إلحقوني ياعصابة، بوظت دهان السيتي....

**FrozenFire** · 15-01-2011 09:06 PM

طبعا إنتوا عارفين إني مستلم السيتي من 3 أيام بالظبط ويوم الجمعة إمبارح الدنيا مطرت جامد جدا. عرفت يومها إن في واحد عندنا في المنوفية بيبع غطيان ووتر بروف.
روحت له واشتريت واحد ولقيت عنده فوطه قال إن إسمها جلد غزال. وكنت سمعت عنها هنا في المنتدى. سألته بتستخدمها إزاي؟ قال بعد ما تخلص غسيل خالص نشف بيها العربية. قلت آمين
النهاردة الصبح غسلت العربية من الطينة اللي كانت فيها بالمياة فقط لا غير واستخدمت فوطة صفراء جديدة ونشفت بالفوطة الجلد الغزال.
طبعا لا نشفت ولا حاجة
ولا حظت برضه في كل العربية إن في خرابيش صغيرة جدا وكتيرة جدا هي مش محسوسة خالص ومش باينة إلا لما تدقق قوي في الدهان. مش عارف بقى الخرابيش دي كانت قبل الغسيل ولا بعده.
ولقيت حتة في الصاج الفوطة علمت فيها والحتة دي بقت مجيرة ولونها باهت غير لون العربية.
طبعا إتنكد عليا ومش عارف أعمل إيه.
ومن كتر ما أنا بفكر فيها مش عارف أشتغل في العيادة خالص
أنا مش فاهم نهائي إيه اللي حصل؟
وهل الواكس يضيع الكلام ده كله ولا لأ؟
وخلاص أنا حرمت تماما أمد إيدي تاني على العربية. خصوصا إني تعبت جدا عشان أجيب العربية دي وفرحان بيها
الحمد لله
والسلام ختام

**د.عمرعبدالفتاح** · 15-01-2011 10:11 PM

روح التوكيل دا عيب صناعة

**Horsepower** · 15-01-2011 10:18 PM

خير إن شاء الله ,,, بسيطة ,,, العنوان خضني بصراحة
شوف يا سيدي الخرابيش دي بتحصل عادي جدا وخصوصا من الفوطة الزفرة ودي مش في البوية دي في طبقة التلميع (Polish) ,,, ده علشان ماتقلقش وتعرف إنها لازم تحصل طول ما العربية بتتطوق ,,,
نصيحة شيل الموضوع ده من دماغك وماتفكرش فيه ,,, ممكن كل ما تحس إن التلميع راح قوي (بعد 40 ألف كم مثلا) تروح للتوكيل يعملها بوليش بحوالي 550 جنيه بس العربية هاتبات يوم.
أو لو عايز تعمل حاجة مؤقته إسمها (تشميع) ودي ممكن تعملها بنفسك أو في مراكز خدمات في بعض البنزينات بتعمل الموضوع ده (زي وطنية) وفيه نوع ممتاز إسمه SONAX ألماني بس أهم حاجة تجيب لون العربية بالضبط ,,, لو العربية لونها أبيض أو إسود الموضوع سهل إنما لو أي لون تاني هاتحتاج تجيب نفس اللون و تجرب بحرص على حتة صغيرة الأول قبل ما تفرش العربية كلها واللون يتغير شوية.
من رأيي زي ما قلت لحضرتك ماتشغلش بالك بالحاجات البسيطة دي لأنها هاتحصل هاتحصل.
بالنسبة للفوطة جلد الغزال دي بتستخدم للزجاج فقط ويكون شبه ناشف ,,, دي فوطة بتعمل نفس إللي بيعمله ورق الجرائد.

