الحقونى يا جماعة فى علبة الدريكسيون

**ahmadhussein** · 01-10-2010 11:53 PM

دلوقتى روحت للعفشجى قالى لى علبة الدريكسيون عايزة تتغير احسن من انها تتوضب لان العيب فى المشط المشرشر بتاعها وكانت بتعمل نقرة فى الدريكسيون لما الفه شمال

المهم روحت أسأل على العلبة وقولت اتوكل على الله واجيبها جديدة لاقيت الاسعار متفاوته جدا من منشا والتانى وحتى نفس القطعه لنفس المنشا مختلف سعرها من تاجر لاخر يعنى مثلا

1- الصينى ( 220 ج عند واحد فى الجيزة ) - ( 275 ج عندى بالمنطقه )

2- التركى ( 300 ج ) عند نفس الشخص اللى فى الجيزة ومحدش عنده التركى ده تانى لا فى رمسيس ولا الجيزة ولا حتى عندى بالمنطقة

3- الايطالى ( 400 ج - الجيزة ) - ( 500 ج عند محمد يوسف اللى فى الدقى )

وبصراحة يا جماعه محتاج خبرتكم وخلاصة تجاربكم عايز اعرف اجيب ايه فيهم ؟؟؟؟ فى ناس وصنايعية كتير بيقولوا لى هات الصينى وانهم شغالين بيه كويس وناس تانية قالت لى هات الايطالى و واحد صنايعى تانى قالى هات الاستيراد ( 220 ج )

بصراحه انا محتار جدا جدا لان العلبة الحالية انا كنت مغيرها استيراد من سنة ونصف وخايف كل سنة كده اغير فى علبة وفى نفس الوقت الايطالى غالى ولا اوضبها وخلاص لو نفعت تتوضب ؟؟؟

اسف للاطالة وارجو من الاخوة الكرام مساعدتى والا يبخلوا عليا بخبراتهم وشكرا جزيلا

**HanyAziz** · 02-10-2010 02:51 AM

مشكلتى انى بعانى كتير من استهلاك العربيه للبنزين وخصوصا جوة البلد سمعت اخونا فى المنتدي بيتكلموا علي حط نفتالين فى تنك البنزين بعد التفويلة وكل مرة انوى اجربها ياما اخاف واتردد ياما ملقاش نفتالين النهارده بقى جات وقفتى بعد التفويله قدام محل عطاره وروحت سائله ولقيت واشتريت بجنيه طلعوا 10 كور ومن غير محد يشوفنى يحسن يقولوا على عبيط روحت رامى النفتالين في التنك وربنا يستر عارفين لو حصلت حاجة للعربية عربيات المنتدى كله مش هتشفى غليلى اجيلكم انا وولاد عمى من البلد وناخدلكم المنتدى بالطوب وعلى راى الكبير جزره وقطمها جحش

**HanyAziz** · 02-10-2010 03:04 AM

اسف لوضع الموضوع فى المكان الخطا

**karimfahmy99** · 02-10-2010 06:27 AM

المشاركة الأصلية كتبت بواسطة ahmadhussein

دلوقتى روحت للعفشجى قالى لى علبة الدريكسيون عايزة تتغير احسن من انها تتوضب لان العيب فى المشط المشرشر بتاعها وكانت بتعمل نقرة فى الدريكسيون لما الفه شمال

المهم روحت أسأل على العلبة وقولت اتوكل على الله واجيبها جديدة لاقيت الاسعار متفاوته جدا من منشا والتانى وحتى نفس القطعه لنفس المنشا مختلف سعرها من تاجر لاخر يعنى مثلا

1- الصينى ( 220 ج عند واحد فى الجيزة ) - ( 275 ج عندى بالمنطقه )

2- التركى ( 300 ج ) عند نفس الشخص اللى فى الجيزة ومحدش عنده التركى ده تانى لا فى رمسيس ولا الجيزة ولا حتى عندى بالمنطقة

3- الايطالى ( 400 ج - الجيزة ) - ( 500 ج عند محمد يوسف اللى فى الدقى )

وبصراحة يا جماعه محتاج خبرتكم وخلاصة تجاربكم عايز اعرف اجيب ايه فيهم ؟؟؟؟ فى ناس وصنايعية كتير بيقولوا لى هات الصينى وانهم شغالين بيه كويس وناس تانية قالت لى هات الايطالى و واحد صنايعى تانى قالى هات الاستيراد ( 220 ج )

بصراحه انا محتار جدا جدا لان العلبة الحالية انا كنت مغيرها استيراد من سنة ونصف وخايف كل سنة كده اغير فى علبة وفى نفس الوقت الايطالى غالى

ولا اوضبها وخلاص لو نفعت تتوضب ؟؟؟

اسف للاطالة وارجو من الاخوة الكرام مساعدتى والا يبخلوا عليا بخبراتهم وشكرا جزيلا

يفضل تنزل شارع شمبليون او التوفيقية احسن و تشوف الاسعار هناك اية و اية الموجود . و اعتقد التركى كويس و خير الامور الوسط و برضة حسب فروق الاسعار و اختيارك انت