الموضوع: فيه مشكله مجننانى جدا جدا ومش عارف اعمل ايه!!!!!!!!!!!!!!!!!!!!!

اللى اقدر افيدك فية . روح لمحل لتركيب الانذار و هو هيفهم العيب فين دى شغلتهم اكتر من الكهربائية . روح شارع زكى كلهم اساتذة هناك

المشاركة الأصلية كتبت بواسطة organic_magic

انا بالفعل اول واحد رحتله كان بتاع انذار وسنتر وصلح السنتر بس بعدها ب 5 ساعات فصل تانى دا من نحيه

من نحيه تانيه كل الكهربائيه اللي رحتلهم بالفعل صلحوا السنتر بس بيفصل تانى بعدها بكام ساعه

من الواضح انهم بيصلحولك اعراض المشكلة ( تلف كتاوت السنتر ) لكن مبيدوروش على اصل المشكلة ( الى هية ممكن تكون قفلة موجودة فى احد الكابلات او الاسلاك ) و دة طبعا بيخلى الدنيا تقع بعض فترة قصيرة من التصليح لان اصل المشكلة قائم

المشاركة الأصلية كتبت بواسطة organic_magic

كلام حضرتك منطقي وميه ميه


انا بفكر اعمل حاجه - اقطع في الاسلاك الواصله لماكينه مثلا الشنطه واجرب العربيه وهكذا مع كل الابواب لحد موصل مش ممكن يكون فيه ماكينه تالفه من الماء (بها صدا) او فيه قفله عند باب معين

صح ولا مينفعش ؟؟؟

اخى الفاضل

ممكن تعمل كدة بس لازم تتعامل بحزر مع الاسلاك علشات المشكلة متكبرش او يحصل قفلة تانية

انا ححكيلك على قصة قصيرة حصليتلى ليها نفس الابعاد و كانت فى عربية والدى الله يرحمة

كان عندنا فيات 124 و فى يوم جيت انور النور الصغير بتاع العربية من وحدة زراير انوار العربية راحت الاسلاك الى داخلة على الوحدة دى مدخنة و كانت حتولع و كان دخان كثيف - المهم عزلت الاسلاك و ظبطها تانى و انا مش فاهم فية اية و اشتغلت الانوار و الزراير

مرة تانية جيت انور النور الصغير باليل - حصل نفس السيناريو مع تلف وحدة الزراير المرة دى

غيرتها و جبت وحدة جديدة بعد ما دخت لان الموديل كان قديم

و تكرر نفس السيناريو الاول ثم بعد عزل الاسلاك اختفى

و انا بنظف الشنطة بتاعة العربية بعد مدة اكتشفت القفلة فى الضفيرة الى داخلة على الفوانيس الخلفية ( سلك منهم منقور و كان ملمس فى صاج ارضية الشنطة و طبعا مع الحركة بيلمس و يبعد و كان حولين النقرة دى هباب و شياط ففهمت اصل المشكلة كان جاى منين )

علشان كدة انت محتاج بالهداوة تراجع دايرة السنتر باب \ باب زى ما قلت ( اعزل كل باب و جرب يوم )

اسف على الاطالة

لما اشتريت العربيه كان السنتر و الانذار كله شغال تمام ومفيش اى مشاكل
لما أجي اقفل بالريموت السنتر بيقفل عادي وبعدين اسمع زنه والاقي الابواب فتحت لواحدها المهم قعدت اراقب الصوت لحد ما جبت الباب اللي بيعلق بعد الغلق وقطعت السلك اللي واصل للماكينه بتاعته وشغلته يدوي
المهم العربيه قعدت فتره شغاله كويس وبعدين جيت اقفل الباب الرئيس يقفل وباقي الابواب تفتح – افتح بالريموت الباب الرئسي يفتح وباقي الابواب تقفل

رحت لواحد بتاع سنتر قعد يجرب في العربيه و في الاخر قالى ان العيب من كتاوت السنتر فكه وقالى فيه قفله سيبهولى يوم ,جتله بعد يوم قالى صلحته ركبه وشغلت الدنيا بقت تمام وزى الفل بالضبط 5 ساعات ورجع الوضع كما هو عليه الرئسي يفتح والباقي يقفل وهكذا

فكان حلى الوحيد انى فضلت ماشي كل مركن في حته اشيل كابل البطاريه السالب

وحاليا انا شايل الكتاوت والريموت كدا شغال علي الباب الرئيسي بس وباقي الابواب يدوى

عرضت العربيه لحد دلوقتى علي 2 كهربائي ومفيش فايده كل واحد يعمل اللي عليه والعربيه تشتغل زى الفل وبعدين امشي تقعد شويه وترجع تانى
انا حاسه بحضرتك ربنا معاك و ليك حق لأنها مشكله غلسه بجد و كل واحد برأي انا عندي نفس المشكله بس بدون غسيل العربيه و معي ستروين اكسارا 2 و اخر كهربائي قال العيب من ال bsi (طقم الدواره) و لسه بحاول اسئل تاني و يا رب المشكله تتحل