ما هوة يا الشكمان يا الدبرياج

**zenger** · 26-09-2010 12:52 AM

انا غيرت ماسورة الشكمان قريب و من راجل حبيبى ب 75 بكل حاجة الماسورة بالمصنعية كله بس الصنايعى اللى شغال كان رخم فمدتوش حاجة:b4_592:
تانى حاجة بقى انا العربية مجننانى فى حاجة
انا كده كده عاوز اغير طقم الدبرياج كله دسك و اسطوانة و بلية
فى الزحمة بترعش و عارف انه دبرياج لكن الشكمان بيرزع ليه من ورا بقى مع العلم انى لسه مركب كوتشتين للشكمان جداد و ايوة بكرر الشمكان مش بيخبط بيرزع زى ما قولت و الكاوتشتين لسه جداد فايه السبب بقى

**macdiv** · 26-09-2010 02:44 AM

التخبيط الجامد اقوي ده معناه ان الموتور مش مظبوط و لو اني لحام الشكمان بعيد عن مكانه ٣ سم هيخليك تحس انك سايق جرار .... اعتقد ان الشكمان محتاج نظره منك ... حط دواسه تحت العربيه و شوف بنفسك الخلوص بتاع العلبه كام سم تقريبا من ناحيه الشاسيه ....

**nicegypt** · 26-09-2010 10:51 PM

لولا انك قلت انك مغير كوتشتين الشكمان كنت هقولك كاوتشة الشكمان غيرها الواحدة ب4 ج
الرزعة دى كانت عندى باردو بعد مركبت شكمان وليس قبل ! .. المشكلة كانت فى نقطتين لا ثالث لهما :
1 - ماسورة الشكمان قريبة اوي من سدر العربية .. ودى بتحصل كتير من بتوع الشكمان تسمعها بشكل اوضح لما تضغط فرامل او تقرص بنزين
او لو طالع من اشارة
2 - تكويعة الماسورة خطأ .. ودى ظهرت لى قريب ورحت لبتاع شكمانات تانى رسم لى شكمان الريجاتا على ورقة ! وقالى دة الصح بتاعها
اللى عملو التانى دة عك عمل تكويعة خطأ وبالتالى بترزع من ورا .. راجع على الحاجات دى وبأذن الله تتحل وتبقى تطمنا

**zenger** · 27-09-2010 03:15 AM

طب انا لسة مغيرها ب 75 جنيه هغير تانى
مفتكرش حاليا بس ممكن تجيبلى الورقة دى لو تبعتهالى ميل او تقابلنى و انا رقمى فى الخاص عندى فى البيانات
و انا انزلك و اخدها منك
بس انا الحكاية دى مجننانى لدرجة انى بتخنق من العربية بسببها و ان شاء الله هوصل لحل ليها هنزل تحت العربيات الريجاتا اللى تبعنا و اشوف الحكاية دى فيها ايه بقى علشان انا جيبت اخرى من الصوت المزعج ده