النطارية ولا حاجه تانى

**HanyAziz** · 19-09-2010 04:54 PM

الاخوة الاعزاء فى المنتدى تحية طيبة وبعد
قعدت كام يوم من غير مشغل العربيه حوالى بالظبط 4 او 5 ايام
وبعدها جيت ادور العربية مشتغلتش البطارية نامت اخدتها لبتاع بطاريات شحنها وروحت مركبها العربيه اشتغلت
دلوقت امبارح زجعت من الشغل بدرى على الساعة 1 الضهر ومنزلتش غير تانى يوم الساعه 10 الصبح العربيه مدوتش غير بالزق ياترى ده معناه انى البطارية بتشاور عقلها واية الحل عشان اخليها دايما مشحونه
وشكرا للافادة

**karimfahmy99** · 19-09-2010 05:00 PM

ما هو حاجة من 2 . اما فى تهريب فى العربية و دا تتاكد منة لما تشحنها و تدور و تيجى تركنها انك تفك كابل البطارية لتانى يوم و تشوف لو منامتش و دورت يبقى فى تهريب فى العربية . لو نامت يبقى البطارية باى باى . غير يا باشا

**samirayad** · 19-09-2010 08:48 PM

لو البطاريه من زمان يبقى فيه شك أنها بتشاور عقلها

ولو جديده أو مضى عليها فتره بسيطه بالسياره

يبقى من الوارد يكون الدينامو شحنه ضعيف

**karimfahmy99** · 19-09-2010 09:05 PM

على فكرة انا تعمدت مقلش موضوع الشحن انة ممكن يكون ضعيف لانك مشتكتش منة لما بتخرج بالعربية كل يوم كلة بيبقى سليم . عشان كدة ركزت فى مشكلة الركن و تفضية البطارية من الركن و قلتلك على التجربة اللى تعملها و هى اللى هتبين

**HanyAziz** · 20-09-2010 12:00 AM

[frame="1 80"]
ما هو حاجة من 2 . اما فى تهريب فى العربية و دا تتاكد منة لما تشحنها و تدور و تيجى تركنها انك تفك كابل البطارية لتانى يوم و تشوف لو منامتش و دورت يبقى فى تهريب فى العربية . لو نامت يبقى البطارية باى باى . غير يا باشا
[/frame]
شاكر جدا استاذ كارم على المحبه والاهتمام والرد وهجرب الموضوع ده فى يوم مكنش رايح فيه الشغل
[frame="1 80"]ولو جديده أو مضى عليها فتره بسيطه بالسياره

يبقى من الوارد يكون الدينامو شحنه ضعيف
[/frame]
الاخ العزبز المهندس سمير وحشانا ردودك ومشاركاتك وشكرا للمحبه والاهتمام والرد وياريت تدينا بصه فى منتدي الادا من حين لاخر

**nicegypt** · 20-09-2010 01:30 AM

المشاركة الأصلية كتبت بواسطة HanyAziz

الاخوة الاعزاء فى المنتدى تحية طيبة وبعد
قعدت كام يوم من غير مشغل العربيه حوالى بالظبط 4 او 5 ايام
وبعدها جيت ادور العربية مشتغلتش البطارية نامت اخدتها لبتاع بطاريات شحنها وروحت مركبها العربيه اشتغلت
دلوقت امبارح زجعت من الشغل بدرى على الساعة 1 الضهر ومنزلتش غير تانى يوم الساعه 10 الصبح العربيه مدوتش غير بالزق ياترى ده معناه انى البطارية بتشاور عقلها واية الحل عشان اخليها دايما مشحونه
وشكرا للافادة

خلى الكهربائى يقيس شحن البطارية ويقيس الدينمو .. ونقطة مهمة جدا خلى بالك منها دوخــتنى وهى
انك طالما عند الكهربائى قولة يبص على السيلكونات والكتاوت الداخلية اخبارها اية بتفصل شحن ولا قاطعة ولا اخبارها اية
ولو الكتاوت خارجية اكشف عليها واتأكد انها كويسة ولو بطيئة غيرها بواحدة بلغاري بـ 40 ج وهترتاح جامد
لو الكتاوت خارجية عندك ممكن تشيل فردتين السلك اللى متوصلين بالكتاوت دى وتوصلهم ببعض وتمشى بالعربية حوالى نص ساعة كدة انت بتشحن البطارية شحن مباشر من الدينمو بدون كتاوت .. وظيفة الكتاوت Cut OUT كت اوت .. انها تفصل شحن عن البطارية لما تتشحن .. ولما البطارية تكون فاضية تسمح بمرور التيار الكهربائى من الدينمو للبطارية .

