اسطوانة الدبرياج 128

**mohamed9999** · 23-09-2010 10:47 AM

عاوز اعرف اعراض تلف اسطوانة الدبرياج فى فيات 128 انا بطلع الكوبرى العربيه ما بتجبش ازيد من 50كم/س
وعاوز اعرف تكلفة تغيرها كااااااااااام اسطوانه و دسك وهل لازم الماتور يتفك ولا عادى ولو الماتور محتاج طقم شمبر يعمل كده طيب اعمل اسطوانه و دسك ولا اعمل نص عمره مع الاسطوانه

**mohamed9999** · 26-09-2010 11:50 AM

رحت للميكانيكى قاللى افكلك الاسطوانه و املاها ونركبها فهل الاسطوانه و الدسك اشتريهم جداد احسن ولا املاهم زى ما الميكانيكى بيقول ويتكلفو كام

**khaled_sabry** · 26-09-2010 12:05 PM

المشاركة الأصلية كتبت بواسطة mohamed9999

رحت للميكانيكى قاللى افكلك الاسطوانه و املاها ونركبها فهل الاسطوانه و الدسك اشتريهم جداد احسن ولا املاهم زى ما الميكانيكى بيقول ويتكلفو كام

اانا بصراحه عمرى مادخلت فى حوار الاسطوانه دى
بس من مشاركات الاعضاء فى مواضيع تانيه اعرف ان الحشو ده علاج مؤقت .. فالافضل تشتريهم جداد
و يتهيألى الموضوع حديخل معاك فى 350 جنيه

**mohamed9999** · 26-09-2010 02:16 PM

المشاركة الأصلية كتبت بواسطة khaled_sabry

اانا بصراحه عمرى مادخلت فى حوار الاسطوانه دى
بس من مشاركات الاعضاء فى مواضيع تانيه اعرف ان الحشو ده علاج مؤقت .. فالافضل تشتريهم جداد
و يتهيألى الموضوع حديخل معاك فى 350 جنيه

ربنا يستر...........

**khaled_bibo** · 26-09-2010 02:19 PM

بص انا لسه مغيرهم من شهر كانوا عاملين 260 دسك و اسطوانه و بليه و اللي هيركبهم هايخد بتاع 100 جنيه بالكتير اوي

**nicegypt** · 26-09-2010 02:32 PM

المشاركة الأصلية كتبت بواسطة mohamed9999

رحت للميكانيكى قاللى افكلك الاسطوانه و املاها ونركبها فهل الاسطوانه و الدسك اشتريهم جداد احسن ولا املاهم زى ما الميكانيكى بيقول ويتكلفو كام

استاذ محمد ايـــاك وملي الاسطوانة
اي حاجة بتتملى عمرها قصير ومستحيل تكون زى الاصلية علماَ ان تكلفة الاسطوانة جديدة بـ 95 ج
الملي هيملها مثلا بـ 30 ج يبقى تجبها جديدة احسن .. بالاضافة ان فية سوست هتلاقيها على الاسطوانة
حالة السوست دى اهم من تيل الاسطوانة لانها بتتحكم ف الاسطوانة نفسها وبالتالى هتها جديدة
الديسك تقريبا ممكن يعملة 120 ج مسألتش عن سعرة بس دة ف الغالب
يعنى اعمل حسابك ف 250 ج للاتنين بالكتير وغير البلية بالمرة لو محتاجة تغيير
واسأل الميكانيكى عن حالة الموتور . هل الموتور بيضرب زيت برة ؟ هل خرطوم الفايظ بيجب زيت ؟
هل الزيت بينقص بشكل ملحوظ ؟ هل فية سخونة واستهلاك مبالغ فية فى البنزين ؟
ان كانت اجابتك بنعم يبقى محتاج عمرة + اسطوانة وديسك وبلية

**mohamed9999** · 26-09-2010 03:07 PM

المشاركة الأصلية كتبت بواسطة nicegypt

استاذ محمد ايـــاك وملي الاسطوانة
اي حاجة بتتملى عمرها قصير ومستحيل تكون زى الاصلية علماَ ان تكلفة الاسطوانة جديدة بـ 95 ج
الملي هيملها مثلا بـ 30 ج يبقى تجبها جديدة احسن .. بالاضافة ان فية سوست هتلاقيها على الاسطوانة
حالة السوست دى اهم من تيل الاسطوانة لانها بتتحكم ف الاسطوانة نفسها وبالتالى هتها جديدة
الديسك تقريبا ممكن يعملة 120 ج مسألتش عن سعرة بس دة ف الغالب
يعنى اعمل حسابك ف 250 ج للاتنين بالكتير وغير البلية بالمرة لو محتاجة تغيير
واسأل الميكانيكى عن حالة الموتور . هل الموتور بيضرب زيت برة ؟ هل خرطوم الفايظ بيجب زيت ؟
هل الزيت بينقص بشكل ملحوظ ؟ هل فية سخونة واستهلاك مبالغ فية فى البنزين ؟
ان كانت اجابتك بنعم يبقى محتاج عمرة + اسطوانة وديسك وبلية

