و اجيب واحد ايستيراد

نزلت انا و مكيانيكي الوكاله وبعدنا بعد تام عن عزبه شلبي عشان فعلا كل الي هناك مستعمل من هنا و جي من بلاد زي قبرص و كده بيصلحو ذيينا..... فلفنها كلها بس للاسف ملقتش الفتيس ده نهائيا !!!

الريجاتا نزلها 3 انواع فتيس
1- فتيس المارش صغير و ده هو هو بتاع 128 نوفا (مش موجود كتير)
2- فتيس المارش كبير (مش موجود نهائيا)
3- فتيس نوفا (متوفر بكثره)

انا الي عندي الحجم رقم 2 و ده مش موجود نهائيا !!!

فوصلت لحلين انا خايف منهم اوي اوي

الاول : اجيب فتيس الصغير و انقل كل الجواه في الحله الكبيره بتاعت الفتيس بتاعي و حل ده ميكانيكي قالي عليه و بتوع الايستيراد بس لوقتي الفتيس ده علي تجربه ازاي يتفك و يبقي علي تجربه ؟؟؟؟؟ وحتي ده لو هو سليم فكه ده مش هيبوظه ؟؟؟
و سعر الفتيس من 650 ل 700

التاني : اجيب فتيس نوفا
المشكله انه عشان اركبه لازم اغير اسطوانه و ديسك و فلاام وعشان مقاس عندي 10 و نوفا 13
و عصايه كمان عشان عندي علي سيخ تحت العربيه انما ده علي اتياش و العصايه بتعدي من العربيه عكس الي عندي بيعدي من تحتها
فهضطر اقطع فتحه ورا كنصول التبلو مع العلم مكان ده زي مربع ده متعلم عندي يعني مش محتاجه عبقري سمكره هيلاقي مربع بارز في العربيه هيقطعه

سعر: فتيس و اسطونه و ديسك و فلاام و عصايه كامله و فيبره مربعه الي ههتركب في العربيه و تعدي منها العصايه كله 900 جنيه وقالي مش هينزل جنيه
والمكانيكي قال التركيب يومين


دلوقتي انا كل يهمني الاداء !!
لو الواحد عمل حوار تعديل النوفا ده العربيه هتبقي اسرع و تجمعها اسرع ولا هتقل و لا مش هتفرق ؟؟
تغير مقاس الاسطوانه و ديسك و فلاام بمقاس اكبر هيخليها ابطأ ولا أسرع ؟؟؟

يا جماعه عايز رأيكم في الموضوع ده و لكم جزيل الشكر

المشاركة الأصلية كتبت بواسطة ahmed_h_g

مش عارف ليه مقلق من موضوع النقل من فتيس لفتيس
يستحسن تدور عليه وان شاء الله هتلاقيه
دورت فى الحرفيين و وكالة البلح ؟؟ ويا سلام لو تعرف حد فى بورسعيد
أكيد هتلاقيه ان شاء الله

انت تقصد من فتيس لفتيس الهو انقل محتويات الفتيس الصغير في الحله عندي ؟؟؟

و لفيت اول امباريح الوكاله و امباريح الحرفيين دون جدوي !


طب انا بس كل الي عايز اعرفه تغير حجم الاسطوانه و الفلاام لأكبر اداء ة تجميع و خصوصا تجميع اول تاني هيزيد و لا هيقل و لا مش هتفرء هتبقي هي هي ؟؟