مشكلة الدواره في سيات 133

**emamphoto** · 15-05-2009 11:41 AM

عربيتي سيات 133 لما أركنها ساعتين او تلاته ما بتدورش غير لما أكارك كتير و بعدين لاحظت إن فلتر البنزين بعد الركنه الطويله نسبيا بيبقى فاضي تماما من البنزين سألت اكتر من ميكانيكي واحد قال الكربرتير و التاني قال طرمبة البنزين
أرجو الإفاده من حضراتكم

**SAMEH_FOUAD** · 17-05-2009 03:37 PM

طيب كدة ياباشا طرمبة البنزين بتعلق لانك المفروض اول لما بتفتح الكونتاكت بتشتغل ودة واضح جدا انك لازم تكارك بنزين علشان تبدا تودى البنزين ,وقبل ماتغير اى حاجة اتاكد الاول ان الكهربا واصلة كويس للطرمبة لانها ممكن تكون بتعلق يعنى اتاكد من السلك والفيوز بتاعها تانى حاجة فك الطرمبة ونظفها كويس ووديها لكهربائى عشان دية مش شغلة ميكانيكى
وبردة نظف الكربراتير والبيجات بتاعتة بس لو العيب فى الكربراتير العربية هتنتش مكن وانت ماشى والله اعلم وبسيطة ان شاء الله

**lada2010** · 17-05-2009 06:18 PM

هو الفلتر قبل الطرمبة ولا بعد الطرمبة

**ofaashash** · 18-05-2009 10:49 PM

كانت عندى نفس المشكله وكانت بسبب جلدة الرداخ بتسرب بنزين من حوض الكربيراتير ولازم تكارك كتير وانت بتدور لحد ما يتملى تانى

**emamphoto** · 19-05-2009 05:27 PM

ألف شكر على اهتمامكم و إن شاء الله حجرب آراءكم و أبلغكم ايه اللى حصل لإضافة فائده للجميع إذا ظهرت نفس المشكله

**NADERHANAFI** · 19-05-2009 06:20 PM

دة بسبب الردااااااااااااااااااااا ااااااااااااخ.

**emamphoto** · 15-07-2009 03:47 PM

آسف على التأخير في المتابعه معكم
بس آخر التطورات إن العربيه من امبارح مهما اكارك فلتر البنزين بيفضل فاضى و الرداخ لا يستجيب إطلاقا فهل تغييره هو الحل؟
وهل تغييره يحتاج لميكانيكي؟

**Maged_Samy** · 15-07-2009 09:45 PM

اشترى طلمبة بنزين اصليه وهتفك القديمة هتلاقيها مربوطة بمسمارين 13 وركب الجديدة مكانها وطبعاً تنقل الخرطومين الداخل والخارج من القديمة للجديدة وتخلى بالك متلخبطش الداخل مع الخارج . وبعد كل ده لو حصل نفس العيب متزعلش منى و حاول تشوف عوامة الكربراتير ممكن تكون بتعلق او يكون فى سدد او تنفيس فى خرطوم البنزين الى جاى من التنك حاول تفك الفلتر وتشفط بنزين وتشوف هييجى معاك بسهوله ولا لا وانشاء الله تتحل مشكلتك .