الموضوع: ارجوكم ساعدوني اعمل ايه مع ابو الفتوح

االسلام عليكم
اشتريت عربية نوبيرا زيرو موديل 2008 من ابو الفتوح مباشرة ، وكنت اشتكيت قبل كده في المنتدي من صوت الموتور العالي وضعف سحب العربية والاخوة الزملاء اقترحو الكثير من الحلول ولكن احد زملاء العمل نصحني بتغيير مراكز الصيانة المملوكة لابو الفتوح لانهم مش هيعملو حاجة، وبعد ما رحت مركز صيانة تابع وغير مملوك لابو الفتوح(فرست كار) حددو المشكلة مبدئيا في علبة البيئة وبعد اللف والدوران وبتاريخ 29/6/2009وبعد مرور قرابة الشهر استطعت الحصول علي موافقة مهندس الضمان بالتغير لعلبة الشكمان بالإضافة لجرابي فرامل اليد (والتي تم اتلافهما سابقا عند صيانة الالف الاولي بمركز ابو رواش نتيجة للاهمال المتعمد من مهندسي الورشة) ومنذ ذلك التاريخ وانا اتردد علي مراكز الصيانة التابعة وغير التابعة محاولا الوصول لحل وتغير القطع المعيبة في السيارة ولكني لم اصل لشئ سوي تهرب مراكز الصيانة بحجة عدم توافر قطع الغيار وتوافرها فقط في مركز ابو رواش وعليه قمت مرة اخري بزيارة مركز ابو رواش الذي اصر علي قيامي بدفع مبلغ 35 جنيها مقابل الكشف علي السيارة ثم طبعا قاموا بانكار وجود المشكلة من الاساس وعند مواجه مركز ابو رواش (المركز الرئيسي) بالموافقة السابقة علي تغير القطع المعيبة اقروا بوجود المشكلة ولكن اعتذرو بعدم توافر قطع الغيار.
وعندما حاولت حل المشكلة وعلي حسابي الخاص نصحني مهندسين التوكيل بعدم اصلاح المشكلة خارج مراكز الصيانة التابعة او المملوكة لهم حتي لا يخرجون السيارة خارج الضمان، وعندما اردت اصلاح السيارة لديهم رفضوا الاصلاح بحجة عدم توافر الغيار... فماذا افعل؟


انا الان في حيرة من امري ، نصحني احد مهندسي التوكيل بعدم اصلاح السيارة بالخارج حتي لا اتعرض لفقد ضمان السيارة، وعندما صارحته بنيتي لتقديم شكوي ضد الشركة في جهاز حماية المستهلك نصحني بعدم القيام بذلك لانهم في هذه الحالة سيقومون بتغير الاجزاء التالفة بقطع غيار اخري ربما تكون معيبة او غير مطابقة للمواصفات لقفل ملف الشكوي وانه لا يحق لي تغير تلك القطع المعيبة مرة اخري في الضمان وان حق التغير هو لمرة واحدة فقط وعليها ضمان قدرة ثلاثة اشهر وطبعا بعد مرور الثلاث اشهر الضمان يسقط حقي تماما في تغيير تلك القطعة مرة اخري ...

المشكلة تتفاقم والسيارة اشعر بها تتلف يوما بعد يوم حتي وصل استهلاك الوقود لحوالي 150كم بالصفيحة بعدما كان قرابة 230 كم عند شرائي السيارة في شهر سبتمبر 2008، وقد فقدت ثقتي باي منتج محلي نتيجة لتلك المعاملة الغريبة من شركات يفترض ان لها ثقلها بالسوق المصري، وحتي برغم تجاهلي لبعض العيوب علي اساس انها عيوب ملازمة للمنتج المصري (عيوب التقفيل والحجات الي بتزيق وكده).
اعمل ايه بقي اشتكي في جهاز حماية المستهلك ولا اصلح العربية علي حسابي واخاطر بفقد الضمان ولا اعمل ايه....

المشاركة الأصلية كتبت بواسطة superiorboy

المشكلةاللي بتخلي التوكيلات تستهبل معانا هي اننا بنتنازل عن حقنا و بنخاف، و الكلام اللي المهندس قالهولك ده مش منطقي بالمرة هو بيقولك كدة علشان يخوفك و ماتنساش انك لو عملت شكوة اول واحد هيتجاب فيها هما المهندسين اللي اشتعلو في العربية لانك قلت انهم نكرو المشكلة و بعدين اقروها فمعنى كدة ان المهندسين بيغطو على بعض او بيستهبلو او مش فاهمين و ال3 دوول العن من بعض و بعدين حتى لو ركبولك قطع معيبة و الضمان بتاعها خلص انت مش معاك فواتير يعني لو حصل حاجة يبقى معنى كدة ان القطع دي كانت غير مطابقة للمواصفات خصوصا ان علبة البيئة دي مفيهاش عيب استخدام انت مش هتعمل فيها حاجة و ساعتها ممكن كمان ترجع مرة تانية لجهاز حماية المستهلك بل و العكس تبعت لدايو كوريا لو كانت لسة موجودة مش عارف بعد مفلست ايه نظامها

من الاخر متسيبش حقك و ربنا معاك و هما من النوع اللي يخاف ...

111111111111111111111111111111111+