سؤالين: ما هي أفضل بوجيهات للشاهين الإنجكشن الإلكتروني؟ وهل يوجد جدول صيانة للشاهين؟

**ahmed1981** · 22-02-2009 11:22 AM

السادة الزملاء
لدي تساؤلين

أولاً:ما هي أفضل بوجيهات للشاهين الإنجكشن الإلكتروني؟ وبتتغير كل كام كيلو ؟

وهل يوجد جدول صيانة للشاهين لتحديد مواعيد الصيانات من تغيير سيور وغيره؟

**ahmed1981** · 25-02-2009 02:13 PM

أنا عارف أنهم ثلاثة أسئلة
طيب لو حد عايز يجاوب على سؤال واحد وبقية الأسئلة إختياري يتقدم وله جزيل الشكر

**ahmed elsherif** · 26-02-2009 04:29 AM

انا عشت يومين خنقه بسبب البوجيهات يا احمد رحت جبت بوجيهات وطاعت تعبانه ومرطبه والعربيه كانت بتبطل مني كل شويه ولمبه ال check بتنور بس الحمد لله غيرتها وجبت طقم ngk ياباني والعربيه بقت تمام الحمد لله . وبالنسبه للتغير انا مغير عند 25000 km

**ahmed1981** · 26-02-2009 02:52 PM

المشاركة الأصلية كتبت بواسطة ahmed elsherif

جبت طقم ngk ياباني والعربيه بقت تمام الحمد لله . وبالنسبه للتغير انا مغير عند 25000 km

ال NGK الأصلي معروف إنها كويسة
لكن أنا سمعت إن الشاهين التي بها نظام توزيع الشرارة الإلكتروني لا تقبل أي بوجيهات
وعلى حد علمي لها بوجيهات شامبيون بتعطي أفضل أداء
فهل هذا الكلام صحيح أم لا ؟

**فادى** · 26-02-2009 03:49 PM

المشاركة الأصلية كتبت بواسطة ahmed1981

ال NGK الأصلي معروف إنها كويسة
لكن أنا سمعت إن الشاهين التي بها نظام توزيع الشرارة الإلكتروني لا تقبل أي بوجيهات
وعلى حد علمي لها بوجيهات شامبيون بتعطي أفضل أداء
فهل هذا الكلام صحيح أم لا ؟

مش شرط بوجيهات شامبيون,
لكن بوجيهات شامبيون و بوش هم الأفضل بالنسبة لها, و هتلاقيهم مكتوبين فى الكتالوج بأرقامهم, فى الصفحات الأخيرة من الكتالوج.
البوجيه اهم حاجة انو يكون فيه مانع للذبذبات عشان ميأثرش على الكمبيوتر, و يخلى لمبة الشيك تنور.

**ahmed1981** · 26-02-2009 04:23 PM

المشاركة الأصلية كتبت بواسطة فادى

مش شرط بوجيهات شامبيون,
لكن بوجيهات شامبيون و بوش هم الأفضل بالنسبة لها, و هتلاقيهم مكتوبين فى الكتالوج بأرقامهم, فى الصفحات الأخيرة من الكتالوج.

شكراً لحضرتك وللأستاذ أحمد الشريف
لكن هل تعرف مكان الاقي عنده الشامبيون الأصلي ويفضل لو كان بشارع دمشق ؟؟

**فادى** · 26-02-2009 04:42 PM

المشاركة الأصلية كتبت بواسطة ahmed1981

شكراً لحضرتك وللأستاذ أحمد الشريف
لكن هل تعرف مكان الاقي عنده الشامبيون الأصلي ويفضل لو كان بشارع دمشق ؟؟

هتلاقيها بشارع دمشق, انا مش فاكر اسم المحل بالضبط,لكن هو جنب السراجى بتاع الكاسيتات, انا لقيت عندو شامبيون و بوش و الاتنين من الانواع المكتوبة فى الكتالوج.

**drsharra** · 27-02-2009 03:23 AM

ماذا عن كمال مهران بجوار جريدة الجمهورية

**ahmed1981** · 03-03-2009 05:43 PM

أنا إشتريت الشامبيون الخاص بالشاهين الإلكتروني
صناعة أمريكي !! (غريبة المفروض إنجليزي)
سعرهم 80 جنيه مصري !! (غاليين قوي العاديين الشامبيون سعرهم حوالي 30 جنيه)
مش عارف دا طبيعي ولا لأ

المهم
الحقيقة ظبطوا العربية بسم الله ما شاء الله
وشكراً لكم جميعاً

**drsharra** · 03-03-2009 06:54 PM

بعد إذنك يا أستاذ أحمد ظبطوا العربية . يعنى إية؟ هل تعنى قلة إستهلاك البنزين مثلا أو ماذا؟ و ممن اشتريتهم ؟

منتظر الرد العام القادم .....دا إذا حد رد

الموضوع: سؤالين: ما هي أفضل بوجيهات للشاهين الإنجكشن الإلكتروني؟ وهل يوجد جدول صيانة للشاهين؟

LinkBack

أدوات الموضوع

عرض

سؤالين: ما هي أفضل بوجيهات للشاهين الإنجكشن الإلكتروني؟ وهل يوجد جدول صيانة للشاهين؟ - انشر الموضوع فى :

-

-

-

-

-

-

-

المواضيع المتشابهه

صيانة 25 الف كيلو للشاهين

أين أقوم بعمل صيانة الألف للشاهين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل يوجد مكان لتركيب التكييف للشاهين بمدينة طنطا؟

يا جماعة هو في كتالوج صيانة للشاهين؟؟؟!!!

هل يوجد Service Manual للشاهين

الكلمات الدلالية لهذا الموضوع

المفضلات

المفضلات

ضوابط المشاركة