الموضوع: السلام عليكم، وحشتوني ياعصابة........

السلام عليكم ورحمة الله وبركاته
أخباركم إيه؟ والله ليكم وحشة جامدة جدا.
الفترة اللي فاتت كنت ومازلت مشغول جامد قوي ووقتي ضيق لأبعد درجة. بس والله إنتوا على طول في البال. وكل مدة أبقى عايز أدخل أسلم عليكم بس والله المشاغل هي اللي واخداني.
وأنا كنت بجهز لموضوع فقلت مش حسلم عليكم غير بالموضوع ده عشان تعرفوا إني مش ناسيكم

ولكن

مش حطول عليكم

أنا بقالي أكتر من 5 شهور والله عمال أكتب في تقرير عن الهوندا سيتي عشان مافيش ولا تقرير وافي كافي عنها في المنتدى. طبعا 5 شهور مش عشان هو طويل, لا عشان كل ما أبقى فاضي خمس دقايق أدخل أكتب شوية.

وطبعا بهذا المعدل عقبال ما أفنش الموضوع وأحط صور وشوية ديكور يبقى قدامي كمان 5 سنين عقبال ما يخلص. هاهاهاهاهاهاهاهاهاهاهاها.
فجه في دماغي فكرة حلوة النهادرة

هل ممكن حد من العصابة ليه خبرة في عمل المواضيع وتزينها وتظبيطها أبعت له الموضوع كلام وهو ينسقه بمعرفته ويحط الصور براحته ويعمل الديكور اللي يشوفه مناسب ويتحط إسمه معايا في الموضوع.
والله يبقى وفر عليا جهد كبير واختصر وقت كبير وأكيد حيطلع أحسن من اللي أنا حعمله بمراحل لأني ماليش في حكاية تنسيق المواضيع.

مستني رأيكم يارجالة

والسلام ختام