حبيت انبهك لموضوع السيلكونات والكتاوت لسبب .. انى قست شحن البطارية والدينمو عند اكتر من كهربائى
وكلة يقولى تمام يا باشا شحن ممتاز .. وابص على الجهاز الاقي فعلا الدينمو بيشحن كويس
وشوية ابص الاقى البطارية فضيت والعربية تعطل وازق واروح لكهربائى تانى ومحدش عارف المشكلة
المشكلة كانت ف الكتاوت والسيلكونات .. لما بــتــســخــن بتقطع . يعنى بعد مشوار بتقطع والدينمو يفصل شحن
وبالتالى البطارية تفضى .. تروح للكهربائى يكشف لك ع الدينمو تكون العربية بردت ويقولك كلة تمام .
حبيت انك تستفيد من تجربتى علشان مدخشى زيي وتصرف مصاريف كتير ع الفاضى وتتعب ف الزق
.. وحليت المشكلة بأنى جبت دينمو ألمانى استيراد بكتاوت داخلية بدل اصلاح الكتاوت وخلافة
والسيارة من وقتها الحمد لله تمام .

**HanyAziz** · 20-09-2010 05:34 PM

الاخ العزبز شاكر جدا المحبه والاهتمام وانا هروح للكهربائى واخليه يشوف مؤضوع الكتاوت والسيلكونات بس كنت عايز اسئل حضرتك الحاجات دي مكانها فين فى العربيه

**samirayad** · 20-09-2010 07:01 PM

بس كنت عايز اسئل حضرتك الحاجات دي مكانها فين فى العربيه

من ضمن المكونات الداخليه للدينامو

ولو وصلت لكهربائى شاطر وقاسلك تيار الشحن والفولت الخارج من الدينامو

حيحددلك

الدينامو محتاج صيانه ولا لا

**nicegypt** · 20-09-2010 08:22 PM

المشاركة الأصلية كتبت بواسطة samirayad

من ضمن المكونات الداخليه للدينامو

ولو وصلت لكهربائى شاطر وقاسلك تيار الشحن والفولت الخارج من الدينامو

حيحددلك

الدينامو محتاج صيانه ولا لا

كلامك مظبوط 100 %
لو مش عندك كهربائى كويس قولى وابعت لك بياناتة ورقمة ع الخاص

**HanyAziz** · 21-09-2010 02:21 PM

من ضالمكونات الداخليه للدينامو من [frame="1 80"]

ولو وصلت لكهربائى شاطر وقاسلك تيار الشحن والفولت الخارج من الدينامو

حيحددلك

الدينامو محتاج صيانه ولا لا
[/frame]
[frame="1 80"]
كلامك مظبوط 100 %
لو مش عندك كهربائى كويس قولى وابعت لك بياناتة ورقمة ع الخاص
[/frame]
الاخوة الاحباء الحاله تدهورت فى خلال يوم وبقت لو ركنت العربيه ساعتين اجي اشغل لازم تاخد زقه وصفولي كهربائي كوبس روحتله الصبى قلي مش قاعد راح فرح هداني تفكيري اروح ابتاع البطاريات روحتله قاس الشحن لقاه تمام قاس البطاريه لقاها ضعيفة وقالي عيب بطاريه مش شحن وعلي فكرة عندي دائرة الكترونية راكبه قالي دي دائرة شحن اوتوماتيكي
طاب الحل قالي انا دلوقتي معنديش بطاريات روح توكيل كلورايد ياخدوا القديمة ويخصموا تمنها ويدوك الجديدة وتدفع فرق التوكيل كان قريب وبعد فصال اخدت بطارية كلوريد td 70 انتاج اغسطس 2010 بالضمان ودفعت 200 جنيه من بعد 215 لانه قال ان البطاريات رفعت 4 فى المية
والحمد لله الحاله مستقره شكر ا لمحبتكم جميعا