كهرباء زيادة ..كهرباء مؤخرة

**abokoko** · 15-01-2011 09:22 PM

ايهما اكثر ضررا ويستدعى سرعة الاصلاح
كهرباء زيادة تحتاج ظبط الاسبراتير
(( السيارة صباحا تدور اسرع لكن عند اطفاء السيارة هزة ورجة وصوت خبط بالموتور والفتيس ))

كهرباء مؤخرة تحتاج ظبط الاسبراتير
((السيارة تدور بالعافية صباحا ..اعتقد توفير فى البنزين ))

انا كان بعانى من الظبطة مرة عالية ومرة واطية

رجاء الافادة وبالذات على اثر كل منهما على الموتور

**amrelsaqqa** · 15-01-2011 09:28 PM

اعتقد الزيادة ضررها اكتر لو فيه صوت تسقيف مستمر او كركرة ( التسقيف الجامد مع الاحمال العالية ممكن يكسر كرنك مثلا او بييلات ولكنها حالة نادرة ولكنه ايضا يؤثر على الموتور بالتأكيد )

غير كدة يبقى التأخير اكثر ضررا خصوصا لو كانت الشرارة تنطلق عند النقطة الميتة العليا تماما (ممكن تكسر البستم )
وطبعا التاخير بيضر بسحب العربية وحرق البنزين

وبالنسبة لافضل استهلاك للبنزين وافضل اداء = عند الكهربا المظبوطة بدون تأخير ولكن تقديم عند السرعات العالية فقط

**abokoko** · 15-01-2011 09:45 PM

صراحة انا تعبت وهغير الميكانيكى رغم انى بساريح له
واشوف ميكانيكى تانى يظبط لى الكهرباء

انا لحد دلوقتى ظبتها 3 مرات ورا بعض ولسة العربية فيها كهرباء زياده وقبلها ماخرة كهرباء وقبلها كهرباء زيادة وقبلها دخان سودة

**amrelsaqqa** · 15-01-2011 10:10 PM

انت ممكن تعملها بنفسك
طالما الابلتين والكوندنسر مظبوطين

خليها مقدمة كهربا
وبعدين أخرها واحدة واحدة
واطلع جرب في كل مرة
تجيب التانى والتالت وتكبس بنزين في اول كل غيار منهم
وتجرب في كذا مرة لحد ما صوت التسقيف يختفى تماما او ييجى مع الكبس المفاجئ اوى بس

**abokoko** · 15-01-2011 11:19 PM

شكرا لاهتمام حضرتك والرد

بالنسبة انى اعملها بنفسي فانا بخاف - رغم انى شوفت الميكانيكى اكتر من مرة-
لكن بخاف لانى زمان لعبت فى البكات وكنت عايز ازود rpm والعربية لخبطت معايا فمن ساعتها وانا مش متحرأ
رغم انى فضولى شديد وبحب اعمل الحاجات بنفسي

**elmkaneeki** · 15-01-2011 11:29 PM

لا البات موضوع مختلف اكيد
المرة دى العب براحتك
بص يا سيدى
هات قلم واعمل علامة بين الجزء المتحرك فى الاسبراتير والجزء الثابت فى المحرك والعب براحتك ولو غلبت اوى
اضبط العلمتين على بعض وكأنك معماتش اى حاجة

**abokoko** · 16-01-2011 02:51 AM

فكرة ممتازة حكاية القلمدى هجربها
الف شكر على اهتمام حضرنك

الموضوع: كهرباء زيادة ..كهرباء مؤخرة

LinkBack

أدوات الموضوع

عرض

كهرباء زيادة ..كهرباء مؤخرة - انشر الموضوع فى :

-

-

-

-

المواضيع المتشابهه

طقم زراير كهرباء كامل + طقم مكن زجاج كهرباء + 4 فرش ابواب + 4 كوالين سنتر + 4 أوكر

للبيع - طقم زراير كهرباء كامل + طقم مكن زجاج كهرباء + 4 فرش ابواب ويرا2005

يعنى اية العربية فيها كهرباء زيادة ؟؟؟؟

صوت كهرباء

هي دي مشكلة كهرباء زيادة ولا سخونة زيادة

الكلمات الدلالية لهذا الموضوع

المفضلات

المفضلات

ضوابط المشاركة