الموضوع: البطاريه طلعت سليمه

الكتاوت بيكون فى الدينامو . قطعة جانبية متركبة طبعا دى شغلة كهربائى

انت الاول روح و خللية يقيس شحن العربية و هيبان اذا كان عيب دينامو و لا كتاوت . هو بيعرف يقيس خرجى الدينامو لوحدة و هو هيحدد العيب فين

بس هو عرف ازاى ان البطارية سليمة ؟؟؟؟ كشف عليها ازاى اذا كانت فاضية ؟؟؟؟ الموضوع فى شك

لو انا فهمت صح....

حضرتك بتلاقى البطاريه فاضيه وعشان كده شكيت فى البطاريه...

نمشى واحده واحده....

البطاريه جافه...يعنى فيها مؤشر عن حاله البطاريه وطالما العدسه لونها أخضر وقبلت الشحن..يبقى ملوش لازمه تتغير...البطاريه سليمه...

طب البطاريه بتنام ليه؟

السحب منها أعلى من الشحن....

يعنى إزاى؟

البطاريه بتتشحن بواسطه الدينامو....طول ما العربيه ماشيه الدينامو مسئول عن إعاده شحن البطاريه...

يبقى لو الدينامو مبيشحنهاش كفايه هيبقى السحب وبالذات لو الاحمال الكهربيه عاليه زى انوار عاليه بليل وكاسيت وتكييف وكده....ولأن الشحن ضعيف هينيم البطاريه...

طب نعرف ازاى انها كده؟

الكهربائى بيقيس شحن الدينامو ولو لاقاه ضعيف بيفك الدينامو ويراجع عليه ولو محتاج تغيير كتاوت داخليه وشربون بيغيرهم ولو سيليكونات بتتغير او تتظبط...بس لاحظ انه لازم يقيس الشحن والعربيه شعغاله عادى ولو مشغل النور العالى والتكييف....ويراجع على شد سير الدينامو لو مرخى شويه وبيصفر...

طب طلع الشحن سليم....يعنى الدينامو والبطاريه تمام....يبقى ايه؟

يبقى عندك حاجه عامله ماس فى العربيه بتفضى البطاريه لانها بتبقى زى لو سايب النور منور طول الليل...فالبطاريه بتفضى.....

طب أتأكد إزاى....؟

تجيب سلك او مفك ونقربه من جسم العربيه الحديد بتاع الشاسيه لو حصل تفريغ كهربى او شراره يبقى فى حاجه ملمسه....

صعبه دى ومش هتعرف تعملها....

لما تبطل العربيه...فك طرف من اطرافها وليكن الطرف السالب مثلا...

بكده انت قطعت الدائره الكهربيه المغلقه للماس الكهربى...

لو لاقيت العربيه بتدور الصبح لما تركب طرف البطاريه (القطاش )

يبقى تروح للكهربائى يراجع على الكهرباء لغايه ما يوصل للجزء اللى فيه القفله او الماس...

فى حالتى الشخصيه..

أشتريت بطاريه لان البائع مكنش أمين...

وعملت صيانه فى الدينامو وغيرت كتاوت وشربون

وبعد كده سليكونات

وبعد كده قلب الدينامو ...

لان الكهربائى كان حرامى وبياخد القطع اللى بيفكها لنفسه عشان يركبها او يبيعها بعد كده لبتوع التاكسى او لأى زبون تانى...

وفى النهايه ربنا رزقنا بكهربائى محترم...

قللى على الطريقه الاخيره وطلع الكلام مظبوط وبمراجعه الكهرباء طلع فى قفله فى موتور المساحات!!!

ولغايه ما بعت العربيه كان العلاج انه فك فيشه المساحات وبس...

تحياتى وسامحنى على الرغى الكتير ده...

المشاركة الأصلية كتبت بواسطة memo_lancer

انت جبت من الاخر
لان فعلا الدينامو شكله شحنه ضعيف
لاني كما حاسس ان السحب افي مشكله والكهرباء في حاجه
و انا فعلا اول م بدور
السير بيصفر جامد
بعد كده بيروح
انا هروح بكره
بس يا ريت تقولي
الشربونات و الحاجت في الدينامو
عملتها بكام
و شكرا جدا ليك

بالنسبه للسير بيتشد عادى بس ميشدوش بزياده عشان ميتقطعش.....

شوف كهربائى كويس وأمين لو قاس الشحن ولاقاه ضعيف...يفك الدينامو ويشوف فين المشكله...

بالنسبه للأسعار...
الشربون ده بيبقى زى صباع الجرافيت كده....مش فاكر تقريبا كان ب 5 جنيه ولا كام...

الكتاوت الداخلى والسليكونات والقلب بتختلف من عربيه لعربيه...

فلو طلع حاجه محتاجه تتغير إسأل الاول على الدينامو الاستيراد بكام...ولو قريب فى السعر هات واحد وخللى القديم قطع غيار أصليه....