الموضوع: أوبل فيكترا ولا لانسر كريستالة؟؟؟؟؟؟؟؟؟؟؟؟؟؟

مع إني معايا لانسر و بحترم إصدارات شركة ميتسوبيشي ... لكن أكيد و بكل أمانه الفيكترا ماينفعش تتقارن بالكريستاله أبدا ...

عضم الفيكترا و صاجها أقوى بكتير عن تجارب شخصية في كذا حادثة كمان ده غير إن سمك الصاج انت ممكن تشوفه بنفسكو تحس بيه.

الفيكترا موتورها وحش خصوصا الـ 2000 سي سي منها بس محتاجه حد يحافظ عليها من ناحية نوعية البنزين و الصيانه الدورية و كده ، خلي بالك انت هتشتريها مستعمله فلازم تجيب حاجة صاحبها كان محافظ عليها كويس.

الفيكترا أثبت على السرعات العالية لإن وزنها أتقل .

اللانسر ممكن تكون أوسع من جوه شوية عن الفيكترا أعتقد ، لكنها برضه قريبه من الأرض اكتر من الفيكترا.

الكريستاله امورة خصوصا لو اهتميت بشكلها الخارجي و ظبتها شوية ، لكن الفيكترا لو بس جنطتها و حافظت على صاجها هتحس إنها أشيك عربية في الشارع و أشيك من أي موديل جديد كمان.

و على فكره قطع غيار الفيكترا يا جماعة سعرها كويس في السوق .. صحيح عمرها ما هتكون زي الكوري ولا زي الكريستاله .. لكن قطع الغيار موجوده و بأسعار شبه الياباني المتوسط .. يعني أنا معايا بومه ، و كنت بروح للميكانيكي علشان عربية واحد صاحبي فيكترا 99 و كنت بلاقي قطع الغيار بتاعته و بتاعتي في نفس السعر.

أنا من رأيي ... هات الفيكترا و توكل على الله مدام هتعرف تهتم بيها وتحاظ عليها.

بص يا باشا انا معايا فيكترا و اقدر افيدك
انا بحترم جدا الكريستالة بس اقدر اقولك بثقة ان الفكترا حاجة تانية خالص
هات ال 2000 cc و شوف بنفسك و لو حالتها حلوة مش هاترضى تركب حاجة غيرها
بس هي فعلا في صيانتها مقرفة و مش اي حد يشتغل فيها
و موضوع دورة التبريد و السخونة كلام فاضي
مش بيحصل غير لو واحد مش فاهم (عك) في العربية و ده مش بيحصل كتير
خد اراء برده و شوف يمكن حد تاني يفيدك اكتر مني
و بالتوفيق ان شاء الله