**kamalsalem** · 15-01-2011 10:19 PM

الاشكال اللي في البوية دورانية؟

**FrozenFire** · 15-01-2011 10:49 PM

المشاركة الأصلية كتبت بواسطة kamalsalem

الاشكال اللي في البوية دورانية؟

فعلا
على شكل دواير صغيرة كتيرة جنب بعضها

خير، دا إيه؟

**FrozenFire** · 15-01-2011 10:57 PM

المشاركة الأصلية كتبت بواسطة horsepower

خير إن شاء الله ,,, بسيطة ,,, العنوان خضني بصراحة
شوف يا سيدي الخرابيش دي بتحصل عادي جدا وخصوصا من الفوطة الزفرة ودي مش في البوية دي في طبقة التلميع (polish) ,,, ده علشان ماتقلقش وتعرف إنها لازم تحصل طول ما العربية بتتطوق ,,,
نصيحة شيل الموضوع ده من دماغك وماتفكرش فيه ,,, ممكن كل ما تحس إن التلميع راح قوي (بعد 40 ألف كم مثلا) تروح للتوكيل يعملها بوليش بحوالي 550 جنيه بس العربية هاتبات يوم.
أو لو عايز تعمل حاجة مؤقته إسمها (تشميع) ودي ممكن تعملها بنفسك أو في مراكز خدمات في بعض البنزينات بتعمل الموضوع ده (زي وطنية) وفيه نوع ممتاز إسمه sonax ألماني بس أهم حاجة تجيب لون العربية بالضبط ,,, لو العربية لونها أبيض أو إسود الموضوع سهل إنما لو أي لون تاني هاتحتاج تجيب نفس اللون و تجرب بحرص على حتة صغيرة الأول قبل ما تفرش العربية كلها واللون يتغير شوية.
من رأيي زي ما قلت لحضرتك ماتشغلش بالك بالحاجات البسيطة دي لأنها هاتحصل هاتحصل.
بالنسبة للفوطة جلد الغزال دي بتستخدم للزجاج فقط ويكون شبه ناشف ,,, دي فوطة بتعمل نفس إللي بيعمله ورق الجرائد.

الله يطمن قلبك يا هورس باور
هي لونها إسود، وياريت تقول لي مكان معين أروح له أعمل عنده كار كير
وعندي سؤال مهم
هل السيتي ليها طقم دواسات معين ولا أجيب أي طقم كويس من أي محل؟ وطبعا سيادتك عارف إن التانك تحت الكرسي اللي جنب السواق
معلشي أنا مهتم بالعربية جدا لأن ربنا كرمني بيها بعد حيرة طويلة وتعب كتير، وفعلا ربنا فضله واسع وكبير.

**elmkaneeki** · 15-01-2011 11:04 PM

انا اعتقد دة شك زائد يا فندم
ودة طبيعى عشان العربية جديدة بس وانت خايف عليها (اى حد جديد بيجيب عربية بيبقى زى حضرتك)
متحطش فى بالك يا دكتور واعرضها على حد فى بنزينة وشوف رأيه

**tameraast** · 15-01-2011 11:15 PM

عادى خالص انت بس مكبر الموضوع

**Horsepower** · 15-01-2011 11:34 PM

المشاركة الأصلية كتبت بواسطة frozenfire

الله يطمن قلبك يا هورس باور
هي لونها إسود، وياريت تقول لي مكان معين أروح له أعمل عنده كار كير
وعندي سؤال مهم
هل السيتي ليها طقم دواسات معين ولا أجيب أي طقم كويس من أي محل؟ وطبعا سيادتك عارف إن التانك تحت الكرسي اللي جنب السواق
معلشي أنا مهتم بالعربية جدا لأن ربنا كرمني بيها بعد حيرة طويلة وتعب كتير، وفعلا ربنا فضله واسع وكبير.

يا باشا ولا يهمك,
بالنسبة للتشميع ده هاتلاقيه في حتت كتير ,,, شخصيا شفته بيتعمل كويس في محطات وطنية (محطة وطنية إللي على الدائري الجهة المقابلة لكارفور و محطة إمارات مصر) دي أنا شفت عربيات معمولة هناك كويس على ما أفتكر ب 120 جنيه ,,, بس التشميع ده حاجة مؤقتة يعني أخره شهر مثلا وطبقة الشمع دي بتروح ,,, ومش معقول هاتعمله كل شهر,,, ده بيتعمل في المناسبات زي الحموم كدة :))) بهزر طبعا.
ريح بالك من الحاجات البسيطة دي علشان فيه حاجات للأسف أسواء من كدة والواحد بيبلعها برضه (زي لما الواحد ينزل يلاقي واحد من شباب الهيكي بيكي إللي بيلبسو جينزات كلها سوست وكباسين على الجيوب إللي ورا وتلاقيه راكن على العربية وبيتكلم في الموبايل وإنفعلات مكالمة الموبايل حب وسهوكة تترسم على بوية العربية وطبعا لما يشوفك يبعد و تتفرج على مشاعره على بوية عربيتك) وغيره وغيره.

بالنسبة لطقم الدواسات ممكن حد من الإخوة إللي معاهم سيتي يدلك أحسن مني لو فيه ىحد عنده نوع نظيف.

**eng_maged** · 16-01-2011 09:51 AM

انا اتخطيت يا سيدي
اعمل واكس وان شاء الله كله هيبقى تمام وبلاش بتاعه الغزال ده

الموضوع: إلحقوني ياعصابة، بوظت دهان السيتي....

LinkBack

أدوات الموضوع

عرض

إلحقوني ياعصابة، بوظت دهان السيتي.... - انشر الموضوع فى :

-

-

-

-

-

-

-

المواضيع المتشابهه

هو انا بوظت الموتور؟! D:

السلام عليكم، وحشتوني ياعصابة........

الحقووووووووني ياعصابة انا بتسرق

إلحقوني... بوظت دهان عربيتي.

أرجوا المساعدة ياعصابة الاوبل

الكلمات الدلالية لهذا الموضوع

المفضلات

المفضلات

ضوابط المشاركة