اضبط ضغط الهواء فى العجل على كام ؟؟؟؟؟

**ameirnabel1977** · 20-09-2010 05:19 PM

يا جماعه كان فى عندي عجله مهويه( عربيه 128 موديل 84 ) فارحت البنزينه وزودت العجل كله بس من ساعتها والعربيه مش ثابته معايا خالص والدركسيون خفيف واي حاجه فى الارض وانا ماشي بسرعه بتخلي العربيه تعوم.
يا ريت حد يقولي المفروض اضبط الهوا على كام وهل المفروض بعد ضبط الهوا اروح اعمل ضبط زوايا ولا مش لازم لاني برضه من ساعه ما زودت الهوا وانا حاسس ان العربيه بتحدف مني اوي.
معلش سؤال اخير ممكن اعمل ضبط زوايا فين في اكتوبر

**A.Saad** · 20-09-2010 05:45 PM

ما تظبطتش الهوا عمرك فى بنزينة لانهم هينصبوا عليك للصبح
وتقف على ايد الصنايعى
قالك العجلة نايمة وتروح تكسر الدركسيون
اعرف انه هينصب عليك
واحد بس اللى يشتغل فى العجل

كمان
ما تظبطتش والاطار ساخن
الاطار ساخن لو
مشيت اكتر من كيلو ونصف
او فى الحر الشديد

غالبا
انت زودت والاطار ساخن والهوا عندك زيادة
حاول اما العربية تقف بالليل تشوف حد بتاع كاوتش قريب تروح له يظبط الهوا