ممكن مساعده في موضوع تظبيط الصوت ده يا جماعه لو سمحتوا؟

**asorour** · 06-04-2011 08:54 AM

شباب انا معايا عربيه كليو 2004 كامله..عايز اعرف اجيب سماعات مقاسها ايه للباب الامامي واللسماعات اللي ورا برضوه و موضع الدائري و البيضاوي. و يارت تنصحوني تقولولي اجيب نوع ايه؟ انا ممكن اجبيهم من بره

موضوع الجي ام ده ايه فايدته و بنستعمله في ايه؟
موضوع الصب والتوصيلات؟
كمان انا الكاسيت بتاعي في تحكم في الطاره و مش عايز الغي التوصيله ديه يعني مش هعرف اغير الكاسيت فعشان كده بفكر اعمل وصله aux عشان اركب اي بود او اي حاجه تانيه يا تري هل ديه ينفع ولا ايه؟

معلش يا شباب اسئلتي كتير بس اخوكم جديد في الموضوع ده...علاقتي كلها بالرمل الاسمنت و الخرسانه؟

**Ali_mehrem** · 06-04-2011 05:52 PM

بص يا باشا السماعات عندك مقاسها 13 سم دول اللى فى الباب و برضو انا مش متاكد اوىبس بنسبة90% هما 13 سم

الانواع الكويسة بايونير و سونى و كينوود و كلاريون بس اللى هتلاقيه غالبا هيبقى سونى و بايونير

الجى ام ده جهاز امبليفاير بمعنى اصح مضخم او مكبر زى كده اللى بتوع الدى جى بيوصله عليه سماعتهم

موضوع الصب و التوصيلات مالو ؟؟؟؟ مش فاهم سؤالك بالظبط

موضوع الفانكشن فى الطاره مش عايز تلغية ممكن تركب كاسيت تانى و تسيب الاصلى راكب

ويا باشا اسال زى مانت عايز و احنا فى الخدمه

**A.Saad** · 06-04-2011 08:01 PM

الاول الصوت بيكون كذا تقسيمة
بيز البيز زى صوت الدرامز والطبلة
ده احسن حاجة تطلعه الصب والسماعات البيضاوى بعد كدة
تريبل : دى بتطلعها التويترات سواء منفصلة لوحدها او جوة السماعة
ميدرنج ده الطبقة المتوسطة فى الصوت وبيطلع من السماعة
لو هتجيب 13 سم من برة هات سماعات كمبوننت
دى بتكون سماعة ومعاها تويتر وكروس
المهم اما تقيس السماعة او الكاسيت متبصش بس مكتوب كام وات او peak power شوف ال nominal power وده بيتقاس بحاجة اسمها rms كل ما تزيد يكون افضل
بس لازم يكون فيه تناسب بين مكونات عدة الصوت
يعنى ما ينفعش اركب امبلفاير 300rms على سماعات 80rms
الامبلفاير بيقوى او بيضخم الصوت
وبنحطه بين الكاسيت والسماعات او الصب علشان يوفر الاشارة القوية ليهم لان اغلب الكاسيت ميقدرش يديهم rms المطلوب

**asorour** · 06-04-2011 10:21 PM

المشاركة الأصلية كتبت بواسطة a.saad

الاول الصوت بيكون كذا تقسيمة
بيز البيز زى صوت الدرامز والطبلة
ده احسن حاجة تطلعه الصب والسماعات البيضاوى بعد كدة
تريبل : دى بتطلعها التويترات سواء منفصلة لوحدها او جوة السماعة
ميدرنج ده الطبقة المتوسطة فى الصوت وبيطلع من السماعة
لو هتجيب 13 سم من برة هات سماعات كمبوننت
دى بتكون سماعة ومعاها تويتر وكروس
المهم اما تقيس السماعة او الكاسيت متبصش بس مكتوب كام وات او peak power شوف ال nominal power وده بيتقاس بحاجة اسمها rms كل ما تزيد يكون افضل
بس لازم يكون فيه تناسب بين مكونات عدة الصوت
يعنى ما ينفعش اركب امبلفاير 300rms على سماعات 80rms
الامبلفاير بيقوى او بيضخم الصوت
وبنحطه بين الكاسيت والسماعات او الصب علشان يوفر الاشارة القوية ليهم لان اغلب الكاسيت ميقدرش يديهم rms المطلوب

شكرا يا احمد ...بجد تسلم ايديك......انا دلوقتي بفكر اجيب الكموننت ديه ...اجيب الاربعه كده ولا الاتنين اللي علي الباب بس......وياريت تقولي علي سيتم كامل ويكون سهل التركيب عشان انا بقلق من الصناعيه في مصر

ياريت تقولي كمان علي المقاس اللي ورا و شكلهم ايه مدور ولا دائري

**A.Saad** · 07-04-2011 12:07 AM

موضوع المقاس اللى عندك كام طبعا معرفوش لان اللى يعرفه حد معاه العربية
او اعمل زى وفك الفرش وشوف اللى راكب كام وعندك علايات ولا لا وسمك الباب كام
والكلام ده يتعمل والزجاج نازل
ومقاس ورا غير قدام
انا عملت كدة اما جيت اركب
الابواب المدور خليك فى السونى صوتهم حلو
ومبدئيا
لو الباب نفع عندك
هات 13 كمبوننت
هتديك تريبل وميدرنج حلو
وممكن لو فكيت تلاقى ينفع عندك 16 وده اللى حصل عندى
13 فابريكة وليها علاية
جبنا 16 بعلاية
لو هتعمل رفmdf ورا يبقى بيضاوى لان البيز بتاعها احسن من المدور
وهتجيب اتنين بايونير 400
وطبعا جى ام
حاجة بايونير برده

والمهم انت ميزانيتك كام وعربيتك هاتشباك ولا سيدان وهل بتحب البيز ولا التريبلات اكتر
وهل تعرف مواصفات كاسيت الفابريكة اللى عندك ولا لا
وموضوع التركيب ممكن كلاريون المهندسين
اللى ركب لى اسمه اشرف وهو صنايعى فاهم
ولو انت برة مصر دلوقت ياريت تقولى علشان عايز خدمة