1- حالة الماتور خرطوم الفايظ بيجيب دخنه على خفيف وبيبان لما العربيه تسخن
2- الزيت موجود زى كل العربيه على نص الماتور من تحت على كرتيره الزيت
3- مفيش سخونه و العربيه كويسه
4- استهلاك البنزين عادى جدا
انا بس الميكانيكى قاللى ان الديسك كويس وقاللى املى الاسطوانه بس عشان الديسك كويس طيب و المصنعيه فى حدود كام هو قاللى 50ج

**nicegypt** · 26-09-2010 11:14 PM

المشاركة الأصلية كتبت بواسطة mohamed9999

1- حالة الماتور خرطوم الفايظ بيجيب دخنه على خفيف وبيبان لما العربيه تسخن
2- الزيت موجود زى كل العربيه على نص الماتور من تحت على كرتيره الزيت
3- مفيش سخونه و العربيه كويسه
4- استهلاك البنزين عادى جدا
انا بس الميكانيكى قاللى ان الديسك كويس وقاللى املى الاسطوانه بس عشان الديسك كويس طيب و المصنعيه فى حدود كام هو قاللى 50ج

حضرتك اسأل الميكانيكى عن حالة الماتور وخلى بالك انة ممكن يكدب علشان يعمل شغل وخلاص
عموما هات ديسك جديد زى مقلت لحضرتك هتاخدة وانت واقف هتلاقية فى اي محل قطع غيار فى ام المصريين " ضواحى الجيزة
او عند محمد يوسف " امام باب مترو الدقي " يعنى اركب المترو وانزل محطة الدقي واسأل علية هتلاقية ف وشك
هتاخدة وترجع تركبة التانى هياخد ساعتين تلاتة عبال ميتملي والخامة بتاعتة مش زى خامة الاسطوانة الاصلية الايطالى !
ممكن بعد كدة فيما بعد تمليها وتخليها معاك احتياطى .. بالنسبة للمصنعية من 30 ج لخمسين كويس جدا

**mohamed9999** · 30-09-2010 01:30 PM

طيب الميكانيكى بيقول المصناعيه 70ج هل دا كويس انا لسه مفكتش حاجه وفى ميكانيكى نص كم قاللى مصناعيه 50ج اعمل عند انهى واحد

**aYaBooY** · 30-09-2010 02:22 PM

اولا فك الفتيس الي اعرفة بيتراوح من 50 ل 100 و ده حسب البيه الصنيعي و ده هاتحتاج تعملة علشان تغير الاسطوانة و الديسك و البلية و نصيحة علشان تحس بالفرق و المكونات تعيش اكتر غير الطقم كامل و هات الافضل ( طبعا مش هاعرف اقولك الافضل منين علشان انا مبقتش مجرب بتوع قطع غيار الـ 128 زي زمان ) فشوف الي معاهم هايقولك منين
سيبك من موضوع الملى ده خالص بلاش منه
موضوع الموتور الخفيف انت على ما اذكر معاك 1100 سي سي 86 تقريبا خليها تجيب اخرها و هات موتور 1300 استيراد و متوجعش قلبك مع العمرات و نص العمرات و الحوار ده
و كون العربية فيها دخنة من الفايز لما تسخن يبقي سيبك من موضوع النص عمرة ده نهائي هيا ممكن تمشي معاك حوالي سنتين مرتاحة على الحال ده ( المرحومة كانت بدخن من الفايز مع دوارة المارش مش مع السخونة و كانت ماشية و بعتها على هذا الحال رغم انه كل صنيعي كان بيقولي انها اخرها تمشي معايا شهر او شهر و نص بالكتير فضلت ماشية 9 شهور و بعتها على حالها ) المهم لما يبداء دخان الفايز يكتر ابداء حط زيت شنبر مع كل غيرا زيت بس و ربنا يعينك