الموضوع: أجدد الحلقات اللينيا وال k&n

نبتدي بصور العلبة ومعلش مصورتش الفلتر لإني ركبته على طول (مفيش صبر )
وسعره 410 جنيه مصري وسألت على الفلتر بتاع ال77 حصان وطلع ب 335 جنيه والبرافو مكنش معايا رقمة فمعرفتش أسأل عليه




وده إستيكر المفروض بتلزقة على علبه الفلتر عشان الفني (الكلام ده مش في مصر طبعا ) يعرف إنه ميغيرش الفلتر


دي بقى علبه المنظف والزيت طبعا هو المفروض بيتنضف كل 50 الف ميل على الطرق السريعة ولو الجو نضيف زي ما هما كاتبين لكن عندنا أكيد هيتنضف كل 10 الاف


نيجي لأهم جزء الأداء
للأسف الوالده كانت معايا معظم اليوم فمعرفتش أجرب كويس بس ده تقييم مبدئي وأكيد هيبقى فيه تفاصيل أكتر بعدين
العربيه صوتها متغيرش طول ما الRPM تحت ال3 أول ما تعدي تحس إن العربيه بتنعر ولا الي داخلة سباق بس مش لدرجة إن الصوت يبقى مزعج يعني برده في المعقول
أداء العربيه لو جايب ال3 أو ال4 بدري يعني الrpm بعد النقله نزل تحت ال2 rpm الطبيعي مع الفلتر القديم إن لو زودت بنزين قليل العربيه مبتطلعش بسهولة بتاخد وقت دلوقتي مع أقل لمسة بتنط

إستهلاك البنزين جربت على سرعة 90 زي ما هو بالظبط مفيش أي فرق في الإستهلاك



النهارده بقى جربت العربيه براحتي وإليكم التقرير:
لقيت العربيه مش مظبوطة قوي في السلانسيه فعملت reset لل ECU عن طريق شيل قطاش البطاريه 10د ويارتني ما عملت كده لإني إكتشفت إني صحيت الوحش الي كان نايم في الكبوت
وإحساسي دلوقتي بقى كالتالي إن الموتور ده ديناصور كان عنده بدر ونايم ودلوقتي خف من البرد وبالريسيت ضربته ضربة على دماغة فوقته

أول حاجة صوت الموتور نعم شويه بس برده صوت تحفة
العربيه سحبها إتحسن جدا يعني الأول كنت تكبس بنزين صدرك يرجع لورا دلوقتي راسك بتتمتوح تخبط في المستد وترجع
خليت مهندس من التوكيل يجربها قالي عمري ما شفت لينيا ولا برافو بتجري بالغباء ده


....* نيجي لأهم نقطة التوكيل رفض الموضوع ده وبالتالي لازم تحط اللفلتر القديم قبل ما تروحلهم وفي الصيانة تقلهم مغيروهوش وشكرا


تم التعديل بناء على رغبة كاتب الموضوع
230910
5:52م
مشرف18ب