الموضوع: صيانة 25 الف كيلو للشاهين

انا سيارتي شاهين 1400 سي سي موديل 2008 طبعا انجكشن
ليها 3 سنوات معايا وعاملة 25000 كيلو
اللي عملته فيها بس من 6 شهور تغيير 2 مقص امامي لانفصال الجلب بداخله وكمان غسلت وغيرت مية الريداتير وياريت ما غيرتها بعديها وجدت الميه كلها صدأ
غيرت زيت فتيس وكارونة 140

انا ناوي اروح بالعربية للميكانيكي اشوف ايه ممكن اللي ممكن اضبطه فيها ( تنظيف كربرتير - ضبط تيكهات - تغير بوجيهات الخ )
ولا اسيب العربية زي ما هيا
علما بأن العربية الحمد لله بتدور معايا من اول مره استهلاك البنزين حوالي 200 كيلو لكل صفيحة بنزين 90
بمعدل 10 كيلو لكل لتر بنزين 90 داخل البلد
ايه رأي الخبراء اكشف ولا اسيبها زي ما هيا
وشكراًًً

المشاركة الأصلية كتبت بواسطة hugan

ما تعملش فيها حاجه الا مع تغيير سير الكاتينه علي 40000
ثانيا
الميكانيكي مش ها يظبط تاكيهات لانه مش ها يعرف
بتتظبط عند الخراط وبيكون مختص بظبط التاكيهات لان تاكيهات الشاهين 1400 حاجه اسمها اطباق مش شواكيش
ولاداعي ليها العربيه عندي 160000 ولم اظبط التاكيهات ولا مره
عند صيانه ال 40000 تعمل الاتي
او الميكانيكي يراجع علي
التيل الامامي والخلفي
بلي العجل
تغيير الفلاتر انواعها المفترض انك بتغير فلترالزيت كل 10000 لو بتستعمل زيت موبيل 1 او ما يشابهه
انا بستخدم زيت شل 5000 كيلو
مراجعه علي العافشه وتربيط عند العفشجي
طبعا تغغير الكاتينه وبليه الكاتينه ويفضل بليتها الاصليه ان كانت بحاله جيده لان الموجود في السوق مضروب
تغيير البوجيهات كل 10000 لافضل اداء وممكن تقعد 20000
حضرتك غيرت مياه الردياتيير خلاص
بس الميه اللي حطيته مش كويسه وعمل لون اصفر صدأ يعني وبفكراغسل واغيربميه كويسه تاني
طبعا انت غيرت زيت الفتيس والكازونه بدري بدون داعي
انا بغيرهم كل 50000
مع الاسف الميكانيكي لما قلت له الفتيس ناشف شويه راح قلي غير بزيت 140 التعاون ده كويس
يعني ميزه الشاهين انها غير متعبه ولا مكلفه في صيانتها
دايما خلي الكشف الشامل علي العربيه مع تغيير الكاتينه

ألف مليون شكر ياباشا