حاجات كتير ساعدونى

**kantoosh** · 06-12-2010 11:07 PM

السلام عليكم ورحمة الله وبركاته
انا عندى كام مشكلة ظهروا بعد ما صرفت كتير على العربيه وشديتها
1 - كان عندى البطاريه فيها ربعين وكانت بتخلى المارش يعتل غيرتها ولسه المارش بيعتل بس مره اه ومره لأ بمزاجه بس اللى لاحظته انه بيعمل كده والعربيه بارده اوى او سخنه اوى يا ترى دى ابلاتين وكوندنسر ولا بوجيهات ولا مارش ؟؟
2 - العربيه سحبها مش كويس وهى بارده ممكن يكون طبيعى ولكن لما ادوس بنزين بتتخنق وده مكانش بيحصل لازم اشممها البنزين وازود واحده واحده ده ممكن برضه ابلاتين وكوندنسر ولا بوجيهات ولا ايه بالظبط
3 - مغير تيل الفرامل وطنبوره خلفيه والعربيه لما ادوس فرامل تترجرج كده وترقص شويتين من ورا وبتاع الكاوتش قاللى الكاوتش جديد مش عارف بقه ده من التيل ولا من الطنبوره ولا من ايه
4 - بشم ريحة بنزين وانا ماشى بالعربيه وده ظهر فى الاونه الاخيره وبقيت الاقى الفلتر ملينا على اخره انا حاطه قبل الكربراتير على طول
5 - دى بقه معلومه انا مركب البوجيهات من حوالى 3 شهور مثلا ماشى عليهم تقريبا 4000 كيلو واحد قطع وغيرته هل لازم اغير الباقيين ولا لما يقطعوا هما كمان والابلاتسن والكوندنسر من حوالى شهرين تقريبا

**kantoosh** · 06-12-2010 11:18 PM

وحاجه تانيه كمان وهى انها وهى بارده الموتور بيلقط مره ويبطل او مرتين ويبطل وبعدين فى التالته يشتغل

**pro_samir** · 07-12-2010 06:08 AM

البوجيه اللي قاطع ده كان معرق زيت ولا ايه اللي حصله ؟
في دخنه ولا لأ خصوصا لما تدور الصبح وتزود بنزين ؟

دي اعراض تلف كاوتش الصبابات ويمكن الشنابر

المياه في الرادياتير بييجي عليها زيت ولا نضيفه ؟
لو ده بيحصل يبقي جوان وش السلندر ضارب

كان عندي مشاكل زي دي خنقه الصبح ولو زودت تبطل والبوجيهات كانت بتقطع بسرعه ، الخلاصه ان كانت كاوتش الصبابات بايظ وبيعمل ترشيح زيت داخل غرف الحريق وعلي البوجيهات بالأضافه لأن الشنابر كانت وحشه ومجاري الزيت والمياه في وش السلندر بعضها كانت مسدوده من الرواسب

فتحت الموتور اتنضف و غيرت كاوتش الصبابات وطقم الجوانات بالكامل معاها جوان وش السلندر وطقم شنبر كل المشاكل دي اتحلت الحمد لله

ومؤقتا جرب تقدم الكهربا شويه ، والبوجيه اللي فاصل غيره لوحده او ممكن يتنضف فقط كفايه ، واتأكد من ظبط الأبلاتين

خلي ميكانيكي يبصلك عليها يشوفها هتحتاج شنبر ولا لأ

**zastaffa** · 07-12-2010 11:45 AM

المشاركة الأصلية كتبت بواسطة kantoosh

السلام عليكم ورحمة الله وبركاته
انا عندى كام مشكلة ظهروا بعد ما صرفت كتير على العربيه وشديتها
1 - كان عندى البطاريه فيها ربعين وكانت بتخلى المارش يعتل غيرتها ولسه المارش بيعتل بس مره اه ومره لأ بمزاجه بس اللى لاحظته انه بيعمل كده والعربيه بارده اوى او سخنه اوى يا ترى دى ابلاتين وكوندنسر ولا بوجيهات ولا مارش ؟؟
2 - العربيه سحبها مش كويس وهى بارده ممكن يكون طبيعى ولكن لما ادوس بنزين بتتخنق وده مكانش بيحصل لازم اشممها البنزين وازود واحده واحده ده ممكن برضه ابلاتين وكوندنسر ولا بوجيهات ولا ايه بالظبط
3 - مغير تيل الفرامل وطنبوره خلفيه والعربيه لما ادوس فرامل تترجرج كده وترقص شويتين من ورا وبتاع الكاوتش قاللى الكاوتش جديد مش عارف بقه ده من التيل ولا من الطنبوره ولا من ايه
4 - بشم ريحة بنزين وانا ماشى بالعربيه وده ظهر فى الاونه الاخيره وبقيت الاقى الفلتر ملينا على اخره انا حاطه قبل الكربراتير على طول
5 - دى بقه معلومه انا مركب البوجيهات من حوالى 3 شهور مثلا ماشى عليهم تقريبا 4000 كيلو واحد قطع وغيرته هل لازم اغير الباقيين ولا لما يقطعوا هما كمان والابلاتسن والكوندنسر من حوالى شهرين تقريبا

خلينا واحده واحده كده مع بعض:
1_طالما المارش بيدور كويس ومابيعتلش الا والعربيه سخنه ده اما أوتوماتيك المارش الملف بتاعه ضعف ومحتاج يتغير كله وأما جلب مارش محتاجه تتغير وهما جلبتين بيتعملوا عند الخراط......
2_طبيعي أن العربيه يكون سحبها زي الزفت وهي بارده لأن أجزاء الماتور بتكون لسه مطبعتش أو ملينتش مع بعضيها والزيت بيكون بارد ولزوجته عاليه وغير قادر علي القيام بعمليه التزييت والتليين بين أجزاء المحرك علي الوجه الاكمل فبالتالي السحب منيل.......أما حكايه أن العربيه لازم تزودلها واحده واحده لأنه لما بتيجي تزود مره واحده بتقطع منك فده لو العربيه بارده يبقي أمر طبيعي أما لو العربيه سخنه فبيكون أما من الكهربه محتاجه تتقدم شويه أو بيك السرعه محتاج يتغير وبالمره تنضف بيك السلانسيه....أنا كلامي ع العربيان اللي ليها كاربيراتير لو كانت من العربيات الجديده يبقي تنضف الرشاشات......
3_الرجه دي طنابير أنت متأكد أنك غيرت الاتنين اللي ورا ولا غيرت واحده بس؟؟؟؟؟المشكله في الفرامل أكيد خلي بتاع فرامل بيفهم يبص عليها
4_راجع خرطومين البنزين اللي رايحين من التنك للماتور قدام والعكس
5_ لأ عادي أنت تغير البوجيه اللي قاطع بس أنما الباقيين طالما شغالين كويس خلاص سيبهم في حالهم.....بس أهم حاجه تعرف أيه اللي خلي البوجيه يقطع هل مثلا من البنزين ولا وصله زيت ؟؟؟؟

**kantoosh** · 10-12-2010 03:44 AM

السلام عليكم ورحمة الله وبركاته
الموضوع اتحل والحمد لله
كل الحكاية كانت ظبط كهربا وسنفرت البوجيهات وقفلتها شويه وسنفرت الابلاتين وبقت كويسه والحمد لله