يعنى اية العربية فيها كهرباء زيادة ؟؟؟؟

**eng.octooo** · 05-04-2010 02:36 PM

العربية بقالها كام يوم لما اكون راجع من مشوار طويل ولا حاجة واجى اطفيها الاقيها بتترج رجة جامدة حتى وانا مطلع المفتاح من الكونتك وبتعمل رائحة غريبة

والغريب ان والعربية وهيا بتترج لو حطيت المفتاح والفة قبل اللفة الاخيرة بالاقيها اشتغلت ( المفروض فى الى قبل اللفة الاخيرة تكون مش بتدور والكاسيت وكدة بيكونوا شغالينن) يارب تكونوا فهمتو انا اقصد اية

المهم
والدى شافها وهيا بتعمل كدة قالى دى كهرباء زيادة
بس انا مش عارف يعنى اية كهرباء زيادة واظبطها ازاى ؟؟؟؟؟؟

ولو رحت لكهربائى اخلية يظبطهالى منين علشان اكون عارف واديلة مصنعية كام (لانى ما اعرف فى المصنعيات خاااالص)

وشكرا مقدماااا

**eng.octooo** · 06-04-2010 12:57 AM

نسيت اقول نوع العربية

mercedes 200 model 81

**amrelsaqqa** · 06-04-2010 01:20 AM

تقريبا والله اعلم اللى فهمته ان
الكهربا عالية بتاعت الاشعال ودى تروح لميكانيكى مش كهربائى ( بس تمشى كهربائى برضه )

و تقول له وطي الكهربا شوية او اخرها

وممكن تعملها انت
من الاسبراتير

اللى هو ده

حتى لو مش شبه ده
امشى مع سلوك البوجيهات شوفها واخدة منين

هتلاقي الاسبرتير

وتأخير الكهربا او توطيتها بأنك تلفه في اتجاه عقارب الساعة ( كأنك بتقفل الحنفية )
والتعلية العكس

بس خلى بالك لا تتكهرب ماليش دعوة :D

بس هقولك حاجة
المفروض لما بتوطى الكهربا سحب العربية يقل شوية
لو العربية سحبها حلو ومش بتسمع تسقيف او صوت كركرة وانت ماشى على التانى والاولانى

يبقى سيبها زي ما هى احسن

**eng.octooo** · 06-04-2010 02:55 AM

بجد شكرا ليك ...البتاع دة انا عارفة مش بيكون فية من فوق 5 اسلاك لونهم اسود وتحس انهم راكبين زى الفيشة كدة بس مش عارف رايحين فيين .....

بكرة الصبح هاشوفها واقولك على النتيجة ان شاء الله

**darkangel007** · 07-04-2010 03:07 PM

لو رحت لميكانيكى ممكن مياخدش منك حاجة لانة هيلفلك الاسبراتير بس و يظبطة بودنة و صوت الموتور!
و هيا فعلا الاسبراتير عاوز ظبط!

**chihab** · 30-05-2010 06:38 PM

ريح دماعك دي طبيعي جدا في الصيف تحصل رجه لان ذرات الكربون داخل الماتور تكون لاتزال مشتعله رغم اطفاء الماتور
ولو عاوز تبطل الرجه بسرعه بعد ماتبطل العربيه ادي نقله حتلاقيها سكتت علي طول
وابعد عن الميكانيكيه لانهم حيشتغلوك في الموضوع ده ويقولك كهربا زياده وكلام مالاوش لازمة وهي لاتؤثر علي الماتور في حاجه ولاتعلي ولاتوطي كهربا
وعموما في موضوع قديم في المنتدي للمهندس سبعاوي شارح الموضوع ده بالتفصيل العلمي المفصل دور عليه في المنتدي

**chihab** · 30-05-2010 06:41 PM

انا لسه باصص علي نوع عربيتك دلوقتي وعرفت انها مرسيدس وده شئ طبيعي فيها ماهواش عيب
وعموما تعليه او توطيه الكهرباء لاتزيد عن خمسه جنيه لصاحب الورشة واتنين جنيه للصنايعي بكتيره