ممكن مساعده يا جماعه بخصوص عربيتي (جولف 2)

**KaReeM10** · 01-01-2011 03:17 PM

رجالة المنتدى المحترمين ..

ارجو المساعده من فضلكم.. دلوقتي انا معايا جولف 2 موديل 84 معدله بالكامل 90 (1600 كابراتير)

العربيه بدأت تطلع دخان ابيض من الشكمان + تسريب زيت وبالتالي الكل بينصحني بدل ما اصلحها اسقط مكنه جديده مره وحده .. الكلام ده مظبوط ولا ممكن تتعمل ؟؟ ولو اتعملت تتكلف كتير ؟؟؟

لو مش هتتصلح ولازم اسقط... انا عايز استفيد من خبرتكم لاني معنديش اي خبره في الموضوع ده

اجيب 2000 2e ولا 1800 bb ولا في حجات احسن ؟؟؟

انهي احسن وارخص وصيانتها اسهل وقطع غيارها متوفره واستهلاك بنزين اقل .. بمعنى انهي فيهم عمليه اكتر ؟؟؟

ياريت حد يقولي تكاليف تسقيط كل وحده كام بالظبط ومين احسن تاجر اشتري من عنده.. الحرفيين ولا بورسعيدولا ايه بالظبط؟؟

انا عايز مكنه كامله (تكييف + فتيس + عفشه)

ارجو الافاده واسف للاطاله .. وشكرا جزيلااااااااااااااااا ليكو.....

**Abdallah** · 01-01-2011 05:25 PM

حضرتك محتاج ميكانيكى كويس علشان يقولك الموتور جاب اخره فعلا ولا مجرد نصف عمرة ولا هتمشى ازاى
ثانيا بالنسبة للماكينة الجديدة فلو محتاج توفير يبقى هتجيب 1600 رشاشات لأن ال 1800 وال 2000 هيكلفوك كتير فى صيانتهم واستهلاكهم للوقود وكمان فى ترخيصهم
حدد احتياجاتك وشوف انت محتاج ايه موتور قوى بغض النظر عن التكاليف ولا موتور موفر وامكانياته مش بطالة