الموضوع: تحذير للى بيفكر يغير تيل فرامل اللوجان

اول مكملت 29 الف تقريبا بقيت بسمع صوت غريب من التيل ساعات فعرفت انه تقريبا خلص لأنهم كانوا قالولى وانا بعمل صيانة ال 25000 التيل مش هيقعد 5000 واجى اغيره بعد 2000 او 3000 كيلو بالكتير

المهم ندخل فى الموضوع عملت فيها ناصح وقلت ادفع ليه 260 جنيه فى التيل غير تركيبة فى التوكيل ده تيل يعنى مش مستاهله

روحت قلت قبل مكمل ال 30000 اروح اغيره عشان ميقليش فى الصيانة لازم يتغير

المهم نزلت صقر قريش عند محل المهندس طلعت

مكنش موجود فيه واحد هناك تقريبا اسمه هانى

المهم قلتله عندك تيل العربية ديه قالى اه هوه هوه بتاع الكليو

ده صناعتة إيه قالى أسبانى قلتله بكام قالى 100 قلت أكلم المهندس طلعت واشوف بعد خصم المنتدى هيبقى بكام المهم كلمته قالى هوه ب 110 بس انا ببيعه ب 100 بعد الخصم المهم مكنتش فارقة سألته ده كويس ومتجرب قالى أه اكيد

روحت دخلت اشتريتة وبعتنى عند ميكانيكى جنبه ركبته اول مدوست فرامل حسيت ان الدنيا متغيره
بس قلت عادى ده التيل لسه هيطبع وانا كده كده لازم ادوس براحه و و و وقعدت اصبر نفسى بكلام غريب

المهم محاولتش استخدم فرامل بمعنى فرامل يعنى فيه فرامل أه بس تحسها ضعيفة الداوسة تقيلة سنه بس فى الإستخدام العادى شغال يعنى بتهدى وخلاص

المهم جت سفرية مطروح سافرت

المهم بالصدفة كنت بشد مع نيو أكسنت فى طريق عجيبة اللى راح أكيد عارفه بيبقى كل 3 كيلو مطب مثلا جيت عند أول مطب وكبست فرامل طبعا عشان ققف الدواسه تقيله بس هديت ووقفت شدينا وكملنا جيت عند تانى مطب بدوس على الدواسة لقتها تقيله وبتنزل كتير ويادوب عرفت ألم العربية على المطب كل ده وانا مش فاهم فى إيه كملنا وجيت عند 3 مطب بدوس فرامل خير كده الدواسة نزلت والعربية ياوب بتهدى وانا اخر رجلى على الفرامل والدواسة ده اخرها مبتنزلش تانى والعربية يادوب بتهدى سنه بسيطة ... انا متنح أول مره فى حياتى العربية تعمل معايا كده طبعا أخر الهاند شمال فى يمين عشان تهدى عدت على خير وصلت للمطب على سرعة 30 وديه كانت اخر حاجة عرفت أعملها طبعا أكلت المطب وأوتوماتيك كان فيه رمله على اليمين دخلت فيها ركنت نزلت مش فاهم أى حاجة فى أى حاجة

شامم ريحة تيــــــــــــل أكنى ماشى جنب تريله
بفتح الكبوت بشوف الزيت نقص ولا إيه اللى بيحصل لقيت الزيت زى مهو بالملى روحت عند الكاوتش قبل مقرب إيدى منه ناااااااااااااااااااااااا اااااااار مش سخن نااااااااااااااار ممكن نعمل شاى عليه

بس كملنا الطريق بقى وحفظت الفرامل

اول متستخدمها جامد وتسخن يبقى عليه العوض مفيش فرامل طبعا ده بجانب ان مثلا لو ماشى 180 وبتقف ده كفيل انه يخلى الفارمل تولع من أول مره

الإستنتاج :- خامة التيل زباله وفرامل العربية بقت فى الضياع وادينى ماشى اهوه 33 الف وربنا بيستورها وان شاء الله أغيره فى صيانة ال 35000 ويارب ميكونش خربلى الطنابير ( انا حاسس انها لسه سليمة ومفيهاش ريجة بس مفكتهاش وشوفت بصراحة )

أه نسيت حاجة التيل الأصلى كان مختوم من ورا على التيل من ظهرة شكل نجمة محفور كده وحاجة تانى مش فاكرها يارب اللى فى التوكيل يطلع هوه هوه اللى كنت فكيته

بس انا سألت فى التليفون الراجل قالى صناعة فرانساوى مش عارف اللى شوفته فى العربية ده كان إيه

أنا عملت الموضوع مجرد تحذير للناس من اللى حصلى

أدينى هدفع تمن التيل وتركيبة تانى وكنت هضيع كذا مره بسببه ويمكن يتسبب فى انى ادفع تمن طنابير كمان

كل ده عشان عشان قلت أجرب

وديه أخر مره هفكر اجيب حاجة أساسية من بره التوكيل ومش هعمل ناصح تانى ديه فرامل مش لعبة

فى حاجة غريبة حصلت انا مش فاهم تفسيرها الكاوتش تقريبا مبقاش بيسخن زى أول مره بس الفرامل مفيش برده تفتكروا ليه ؟؟؟