مشاكل الحرارة توضع هنا

**m3touk_85** · 19-12-2010 06:55 PM

طبعا عجبني فى منتدي اجنبي النظام فيه وكل واحد بيحط المشاكل بتاعته فى القسم التابع لها فحبيت انقل التجربة هنا وبما انا حاليا بحل مشكلة مع اخ لينا فى المنتدي واستفدت كتير فحبيت اشع المشكلة واحتمالتها

احتمالات مشاكل الحرارة :

1- المياه وقلة وجودها فى الراديتير او القربة قم باضافة المياه والعربية شغالة وطفي العربية وشغلها تاني وضيف مياه لغاية ما تحس انها اتملت علشان لو في هواء فى دورة المياه تكون طلعت وبعد ذلك ضيف مياه للقربة ويكون مش اعلي من العلامات المحددة

2- انتهاء العمر الافتراضي لكل من غطاء الراديتير او غطاء القربة والحل تغييرهم او المروحة لا تعمل او بليتها خشنت فقلت سرعتها اذن محتاجة تغيير
3- هناك تسريب او الميه بتخلص بسرعة يبقي تراجع على الخراطيم دورة المياه والكوع بتاع الماتور اللي متصل بيه الخراطيم لحسن يكون حصل له تاكل ومتاج تعمل له كوع او تغيير خراطيم وبردو نكشف على الراديتير ونعمل له اختبار كبس
4- ممكن تكون الثرموستات انتهت عمرها الافتراضي ومحتاج تغيير
5- المشكلة مازالت موجودة يبقي محتاج تغيير صباع الحرارة وهو موجود فى جسم الماتور
6- مازالت المشكلة موجودة يببقي في احتمالات مضخة الزيت او مضخة المياه ( الطرمبة ويتم تغييرهم )
7- مازلت المشكلة المشكلة يبقي كده وش سلندر ومحتاج يتصلح

**M_Nabil** · 19-12-2010 07:11 PM

**No Comment** · 19-12-2010 09:16 PM

مفيدة المعلومات دى للكل شكراً يا معتوق .

**khaleddapino** · 19-12-2010 10:17 PM

انا عندى الحراره ثابته و الثرموستات ساليمه و المروحه تمام و الغطاء تمام غير بس الطرمبه لان و انا بدور العربيه كنت بتسرب من ناحيه اليمين و فعلا طلعت متاكله
دلوقت المياه بتخلص ببطى فى قربه المياه

ممكن يكون خراطيم؟؟؟

**wellfine** · 19-12-2010 10:53 PM

هندى العربيه فى مره لاقيت المياه بتقل بشكل ملحوظ
المهم بزوده بس بمجرد اخلص مشورين و كنت لازم ازود
المهم نزلت تحت العربيه و هى مطفيه بلاقى المياه كلها بتنزل من خلف الموتور, واحد من محطه البنزين قلى ده ممكن تكون طرمبه المياه
روحلت للميكانيكى و لاقتها خرطوم بينفس بس المياه مكنتش بتنزل إلا لما العربيه تكون مطفيه, طول ما هى شغاله مكنش فى حاجه بتنزل ابدآ

**m3touk_85** · 20-12-2010 12:04 AM

المشاركة الأصلية كتبت بواسطة wellfine

هندى العربيه فى مره لاقيت المياه بتقل بشكل ملحوظ
المهم بزوده بس بمجرد اخلص مشورين و كنت لازم ازود
المهم نزلت تحت العربيه و هى مطفيه بلاقى المياه كلها بتنزل من خلف الموتور, واحد من محطه البنزين قلى ده ممكن تكون طرمبه المياه
روحلت للميكانيكى و لاقتها خرطوم بينفس بس المياه مكنتش بتنزل إلا لما العربيه تكون مطفيه, طول ما هى شغاله مكنش فى حاجه بتنزل ابدآ

تقريبا حسب قوانين ال fluids بيقي سريان المياه اسرع بسبب طرمبة شغال فبيخليها بجري بسرعة فى الخرطوم ولم العربية بتطفي كل حاجة توقف فالبتالي تقل قوة اندفاع الميه

**m3touk_85** · 20-12-2010 12:05 AM

المشاركة الأصلية كتبت بواسطة khaleddapino

انا عندى الحراره ثابته و الثرموستات ساليمه و المروحه تمام و الغطاء تمام غير بس الطرمبه لان و انا بدور العربيه كنت بتسرب من ناحيه اليمين و فعلا طلعت متاكله
دلوقت المياه بتخلص ببطى فى قربه المياه

ممكن يكون خراطيم؟؟؟

حاول تعمل اختبار كبس للعربية وتشوف ايه المشسكلة فين

**hondaman** · 20-12-2010 10:42 AM

أحب اضيف حاجة مهمة جدا بعد أذن صاحب الموضوع
بالنسبة للرداتير للعربية الاتوماتيك بيبقى فى دورة تبريد لزيت الفتيس بتكون اسفل الرداتير لو الدورة دى مسدودة نتيجة ترسبات او عدم جودة زيت الفتيس بـياثر بالسلب على حرارة الفتيس والمكنة وممكن تكشف وتلاقى المياة مظبوطة لاكن بردو الحرارة بتعلى وتلاقى سحب العربية قل جدا وتشم ريحة زيت محروق و ممكن تلاقى المياة جفت أو نقصت بنسبة كبيرة لاكن مفيش تسريب من الرداتير او الغطاء او القربة .. ممكن تلاقى نقص فى زيت الفتيس بستمرار لاكن متخدش بالك منين بالظبط لان مش هتشوف الزيت و هوا بنزل لو العربية مش دايرة او دايرة حتى بيتسرب لما العربية تكون دايرة وواخدة غيار وماشية كمان من عند المنطقة دى اسفل الرداتير بتلاقى بلوف نحاس خارج وداخل متوصل فيهم خراطيم تبريد الزيت اللى خارج وداخل على الفتيس سعات بتكون البلوف دى فيها شرخ صغير جدا لا يذكر لاكن بيأثر جامد جدا أو مسدودة
بتلاقى بردو فى المشكلة دى الحرارة ممكن تكون مظبوطة ودة مش فى كل الحلات بس تسمع المروحة تشتغل ويدوب تفصل شوية تقوم شغالة تانى اكيد هيبوظ المروحة ... فى ناس ممكن تفوت عليهم حاجة زى دى ويفتكرو انة عيب فى الثرموثتات او حساس الحرارة لاكن العيب بيقى من المنطقة دى

**hondaman** · 20-12-2010 10:50 AM

عن تجربة :
تعمل اية لو العربية سخنت بيك جامد جدا والمية عندك بتنقص ومشكوك ان العربية جابت جوان وش سلندر او قربت تجيب جوان وش سلند وانت ماشى مثلا فى منطقة مقطوعة او على كبرى اكتوبر ومش هينفع تقف ومضطر فعلا انك تمشى بيها لاقرب بنزينة او ميكانيكى او او ..... تشغل التكيييف من غير ال a/c بس على السخن لو مش لاغى السخن عندك هتلاقى حرارة العربية قلت جدا معاك بس دة فى حالة من الحلات اللى فوق