حد بيفكر يغير عربته؟ وليه ؟ !! (وائل عطية)

**وائل عطية** · 16-06-2007 12:25 PM

السؤال السابق خاص بملاك الاسبيرانزا فقط ولا مانع من مداخلات أعزائنا من مالكي الماركات الأخرى
هل تنوي تغيير الاسبيرانزا ؟
- مش ناوي طبعاً .......طيب ليه؟ قول لنا شايف إيه حلو فيها ومخليك متمسك بيها كده
- طبعاً هاغيرها......... طيب ليه؟ قول لنا شايف إيه وحش فيها..وعشان كده هاتغير...وهاتجيب إيه ؟ وليه ؟
يالا كل واحد يطلع اللي في نفسه ويتكلم بصراحة ويدون تحيز أو بدون كره بدون سبب

**محمد المرسي** · 16-06-2007 01:21 PM

شوف يا عم وائل ..
الفضل لله من قبل ومن بعد .. أحمد الله الذى رزقنى بمثل هذه السيارة .. لأن الله أعلم الواحد بيتعب ازاى فى الشغل ..
العربية مبفكرش اغيرها لأنه حتى الأن معنديش مشكلة تذكر .. أداء العربية أكثر من رائع .. ثبات مشفتوش إلا فى الألمانى .. سحب العربية معقول .. الأوبشن كتير جداً .. الشكل العام جيد .. بصراحة العربية قليل عليها 64000 جنيه .. للعلم أنا ركبت عربيات كتيرة أوى .. واللى مش مصدق يجرب عربيتى .. ودي شهادة من واحد جرب العربية معاه مو 2006 .. وكل الكلام عن المشاكل اللى أتقالت مش موجودة فى العربية ..

وعلى فكرة أنا كنت ناوى أعمل موضوع تشترى أيه بـ 64000 جنيه ..

وتقبل تحياتى ..

**kamatchodj** · 16-06-2007 01:30 PM

بارك الله لك فى عربيتك

وانا كمان عربيتى مريحانى وزى الفل ومافيش مشاكل

**وائل عطية** · 16-06-2007 02:17 PM

فين باقي الردود ياجماعة !!! :lol:

**ragaiy** · 16-06-2007 02:22 PM

لما استلم حاقولك :P

**وائل عطية** · 16-06-2007 02:26 PM

لما استلم حاقولك

ههههههههههههههههههههههههه ههههههههههههههههههههههههه ه
كويسة :lol: :lol:

**yousef** · 16-06-2007 02:59 PM

شوف يا سيدى العزيز
ازاى اغيرها وانا عمال اخاويها
الاول اشترينا الصغيره و استلمناها فى ديسمبر و لغاية دلوقتى ما شوفتش منها حاجه وحشه بل بالعكس كل يوم بتثبت جدارتها و بتعلى قيمتها الفعليه فى نظرى
بعد كده جبت الكبيره و استلمتها فى نص مايو هى و للحظ السئ كان فيها بعض المشاكل البسيطه بس كل حاجه اتحلت دلوقتى مع مراكز الصيانه لانى لفيت عليهم بس ما فيش شك هى عربيه كويسه
و اخيرا جبت صغيره تانى لوالدى و استلمناها اول يونيو و مافيش فيها اى مشاكل و الحمد لله لغاية دلوقتى
يبقى نغير ليه و نغير لايه
لو حغير لعربيه احسن منها اكيد حفكر
بس لغاية دلوقتى العربيات التلاته بتلبى طلباتى انا و زوجتى و اولادى ووالدى اما والدتى فناوى احجزلها العربيه الجديده اللى حتنزل فى اغسطس لانها زهقت من الفولكس البوينتر

**وائل عطية** · 16-06-2007 03:17 PM

ماشاء الله لا قوة إلا بالله
ربنا يباركلك فيهم يا أستاذ يوسف ويبعد عنك أي المشاكل

**yousef** · 16-06-2007 03:21 PM

اشكرك يا سيدى الفاضل
بصراحه العربيه دخلت دماغى بعد ما كنت فى يوم من الايام اتوقع انى ممكن اركبها بس هى اثبتت كفائتها بالنسبه لى سواء الكبيره او الصغيره

**منعم صادق** · 16-06-2007 05:40 PM

شفتوا كلام الناس العاقلين؟؟؟؟؟؟؟؟؟؟ربنا يباركلنا جميعا فيما رزقنا و يطعمنا جميعا نعمة الرضا بما قسمه الله....لأن والله أحسن شىء ان الأنسان يحب الحاجة بتاعته و العامل النفسى و القناعة لهم تأثير كبير جدا فى رؤيتك للأشياء... و غلشان مالأخرجش عن الموضوع أنا طبعا مش ممكن ابيع عربيتى ألا بعد ماأستمتع بيها و يمكن كمان أخليها عندى حتى لو عندى عربية تانبة.

و الله باجماعة انا عندى فى البيت فى مصر مرسيدس معدل موديل 1980 أشتئريتها من ييجى 12 سنة.. و ما باستعملهاش غير شهر فى السنة لمدة ال 12 سنة
وكتير من أصحابى و جيرانى كل مرة غايزين يشتروها و أنا مش راضى أبدا ... لأن المسألة مسألة عشرة... صدقونى زى ما بقول لكم

تحياتى للجميع

الموضوع: حد بيفكر يغير عربته؟ وليه ؟ !! (وائل عطية)

LinkBack

أدوات الموضوع

عرض

حد بيفكر يغير عربته؟ وليه ؟ !! (وائل عطية) - انشر الموضوع فى :

-

-

-

-

-

-

المواضيع المتشابهه

تحذير للى بيفكر يغير تيل فرامل اللوجان

الحيــــــــــــــــــــــــــــــــــــرة !! (وائل عطية)

الدعابـــــــــــــــــــــــــة !! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة